完整藏文原文 · 德格版页 当前仅加载第 10 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་རྟག་ཏུ་འཛག་པ། རྒྱུན་དུ་བྱི་དོར་བྱ་དགོས་པ། བཙོག་པ། ཁྲག་གི་དྲི་མ་དང་། ཆུ་སེར་ཀུན་དུ་རུལ། རྣམ་པར་རུལ་ཅིང་མྱགས་པ་ཅན། འདྲེད་པ་མཐོང་ན་ཤིན་ཏུ་འཇིགས་སུ་རུང་བ། བུ་གའི་པགས་པས་གཡོགས་པ། རུས་པའི་འཁྲུལ་འཁོར་ཆེན་པོའི་བུ་ག་དེར་ལག་པ་བཅུག་སྟེ། དལ་བུ་དལ་
D6.010.0143b01.01བུས་མནམས་ཤིང་གནས་ཇི་ལྟ་བ་བཞིན་དུ་འཇོག་པར་བྱེད་དོ། །དེ་དེར་ཆུ་འཇམ་ཙམ་དང་། མར་དཀར་དང་། འབྲུ་མར་གྱིས་བྱུགས་པའི་ལག་པས་མནམས་ཤིང་ཆམ་དུ་འབེབས་པ་ན་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་མྱོང་བར་འགྱུར་རོ། །དགའ་
D6.010.0143b02.01བོ་དཔེར་ན་རིགས་ཀྱི་བུ་ཤིན་ཏུ་གཞོན་ནུའི་རང་བཞིན་ཅན་གྱི་ལུས་ལ་སྤུ་གྲི་རྣོན་པོ་སྤུ་བྲེག་ཏུ་རུང་བས་ཡན་ལག་དང་ཉིང་ལག་ཐམས་ཅད་བཅད་ཅིང་། ལུས་རྩི་དྲག་པོས་ཀུན་ནས་བསྐུས་ན་ལུས་ལ་སྡུག་བསྔལ་གྱི་ཚོར་བ་ཆེན་པོ་ཤིན་ཏུ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་འབྱུང་བར་འགྱུར་
D6.010.0143b03.01རོ། །དགའ་བོ་དེ་བཞིན་དུ་དེ་ལ་ཆུ་འཇམ་ཙམ་དང་། མར་དཀར་དང་། ཏིལ་མར་གྱིས་བྱུགས་པའི་ལག་པས་མནམས་ན་ལུས་ལ་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ་མི་བཟད་པ། ཡིད་དུ་མི་འོང་བ་འབྱུང་བར་འགྱུར་རོ། །མངལ་གྱི་གནས་ན་གནས་པ་དེའི་ལུས་ལ་སྡུག་བསྔལ་གྱི་རེག་པ་ལས་བྱུང་
D6.010.0143b04.01བའི་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དེ་དག་བྱུང་ཡང་དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་ཏེ། དེ་ལྟར་ན་དེ་ཤེས་བཞིན་དུ་མའི་མངལ་ན་གནས་པ་ཡིན་ནོ། །དེ་ནས་དེ་ཡན་ལག་དང་ཉིང་ལག་ཐམས་ཅད་སྐྱེས་ནས་གཅིན་གྱི་གནས་རུལ་བ། ལྟུང་བ།
D6.010.0143b05.01འགྲེང་བ། མི་བཟད་པ། དྲི་ང་བ། མནམ་པ། མུན་གནག །མཐོང་ན་ཤིན་ཏུ་འཇིགས་སུ་རུང་བ། ཕྱི་ས་དང་། གཅིན་གྱིས་བསྒོས་པ། དྲི་མི་ཞིམ་པའི་དྲི་མ་དང་། ཁྲག་དང་ཆུ་སེར་ཅན་རྟག་ཏུ་འཛག་པའི་རྨའི་སྒོར་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་གིས་རྐང་པ་ནི་གྱེན་དུ་བསྟན། མགོ་
D6.010.0143b06.01ནི་ཐུར་དུ་བསྟན། ལག་པ་གཉིས་ནི་བསྐུམས་པ་ན་རུས་པའི་འཁྲུལ་འཁོར་གཉིས་ཀྱིས་གཟིར། ཀུན་དུ་གཟིར། ཡོངས་སུ་གཟིར་ཅིང་། སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ་དག་གིས་ལུས་ཀྱི་ཡན་ལག་རྨ་སར་པ་ལྟ་བུ་གཟེ་རེ་ཅན་ཐམས་ཅད་སྔོན་པོར་
D6.010.0143b07.01