完整藏文原文 · 德格版页 当前仅加载第 10 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཀྱང་དེ་ཤིང་རིང་པོའི་རྩེ་མོ་ལ་བཏགས་ཏེ་བཞག་ནས། འདི་སྐད་ཅེས་འདི་སུས་ཀྱང་སྐས་དང་། ཡ་གད་དང་། ཀྱོ་བ་ཏང་དག་གིས་བླང་བར་མི་བྱའི། འདི་ལྟར་དགེ་སྦྱོང་ངམ་བྲམ་ཟེ་གང་དག་རྫུ་འཕྲུལ་ཆེ་བའམ། མཐུ་ཆེ་བ། དེ་དག་ལས་འགའ་ཞིག་གིས་ལེན་ན་དེས་
D6.010.0021a01.01ནི་འདི་ཅི་བདེར་ཁྱེར་ལ་རག་གོ་ཞེས་དྲིལ་བསྒྲགས་པ་ཡང་བྱས་སོ། །གཞན་མུ་སྟེགས་ཅན་རྣམས་ནང་པར་སྔར་ལངས་ནས་ཆུ་ངོགས་དག་ཏུ་ཉེ་རེག་བྱེད་དུ་འདོང་བ་དེ་དག་གིས་མཐོང་ངོ་། །མཐོང་ནས་ཀྱང་ཁྱིམ་བདག་མེ་སྐྱེས་ལ་སྨྲས་པ། ཁྱིམ་བདག་འདི་ཅི་ཡིན། དེས་དེ་དག་ལ་རྒྱས་པར་བསྙད་
D6.010.0021a02.01པ་དང་། དེ་དག་གིས་སྨྲས་པ། །ཁྱིམ་བདག་ཁྱོད་ཤཱཀྱའི་བུའི་དགེ་སྦྱོང་རྣམས་ལ་མངོན་པར་དད་པས་དེ་དག་ཉིད་ལེན་པར་འགྱུར་རོ་ཞེས་སྨྲས་ནས་དོང་ངོ་། །ཇི་ཙམ་ན་དགེ་སློང་གནས་བརྟན་གནས་བརྟན་དག་རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དེ་དག་གིས་དེ་མཐོང་ནས་དེ་དག་གིས་
D6.010.0021a03.01ཀྱང་ཁྱིམ་བདག་མེ་སྐྱེས་ལ་སྨྲས་པ། ཁྱིམ་བདག་འདི་ཅི་ཡིན། དེས་དེ་དག་ལ་དེ་ཁོ་ན་བཞིན་དུ་རྒྱས་པར་བསྙད་པ་དང་། དེ་དག་གིས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་དགེ་སློང་དག་གིས་ཡོན་ཏན་ནི་བཅབ་པར་བྱ། སྐྱོན་ནི་བསྒྲག་པར་བྱའོ་ཞེས་བཀའ་སྩལ་ན། ཇི་ལྷུང་
D6.010.0021a04.01བཟེད་ཙམ་གྱི་ཆེད་དུ་བདག་ཉིད་བསྟན་པར་བྱའམ་ཞེས་སྨྲས་ནས་དོང་ངོ་། །ཇི་ཙམ་ན་ཚེ་དང་ལྡན་པ་འོད་སྲུང་སྟོབས་བཅུ་པ་དེ་ཕྱོགས་དེར་འོངས་ཏེ། ཁྱིམ་བདག་ལ་སྨྲས་པ། ཁྱིམ་བདག་འདི་ཅི་ཡིན། དེས་ཇི་ལྟ་བུ་ཡིན་པ་སྨྲས་པ་དང་། ཚེ་དང་ལྡན་པ་འོད་སྲུང་སྟོབས་བཅུ་པས་བསམས་པ།
D6.010.0021a05.01བདག་གིས་ཐོག་མ་མེད་པའི་དུས་ནས་བསགས་པའི་ཉོན་མོངས་པའི་ཚོགས་རྣམས་སྤངས་ཤིང་བོར་ལ་བསལ་ཅིང་སྦྱང་བ་བྱས་ན་ཁྱིམ་བདག་གིས་བདག་མུ་སྟེགས་ཅན་དང་རྫུ་འཕྲུལ་འགྲན་པར་ཆད་ཀྱིས་དེའི་ཕྱིར་འདིའི་ཡིད་མགུ་བར་བྱའོ་སྙམ་ནས། དེས་ལག་པ་གླང་པོ་ཆེའི་སྣ་ལྟ་བུ་བརྐྱང་སྟེ་ལྷུང་བཟེད་
D6.010.0021a06.01དེ་བླངས་ནས་དེས་དེ་ཁྱེར་ཏེ་གཙུག་ལག་ཁང་དུ་སོང་ངོ་། །དེ་ལ་དགེ་སློང་དག་གིས་སྨྲས་པ། གནས་བརྟན་ཁྱོད་ཀྱི་ཙན་དན་ས་མཆོག་པའི་ལྷུང་བཟེད་འདི་ག་ལས་མཆིས། དེས་ཇི་ལྟར་གྱུར་པ་བརྗོད་པ་དང་། དགེ་སློང་དག་གིས་སྨྲས་པ། གནས་བརྟན་ཁྱོད་ལྷུང་བཟེད་ཙམ་གྱི་ཆེད་དུ་ཁྱིམ་པའི་མདུན་
D6.010.0021a07.01