完整藏文原文 · 德格版页 当前仅加载第 10 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་གཉིས་པ། དགེ་སློང་དག་གིས་ཤིག་དང་། རྩྭ་ཤིག་དང་། སྲོག་ཆགས་གཞན་དག་གཡང་ས་ནས་བོར་བ་དང་། དེ་དག་དྲན་པ་ཉམས་ཤིང་གནོད་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་
D6.010.0252a01.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྲོག་ཆགས་ཐམས་ཅད་གཡང་ས་ནས་དོར་བར་མི་བྱའོ། །དེ་དག་གིས་གར་བབ་བབ་ཏུ་བོར་བ་དང་། བཅོམ་ལྡན་འདས་ཀྱིས་བཀའ་སྩལ་པ། གར་བབ་བབ་ཏུ་བོར་བར་མི་བྱའི། ཤིག་ནི་
D6.010.0252a02.01ར་དེའི་ནང་དུ་གཞུག་པར་བྱ། དེ་མ་རྙེད་ན་ཀ་བའི་སེར་ཀའམ། རྩིག་པའི་བུ་གར་ཆུག་ཤིག །རྩྭ་ཤིག་ནི་ནེའུ་གསིང་སྔོན་པོའི་ས་ཕྱོགས་སུ་གཞག་པར་བྱའོ། །དེ་མ་རྙེད་ན་བསིལ་བའི་ཕྱོགས་སུའོ། །སྲོག་ཆགས་གཞན་ཡང་རང་རང་གི་གནས་སུ་གཏང་བར་
D6.010.0252a03.01བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ཆབ་བཙགས་པ་མ་བརྟགས་པ་འཚལ་དུ་རུང་ལགས་སམ། ཉེ་བ་འཁོར་མིག་གིས་མ་བརྟགས་ན་མི་རུང་ངོ་། །བཙུན་པ་ཆབ་བཙགས་པ་བརྟགས་པ་འཚལ་དུ་རུང་
D6.010.0252a04.01ལགས་སམ། ཉེ་བ་འཁོར་མིག་གིས་བརྟགས་པའི་ཕྱིར་རུང་ངོ་། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་དབྱར་གནས་པར་ཁས་བླངས་པའི་དགེ་འདུན་གྱིས་སྲ་བརྐྱང་གདིང་བར་བྱའོ་ཞེས་བཀའ་སྩལ་པ། ཀོ་ས་ལའི་རྒྱལ་པོ་གསལ་རྒྱལ་གྱིས་
D6.010.0252a05.01ཐོས་ནས་དེས་དགེ་འདུན་ལ་སྲ་བརྐྱང་ཕུལ་ལོ། །དེ་བཞིན་དུ་བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། ཁྱིམ་བདག་མགོན་མེད་ཟས་སྦྱིན་དང་། དྲང་སྲོང་བྱིན་དང་། རྙིང་པ་དག་དང་། ཕྱ་མཁན་དག་དང་། གཞན་མང་པོ་དག་གིས་སྲ་བརྐྱང་
D6.010.0252a06.01ཕུལ་བ་དང་། དགེ་སློང་དག་གིས་སྲ་བརྐྱང་གཅིག་ཅིག་བྱིན་གྱིས་བརླབས་ནས་ལྷག་མ་གཞན་དེ་དག་ཉིད་ལ་སླར་བསྐུར་བར་བརྩམས་པ་དང་། དེ་དག་གིས་འཕགས་པ་འདི་དག་ནི་བདག་ཅག་གིས་དགེ་འདུན་ལ་ཕུལ་བ་ལགས་པས་བདག་ཅག་སླར་ཇི་ལྟར་འཚལ།
D6.010.0252a07.01