完整藏文原文 · 德格版页 当前仅加载第 10 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་བོའི་སྲོག་ཕངས་པ་ལྟར་དེའི་ཡང་དེ་དང་འདྲ་ན། ཅིའི་ཕྱིར་ཁོ་བོའི་བཅོལ་བ་བྱེད། དེས་སྨྲས་པ། གྲོགས་པོ་དེ་ལ་ཀཱར་ཥཱ་པ་ཎ་དག་བྱིན་དང་གདོན་མི་ཟ་བར་མེལ་ཙེ་བྱེད་དོ། །དེས་དེ་ལ་བཅོལ་བ་དང་། དེས་སྨྲས་པ། ཀཱར་ཥཱ་པ་ཎ་ལྔ་བརྒྱ་བྱིན་ཅིག་དང་
D6.010.0272a01.01མེལ་ཙེ་བྱའོ། །དེས་སྦྱིན་ནོ་ཞེས་དམ་བཅས་པ་དང་། དེས་སྨྲས་པ། རེ་ཞིག་ཉིས་བརྒྱ་ལྔ་བཅུ་ཞིག་བྱིན་ཅིག །ལྷག་མ་ནི་གལ་ཏེ་ཁོ་བོ་གསོན་པོར་སླར་འཁོར་ན་བྱིན་ཅིག །ཅི་སྟེ་མ་ཡིན་ན་ཁྱོད་ཉིད་ཀྱི་ཡིན་གྱིས་ཅི་བདེར་གྱིས་ཤིག །དེས་སྨྲས་པ། ལེགས་ཏེ་དེ་བཞིན་
D6.010.0272a02.01བྱའོ་ཞེས་དེས་དེ་ལ་ཀཱར་ཥཱ་པ་ཎ་ཉིས་བརྒྱ་ལྔ་བཅུ་བྱིན་པ་དང་། དེས་དེ་དག་བླངས་ནས་སྲང་དུ་སོང་སྟེ། དེས་དེར་ཤ་དང་ཆང་དང་ཁུར་བ་མང་དུ་ཉོས་སོ། །དེ་ནས་རྒྱལ་པོ་གཏུམ་པོ་རབ་སྣང་གི་ནང་མི་ཐམས་ཅད་མགྲོན་དུ་བོས་ཏེ་ཟན་བྱིན། ཆང་ཡང་ཅི་འདོད་པ་བླུད་ནས། སྨྲས་པ། ཤེས་
D6.010.0272a03.01ལྡན་དག་ཁོ་བོ་ལ་མེལ་ཙེའི་རེས་བབ་ན་རྒྱལ་པོ་འདིའི་སྤྱོད་པ་ཅི་འདྲ་བ་སྨྲོས་ཤིག །དེ་དག་གིས་དེ་ལ་ཇི་ལྟ་བུ་ཡིན་པ་ཐམས་ཅད་བསྙད་པ་དང་། དེས་སྨྲས་པ། ཤེས་ལྡན་དག་ཁོ་བོས་ཅུང་ཟད་བྱས་པ་དྲན་པར་གྱིས་ཤིག །དེ་དག་གིས་སྨྲས་པ། ས་འཛིན་པ་ད་དུང་ཁྱོད་ཀྱིས་ཟན་
D6.010.0272a04.01བྱིན་པ་དང་། སྐོམ་བླུད་པ་ཡང་མ་ཞུ་ན་ཅི་སྟེ་མི་དྲན། ཅི་བྱ་བ་སྨྲོས་ཤིག །དེས་སྨྲས་པ། གལ་ཏེ་མ་སྟེས་ཏེ་ཁོ་བོ་ཉལ་བ་ལ་རྒྱལ་པོས་མེལ་ཙེ་བ་དག་བྱུལ་ན་ཁྱེད་ཀྱིས་ཁོ་བོ་སློང་ཤིག །དེ་དག་གིས་སྨྲས་པ། ལེགས་ཏེ་དེ་བཞིན་བྱའོ། །དེ་ལ་བས་སྨད་དཀྲིས་ནས་མེལ་ཙེ་
D6.010.0272a05.01བྱེད་པ་ན་ཐལ་བྱུང་གཉིད་ཀྱིས་ལོག་གོ། །ཇི་ཙམ་ན་རྒྱལ་པོ་དེ་ཁོ་ན་བཞིན་དུ་ཐུན་དང་པོ་ལ་བཙུན་མོའི་འཁོར་དག་དང་ལྷན་ཅིག་རྩེས་དགའ་བར་བྱས། དགའ་མགུར་སྤྱད་དེ། ཐུན་བར་མ་ལ་གླང་པོ་ཆེ་དང་། རྟ་དག་ལ་བལྟས་ནས་ཐུན་ཐ་མ་ལ་མེལ་ཙེ་བ་རྣམས་ལ་བརྟག་པར་བརྩམས་
D6.010.0272a06.01པ་ན། དེ་དག་གིས་ས་འཛིན་པ་དེ་ལ་ས་འཛིན་པ་ལྷ་གཤེགས་ཀྱིས་ལོངས་ཤིག་ཅེས་བསླང་བ་དང་། དེ་མྱུར་བ་མྱུར་བ་ཁོ་ནར་ལངས་ནས་དེ་བཞིན་དུ་ལ་བས་སྨད་དཀྲིས་ཏེ་འདུག་གོ། །རྒྱལ་པོས་སུ་མེལ་ཙེ་བྱེད་ཅེས་སྒྲ་ཕྱུང་བ་དང་། ས་འཛིན་པས་བསམས་པ། གལ་ཏེ་ཚིག་
D6.010.0272a07.01