完整藏文原文 · 德格版页 当前仅加载第 10 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱས་ན་ད་མ་གུས་པར་བྱེད་པ་ལྟ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བབ་བབ་ཏུ་དོར་བར་མི་བྱ་སྟེ། གལ་ཏེ་ནད་མ་བྱང་ན་ཆོས་གོས་ཀྱི་མཐའའམ། རྒྱ་ཅང་ལ་བཅིང་བར་
D6.010.0007b01.01བྱའོ། །འོན་ཏེ་ཐམས་ཅད་ཀྱི་ཐམས་ཅད་དུ་སོས་པར་གྱུར་ན་ཀ་བའི་སེར་གའམ། རྩིག་པའི་གསེབ་ཏུ་གཞུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་
D6.010.0007b02.01སྡེ་རྣམས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་ན། བྲམ་ཟེ་དང་ཁྱིམ་བདག་རྣམས་ཀྱིས་རྒྱན་སློ་མའི་ནང་དུ་བཞག་པ་དྲུག་སྡེ་རྣམས་ཀྱིས་རྐང་རྒྱན་དང་ལག་རྒྱན་དག་ཐོགས་ནས་སྨྲས་པ། དགའ་
D6.010.0007b03.01བོ་ཉེ་དགའ་བོ་ཇི་ལྟ་མཛེས་སམ། བྲམ་ཟེ་དང་ཁྱིམ་བདག་དག་གིས་སྨྲས་པ། འཕགས་པ་ཁྱེད་མགོ་ནི་བྱི། མཆན་ཁུང་ནི་སྤུན་ན་འདི་ལ་ལུས་མཛེས་པ་ཅི་ཞིག་ཡོད་གདོན་མི་ཟ་བར་དགེ་སྦྱོང་ཁྱེད་འདོད་པའི་ཡོན་ཏན་དག་གིས་གཟིར་བར་གྱུར་ཏོ་ཞེས་བྱས་པ་དང་། དེ་
D6.010.0007b04.01རྣམས་ཅང་མི་སྨྲ་བར་འདུག་གོ། །སྐབས་དེ་དགེ་སློང་རྣམས་ཀྱིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་ལག་རྒྱན་དང་རྐང་རྒྱན་དག་གིས་བདག་ཉིད་བརྒྱན་པ་ལས་གྱུར་གྱིས།
D6.010.0007b05.01དེ་ལྟ་བས་ན་དགེ་སློང་གིས་ལག་རྒྱན་དང་རྐང་རྒྱན་གྱིས་བདག་ཉིད་བརྒྱན་པར་མི་བྱའོ། །བརྒྱན་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གཙུག་
D6.010.0007b06.01ལག་ཁང་དུ་མ་བྱིན་པར་ལེན་པ་རྣམས་ཀྱིས་དགེ་འདུན་གྱི་མཛོད་དང་། གང་ཟག་གི་གནས་ཁང་དག་ནས་བརྐུས་སོ། །དགེ་སློང་གཞན་དག་གཅིག་གི་ཡང་སྟོར་ན། བདག་ཅག་གི་སྟོར་ནས་ཇི་ཙམ་ལོན་པ་མ་ཚོར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0007b07.01