完整藏文原文 · 德格版页 当前仅加载第 10 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བགོ་སྐལ་ལ་སྤྱོད་པ་དང་། ལས་ལ་རྟོན་པ་ཅན་ཡིན་ཏེ། ལས་དགེ་བའམ། སྡིག་པ་ཡང་རུང་། གང་དང་གང་ཁོ་ན་བྱེད་པའི་ལས་དེ་དང་དེའི་སྐལ་བ་ཅན་དུ་འགྱུར་རོ། །དགའ་བོ་ལོ་བརྒྱར་འཚོ་བ་ལ་གནས་སྐབས་བཅུ་སོ་སོར་མྱོང་བར་འགྱུར་ཏེ། གནས་སྐབས་
D6.010.0140a01.01དང་པོ་ལ་ནི་བྱིས་པ་དམན་པ་གན་རྐྱལ་དུ་ཉལ་བར་འགྱུར་རོ། །གནས་སྐབས་གཉིས་པ་ལ་ནི་གཞོན་ནུ་རྩེ་བའི་རང་བཞིན་ཅན་དུ་འགྱུར་རོ། །གནས་སྐབས་གསུམ་པ་ལ་ནི་ཐོར་བུ་འདོད་པ་སྤྱོད་པར་འགྱུར་རོ། །གནས་སྐབས་བཞི་པ་ལ་ནི་སྟོབས་དང་ལྡན་ཞིང་སྤྲོ་བ་ཅན་དུ་འགྱུར་རོ། །
D6.010.0140a02.01གནས་སྐབས་ལྔ་པ་ལ་ནི་ཤེས་རབ་དང་ལྡན་ཞིང་སྤོབས་པ་དང་ལྡན་པར་འགྱུར་རོ། །གནས་སྐབས་དྲུག་པ་ལ་ནི་དྲན་པ་དང་ལྡན་ཞིང་དཔྱོད་པའི་རང་བཞིན་ཅན་དུ་འགྱུར་རོ། །གནས་སྐབས་བདུན་པ་ལ་ནི་བརྟན་པ་ཚད་ལ་བབ་པར་འགྱུར་རོ། །གནས་སྐབས་བརྒྱད་པ་ལ་ནི་བརྟན་པ་རྒྱལ་པོ་ལྟ་བུར་
D6.010.0140a03.01འགྱུར་རོ། །གནས་སྐབས་དགུ་པ་ལ་ནི་རྒན་པོ་རྒ་བས་འཁོགས་པར་འགྱུར་རོ། །གནས་སྐབས་བཅུ་པ་ལ་ནི་ཚེ་ཟད་ཅིང་འཆི་བའི་ཆོས་ཅན་དུ་འགྱུར་ཏེ། དགའ་བོ་དེ་ལྟར་ན་ལོ་བརྒྱར་འཚོ་བ་ལ་གནས་སྐབས་བཅུ་པོ་དེ་དག་སོ་སོར་མྱོང་བར་འགྱུར་རོ། །ལོ་བརྒྱར་འཚོ་བ་ནི་དུས་ཚིགས་
D6.010.0140a04.01སུམ་བརྒྱར་འཚོ་བར་འགྱུར་ཏེ། དགུན་རྣམས་ཀྱི་དུས་ཚིགས་བརྒྱ་དང་། སོ་ག་རྣམས་ཀྱི་དུས་ཚིགས་བརྒྱ་དང་། དབྱར་རྣམས་ཀྱི་དུས་ཚིགས་བརྒྱའོ། །དུས་ཚིགས་སུམ་བརྒྱར་འཚོ་བ་ནི་ཟླ་བ་སྟོང་ཉིས་བརྒྱར་འཚོ་སྟེ། དགུན་རྣམས་ཀྱི་བཞི་དང་། སོ་ག་རྣམས་ཀྱི་བཞི་དང་། དབྱར་རྣམས་
D6.010.0140a05.01ཀྱི་བཞིའོ། །ཟླ་བ་སྟོང་ཉིས་བརྒྱར་འཚོ་བ་ནི་ཟླ་བ་ཕྱེད་པོ་ཉིས་སྟོང་བཞི་བརྒྱར་འཚོ་བར་འགྱུར་ཏེ། དགུན་རྣམས་ཀྱི་བརྒྱད་དང་། སོ་ག་རྣམས་ཀྱི་བརྒྱད་དང་། དབྱར་རྣམས་ཀྱི་བརྒྱད་དོ། །ཟླ་བ་ཕྱེད་པོ་ཉིས་སྟོང་བཞི་བརྒྱར་འཚོ་བ་ནི་ཉིན་ཞག་སུམ་ཁྲི་དྲུག་སྟོང་དུ་འཚོ་བར་འགྱུར་ཏེ། ཉིན་ཞག་
D6.010.0140a06.01སུམ་ཁྲི་དྲུག་སྟོང་དུ་འཚོ་བ་ནི་ཟན་གྱི་བར་ཆད་ཀྱི་ཟན་མ་གཏོགས་པར་ཟན་བདུན་ཁྲི་ཉིས་སྟོང་ཟ་བར་འགྱུར་རོ། །དེ་ལ་ཟན་གྱི་བར་ཆད་ནི་འདི་དག་ཡིན་ཏེ། གང་ཁྲོས་པས་མི་ཟ་བ་དང་། བདེ་བས་མི་ཟ་བ་དང་། སྡུག་བསྔལ་བས་མི་ཟ་བ་དང་། རྙེད་ཀྱང་མི་ཟ་བ་དང་། མ་རྙེད་དེ་མི་ཟ་བ་དང་། ཉལ་ཏེ་
D6.010.0140a07.01