完整藏文原文 · 德格版页 当前仅加载第 10 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་སྐྱེས་ཀྱིས་ཡང་ལྟོས་ཤིག་ཅེས་སྨྲས་ནས། དེས་མ་སྤྱད་པ་གང་ཡིན་པ་དེ་ཚེར་མའི་སྟེང་དུ་བོར་ན་མ་ཐོགས་པར་སོང་ངོ་། །ཅིག་ཤོས་དེ་བོར་ན་ཚེར་མ་ལ་ཐོགས་ནས་བྲམ་ཟེ་དེ་ངོ་མཚར་ཆེན་པོ་དེས་མངོན་པར་དད་པར་གྱུར་ནས་སྨྲས་པ། ཁྱིམ་བདག་ཁྱོད་ནི་རྫུ་འཕྲུལ་ཆེ་བ་མཐུ་ཆེ་བ་
D6.010.0023a01.01ཞིག་པས་ཁྱོད་རིན་ཇི་ཙམ་གྱིས་བཞེད་པ་དེ་ཙམ་གྱིས་སྣོམས་ཤིག །དེས་སྨྲས་པ། བྲམ་ཟེ་ཁྱོད་འགྲོན་ཡིན་གྱིས་ཁྱོད་ཉིད་ལ་མཆོད་པ་བྱ་བའི་ཕྱིར་ཀཱར་ཥཱ་པ་ཎ་སྟོང་ཉིད་སྦྱིན་པར་བྱའོ། །ཞེས་དེས་དེ་ལ་ཀཱར་ཥཱ་པ་ཎ་སྟོང་བྱིན་པ་དང་། བྲམ་ཟེས་དེ་བླངས་ནས་སོང་ངོ་། །མེ་སྐྱེས་ཀྱིས་དེ་དག་ལས་
D6.010.0023a02.01གང་སྤྱད་པ་ནི་ཁྱེའུ་ཞིག་ལ་བྱིན། མ་སྤྱད་པ་ནི་ཁྲུས་རས་སུ་བྱས་སོ། །དེ་ནས་དུས་གཞན་ཞིག་ན་རྒྱལ་པོ་གཟུགས་ཅན་སྙིང་པོ་སྟེང་གི་ཁང་{བཟངས་ཀྱི་,བཟང་གི་}ཐོག་ན་བློན་པོའི་ཚོགས་ཀྱིས་ཡོངས་སུ་བསྐོར་ཅིང་འདུག་པའི་ཚེ་མེ་སྐྱེས་ཀྱི་ཁྲུས་རས་ཁང་པའི་སྟེང་དུ་སྐམ་དུ་བཅུག་པ་རླུང་གིས་ནམ་མཁའ་ལ་
D6.010.0023a03.01ཁྱེར་ནས། རྒྱལ་པོ་གཟུགས་ཅན་སྙིང་པོའི་སྟེང་དུ་ལྷུང་བ་དང་རྒྱལ་པོས་སྨྲས་པ། ཤེས་ལྡན་དག་རྒྱལ་པོ་ལ་འོས་པའི་གོས་འདི་ལྟ་བུ་ག་ལས་འོངས། དེ་དག་གིས་སྨྲས་པ། ལྷ་རྒྱལ་པོ་ང་ལས་ནུ་བྱུང་བའི་ཚེ་ནི་དགུང་བདུན་དུ་རིན་པོ་ཆེའི་ཆར་བབ་པོ་ཞེས་ཐོས་ན་ལྷ་ལ་ཡང་ན་བཟའི་ཆར་བབ་
D6.010.0023a04.01པ་ལས་ན་རིང་པོ་མི་ཐོགས་པར་རིན་པོ་ཆེའི་ཆར་འབབ་པར་འགྱུར་རོ། །རྒྱལ་པོས་སྨྲས་པ། བཅོམ་ལྡན་འདས་ཀྱིས་ཁྱིམ་བདག་མེ་སྐྱེས་ལྷ་དང་མིའི་དཔལ་ཡང་མྱོང་བར་འགྱུར་རོ། །ཞེས་ལུང་བསྟན་ལ། འདི་ཡང་ལྷའི་གོས་ནམ་མཁའ་ལས་འོངས་པ་ཞིག་ན་དེ་འོངས་དང་སྦྱིན་པར་
D6.010.0023a05.01བྱས་ཞོག་ཤིག་ཅེས་བསྒོའོ། །དེ་དག་དེ་སྐད་སྨྲ་བའི་ཚེ་ཉིད་ན་མེ་སྐྱེས་འོངས་པ་དང་། རྒྱལ་པོས་སྨྲས་པ། གཞོན་ནུ་ཁྱོད་བཅོམ་ལྡན་འདས་ཀྱིས་ལྷ་དང་མིའི་དཔལ་ཡང་མྱོང་བར་འགྱུར་རོ་ཞེས་ལུང་བསྟན་ལ། ང་ལ་ཡང་ལྷའི་གོས་ནམ་མཁའ་ལས་ལྷུང་བ་འདི་ལྟ་བུ་ཡོད་ཀྱིས་དེ་ཁྱོད་ཁྱེར་
D6.010.0023a06.01ཅིག །དེས་ལག་པ་བརྐྱང་སྟེ་སྨྲས་པ། ལྷ་གཡར་སྔ་བྲིམ་གྱིས་ཚུར་སྩལ་ཞེས་བརྟགས་ན་ཇི་ཙམ་ན་བདག་གི་ཁྲུས་རས་ཡིན་པར་མཐོང་ནས་ཅུང་ཟད་བགད་དེ་སྨྲས་པ། ལྷ་འདི་བདག་གི་ཁྲུས་རས་བསེར་མས་འཚལ་ནས་འདིར་མཆིས་པ་ལགས་སོ། །རྒྱལ་པོས་སྨྲས་པ། གཞོན་
D6.010.0023a07.01