完整藏文原文 · 德格版页 当前仅加载第 10 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་པར་འགྱུར་ཞིང་སེམས་ཉེ་བར་ཉམས་པར་འགྱུར་ཏེ། དེ་ལྟར་ན་དེ་ཤེས་བཞིན་དུ་མའི་མངལ་དུ་འཇུག་ཅིང་ཤེས་བཞིན་མ་ཡིན་པར་མའི་མངལ་ན་གནས་པ་ཡིན། ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། །དགའ་བོ་དེ་ལྟར་མའི་
D6.010.0147a01.01མངལ་དུ་འཇུག་པ་ཡང་སྡུག་བསྔལ་བ། མའི་མངལ་ན་གནས་པ་ཡང་སྡུག་བསྔལ་བ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ན། དགའ་བོ་དེ་ལ་འཁོར་བ་ན་སྲིད་པ་མངོན་པར་འདོད་པ་མའི་མངལ་གྱི་གནས་ན་གནས་པ་ལ་མནོག་ཅི་ཞིག་ཡོད། ཇི་ལྟར་ན་
D6.010.0147a02.01འདི་ཤེས་བཞིན་མ་ཡིན་པར་མའི་མངལ་དུ་འཇུག །ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་རང་བཞིན་ཁོ་ནས་ཚུལ་ཁྲིམས་འཆལ་པ་ཡིན་ཞིང་མི་དགེ་བའི་ཆོས་ཅན། མི་དགེ་བ་ལ་འདུན་པ།
D6.010.0147a03.01མི་དགེ་བ་ཀུན་ཏུ་སྤྱོད་པ། སྡོམ་པ་མ་ཡིན་པ་མང་བ། སོ་སོར་རྟོག་པ་མེད་པ་མང་བ། བག་མེད་པར་གནས་པ། ཡོ་བྱད་ཀུན་ཏུ་འཛིན་པ། སེར་སྣ་ཅན། འཇུངས་པ། བརྣབ་སེམས་ཅན། གནོད་སེམས་ཅན། ལོག་པར་ལྟ་བ། འགྱོད་པ་ཅན་ཡིན་ལ།
D6.010.0147a04.01འཆི་བའི་དུས་བྱེད་ན་མི་དགེ་བའི་ཆོས་དེ་དག་གིས་ཉེ་བར་བརྟན་པ་དེ་འཆི་ཀའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དེ་དག་གིས་རེག་ན། དྲན་པ་ཉམས་པར་འགྱུར་ཞིང་སེམས་ཉེ་བར་ཉམས་པར་འགྱུར་
D6.010.0147a05.01ཏེ། དེ་ན་སྡུག་བསྔལ་དུ་རོ་གཅིག་པའི་རྣམ་པར་ཤེས་པ་ཅན་འདི་གང་ཡིན། འདི་ཇི་ལྟ་བུ་ཡིན། བདག་གང་ཡིན། གང་ནས་ཤི་འཕོས་གང་ནས་འོངས། གང་དུ་སྐྱེ་ཞེས་བྱ་བ་མི་ཤེས་ཏེ། དེ་ལྟར་ན་འདི་ཤེས་བཞིན་མ་ཡིན་པར་མའི་མངལ་དུ་འཇུག །ཤེས་བཞིན་
D6.010.0147a06.01མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། །དགའ་བོ་དེ་ལྟར་ན་མའི་མངལ་དུ་འཇུག་པ་ཡང་སྡུག་བསྔལ་བ། མའི་མངལ་ན་གནས་པ་ཡང་སྡུག་བསྔལ་བ། མའི་མངལ་ནས་འབྱུང་བ་ཡང་སྡུག་བསྔལ་བ་ཡིན་ན་
D6.010.0147a07.01