完整藏文原文 · 德格版页 当前仅加载第 10 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡིན་པས་གནང་བར་འགྱུར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གནང་གིས་འབྲས་བུ་ལྔ་དུས་སུ་ཡང་རུང་། དུས་མ་ཡིན་པར་ཡང་རུང་།
D6.010.0012a01.01ནད་པ་ཡང་རུང་། མི་ན་བས་ཀྱང་རུང་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་འབྲས་བུ་ལྔ་དུས་སུ་ཡང་རུང་། དུས་མ་ཡིན་པར་ཡང་རུང་། ནད་པ་ཡང་རུང་། མི་ན་བས་ཀྱང་རུང་སྟེ། བཟའ་བར་བྱའོ་ཞེས་གསུངས་པ་དང་། དགེ་
D6.010.0012a02.01སློང་རྣམས་ཀྱིས་འབྲས་བུ་ལྔ་གང་དག་ཡིན་པ་མི་ཤེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྐྱུ་རུ་ར་དང་། ཨ་རུ་ར་དང་། བ་རུ་ར་དང་། པི་པི་ལིང་དང་། ན་ལེ་ཤམ་མོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་
D6.010.0012a03.01ཀ་གནས་པ་ན་བཞུགས་སོ། །རྒྱལ་པོའི་ཁབ་ཀྱི་གྲོང་ཁྱེར་ན་ཁྱིམ་བདག་ཤིན་ཏུ་བཟང་པོ་ཞེས་བྱ་བ་ཕྱུག་ཅིང་ནོར་མང་བ་ལོངས་སྤྱོད་ཆེན་པོ་ཞིག་གནས་པ་དེ་གཅེར་བུ་པ་རྣམས་ལ་རབ་ཏུ་དད་དོ། །དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད་
D6.010.0012a04.01དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །བཅོམ་ལྡན་འདས་ཀྱང་སྔ་དྲོ་ཤམ་ཐབས་དང་ཆོས་གོས་མནབས་ལྷུང་བཟེད་བསྣམས་ཏེ་རྒྱལ་པོའི་
D6.010.0012a05.01ཁབ་ཏུ་བསོད་སྙོམས་ཀྱི་ཕྱིར་ཞུགས་ནས་རྒྱལ་པོའི་ཁབ་ན་བསོད་སྙོམས་ལ་རྒྱུ་ཞིང་ཁྱིམ་བདག་ཤིན་ཏུ་བཟང་པོའི་ཁྱིམ་ག་ལ་བ་དེ་ལོགས་སུ་གཤེགས་པ་དང་། ཁྱིམ་བདག་ཤིན་ཏུ་བཟང་པོས་བཅོམ་ལྡན་འདས་རྒྱང་མ་ནས་མཐོང་ངོ་། །མཐོང་ནས་ཀྱང་ཆུང་མ་ཁྲིད་ནས་བཅོམ་ལྡན་
D6.010.0012a06.01འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་མཆིས་འབྲང་འདི་སེམས་ཅན་ཞུགས་པར་གྱུར་ན་ཅི་ཞིག་ཏུ་བཙའ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བུ་ཕོར་བཙའ་བར་འགྱུར་ཞིང་། རིགས་
D6.010.0012a07.01