完整藏文原文 · 德格版页 当前仅加载第 10 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུང་གི་ཚོགས་གོ་བསྐོན་ནས་བདག་ཅག་གསོད་དུ་འོངས་སོ་ཞེས་ཐོས་སོ། །ཐོས་ནས་དེ་དག་གིས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་གཡུལ་སྤྲད་པའི་ཕྱིར་འཕགས་སྐྱེས་པོ་ལོགས་སུ་སྤགས་
D6.010.0090b01.01སོ། །དེ་དག་བདེན་པ་མཐོང་བ་ཡིན་པས་གསོད་པར་ནི་ཅུང་ཟད་ཀྱང་མི་བྱེད་ཀྱི། གཞན་དུ་ན་དེའི་ཚེ་དབྱུག་པ་དང་ལྕག་དག་གིས་བསྣུན་ཅིང་། གཞུ་རྒྱུད་དང་། རྒྱུན་དང་། འབྲིང་པ་རྣམས་གཅོད་པ་དང་། རྣ་རྒྱན་དག་ལ་མདའ་འཕེན་པར་བྱེད་དོ། །འཕགས་སྐྱེས་པོའི་དཔུང་གོ་ཆ་ཞིག་པར་བྱས་ནས་སེར་
D6.010.0090b02.01སྐྱའི་གནས་སུ་ཞུགས་ཏེ་སྒོ་དག་བཅད་ནས་ར་བ་ལ་སྦྲེངས་ཏེ་འཁོད་དོ། །དེ་དག་གིས་ཕ་རོལ་གནོད་པའི་མཐུ་ཉེ་བར་བཅོམ་པ་དང་། མ་ལ་གནོད་ལ་སྨྲས་པ། མ་ལ་གནོད་མཐོང་ངམ། ཤཱཀྱ་རྣམས་ཀྱིས་བདག་ཅག་བརླག་པར་བྱས་སུ་འོང་གིས་ཐོང་ལ་འདོང་། དེས་སྨྲས་པ། ལྷ་ཐུགས་མ་འཆད་
D6.010.0090b03.01ཅིག། སེར་སྐྱ་ན་གནས་པའི་ཤཱཀྱ་རྣམས་ནི་བདེན་པ་མཐོང་བ་ལགས་པས་འདི་རྣམས་སྲོག་ཆགས་གྲོག་སྦུར་ཡང་སྲོག་དང་འབྲལ་བའི་ཐུགས་མི་ཐུབ་སྟེ། དེ་ནི་འདི་དག་གིས་བདག་ཅག་གི་སེམས་ཅན་གཅིག་ཀྱང་མ་བསད་པ་ལས་མངོན་ནོ། །དེ་དེས་བསླུས་ནས་ཅང་མི་སྨྲ་བར་འདུག་གོ། །ཤཱཀྱ་རྣམས་
D6.010.0090b04.01ཀྱིས་ཀྱང་ཁྲིམས་སུ་བཅས་པ། ཤེས་ལྡན་དག་བདག་ཅག་ལས་སུས་ཀྱང་འཕགས་སྐྱེས་པོའམ། འཕགས་སྐྱེས་པོའི་དཔུང་ལ་བསྣུན་པར་མི་བྱ་སྟེ། གང་ཞིག་བསྣུན་པ་དེ་ནི་བདག་ཅག་གི་ཉེ་དུ་ཡང་མ་ཡིན། ཤཱཀྱ་ཡང་མ་ཡིན་ནོ། །དེའི་ཚེ་དེའི་དུས་ན་ཤཱཀྱ་ཤམྦྷ་ཀ་ཞེས་བྱ་བ་ཞིག་རི་བྲགས་ཤིག་ན་
D6.010.0090b05.01རང་ཞལ་ཏ་བྱེད་ཅིང་ལས་ཀྱི་མཐའ་བྱེད་པ་དེས་ཤཱཀྱ་རྣམས་ཀྱིས་ཁྲིམས་སུ་བཅས་པ་མ་ཐོས་སོ། །དེ་ཡང་སོ་སོའི་སྐྱེ་བོ་ཞིག་ཡིན་ཏེ། དེས་འཕགས་སྐྱེས་པོ་བདག་ཅག་གསད་པའི་ཕྱིར་སེར་སྐྱའི་གནས་སུ་འོངས་ནས་ཕྱོགས་ཆེ་གེ་མོ་ཞིག་ན་འདུག་གོ་ཞེས་ཇི་ལྟ་བུ་ཡིན་པ་ཐོས་སོ། །ཐོས་ནས་ཀྱང་ཁྲོ་བས་
D6.010.0090b06.01ཀུན་ནས་དཀྲིས་པས་བསྐྱེད་པའི་ཡིད་མི་བདེ་བའི་མོད་ལ་འཕགས་སྐྱེས་པོའི་དཔུང་གི་ཐོག་ཏུ་དྲངས་ནས་དེས་དེར་སྐྱེ་བོའི་ཚོགས་མང་པོ་ཞིག་ནི་ཁ་བཏག །ཁ་ཅིག་ནི་ཐ་མ་མ་ཤི་ཙམ་དུ་བྱས་སོ། །དེ་ནས་འཕགས་སྐྱེས་པོ་ཡིད་མི་བདེ་ནས་སྨྲས་པ། མ་ལ་གནོད་ཁྱོད་ཀྱིས་མཐོང་ངམ། ཁྱོད་ཅག་ན་རེ་
D6.010.0090b07.01