完整藏文原文 · 德格版页 当前仅加载第 10 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
བཏིང་བ་ན་མེ་སྟག་གིས་ཚིག་ནས། བཅོམ་ལྡན་འདས་ཀྱིས་བཀའ་སྩལ་པ། སྔོན་པོ་དག་དགྲམ་པར་བྱའོ། །སྔོན་པོ་དག་མ་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། ཆུས་སྦངས་ལ་དགྲམ་པར་བྱའོ། །དགེ་སློང་དག་འབྲུ་མར་གྱིས་སྣུམས་པ་ན་འཇག་མ་དང་གསེག་
D6.010.0037a01.01མ་དག་གིས་ལུས་ལ་ཕྲུགས་པས་རྨ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱི་ཕྲུག་སྤྱད་བྱའོ། །དེ་བབ་བབ་ཏུ་བཞག་པས་དེ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ལུང་མིག་བྱས་ལ་ཐེ་གུས་བཏགས་ཏེ་རྫས་ཀྱི་བླས་དབེན་པར་གཞག་པར་བྱའོ། །དེ་
D6.010.0037a02.01སྣུམས་པར་གྱུར་ནས་དགེ་སློང་དག་དེ་ཡང་དང་ཡང་དུ་སྦྱོང་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། མེས་རུང་བར་བྱའོ། །དགེ་སློང་དག་གིས་དེར་ཁྲུས་བྱས་པས་འདམ་རྫབ་ཏུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཁྲུས་མི་བྱ་བར་ཁྲུས་ཁང་བྱས་ལ་དེར་ཁྲུས་བྱའོ། །
D6.010.0037a03.01གང་དག་ཁྲུས་བྱེད་པ་དེ་དག་ལ་ཆུས་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁྲུས་དོང་བརྐོས་ལ་སོ་ཕག་གིས་བསྒྲོན་ཏེ་གང་ཁྲུས་བྱེད་པ་དེ་ཁྲུས་དོང་དུ་ཞུགས་ལ་གང་ཁྲུས་ཆུ་ལྡུགས་པ་དེ་ནི་ཁར་འདུག་སྟེ་ཁྲུས་ཆུ་བླུག་པར་བྱའོ། །དེ་ཆུས་གང་ནས། བཅོམ་ལྡན་འདས་ཀྱིས་བཀའ་སྩལ་
D6.010.0037a04.01པ། སྟོར་ཁུང་གདོད་པར་བྱའོ། །དགེ་སློང་དག་ཁྲུས་བྱས་ནས་འདག་རྫས་དང་། བ་ལང་གི་ལྕི་བ་དང་། སོ་ཤིང་ལེན་དུ་གཙུག་ལག་ཁང་དུ་འདོང་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་དུ་འདག་རྫས་དང་། བ་ལང་གི་ལྕི་བ་དང་། སོ་ཤིང་གིས་བཀང་བའི་གྱོ་མོ་དག་གཞག་པར་བྱའོ། །
D6.010.0037a05.01དགེ་སློང་དག་མེའི་དུགས་ཀྱིས་ཉམ་དམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་སུས་བཟའ་བར་བྱའོ། །དེ་དག་ལག་པ་བསྙལ་བས་ཐོགས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁ་གཟར་བཅང་བར་བྱའོ། །དགེ་སློང་ཞིག་གིས་ཁྱེའུ་སུས་ཐུག་པ་ཧ་ཅང་ཚ་བ་ཞིག་
D6.010.0037a06.01རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། ཁ་གཟར་གྱིས་བཏུང་བར་བྱའོ། །དེ་ལ་ལན་ཚྭ་དགོས་པ་དང་། ལོ་མ་དག་མ་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། ཚྭ་ཁུག་བཅང་བར་བྱའོ། །བཅོམ་ལྡན་འདས་ཀྱིས་བསྲོ་གང་དུ་བྱི་དོར་གྱི་ལས་བྱའོ་ཞེས་བཀའ་སྩལ་པ་དང་། དགེ་སློང་དག་
D6.010.0037a07.01