完整藏文原文 · 德格版页 当前仅加载第 10 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུར་སྨིན། །དགེ་སློང་དག་སྔོན་བྱུང་བ་སྐྱེ་དགུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་སྟོན་པ་སངས་རྒྱས་བཅོམ་ལྡན་འདས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་
D6.010.0153b01.01ཀྱི་སྟོན་པ་རྣམ་པར་གཟིགས་ཞེས་བྱ་བ་མིའི་འཇིག་རྟེན་དུ་བྱུང་སྟེ། དེ་འཁོར་དགེ་སློང་འབུམ་ཕྲག་དྲུག་བཅུ་རྩ་གཉིས་དང་ལྗོངས་རྒྱུ་ཞིང་གཤེགས་པ་ན་རྒྱལ་པོའི་ཕོ་བྲང་གཉེན་ལྡན་དུ་བྱོན་ནས་གཉེན་ལྡན་གྱི་ཚལ་ན་བཞུགས་སོ། །དེའི་གཡས་ཁྱིམ་གྱི་གཅུང་འདོད་པ་དག་
D6.010.0153b02.01ལ་ཤིན་ཏུ་ཆགས་པར་གྱུར་པ་ལས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ནན་གྱིས་ཕྲལ་ནས་འཁོར་བའི་བཙོན་ར་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་གོ། །དེའི་ཚེ་རྒྱལ་པོའི་ཕོ་བྲང་གཉེན་ལྡན་ན་རྒྱལ་
D6.010.0153b03.01པོ་གཉེན་ལྡན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། རྒྱལ་སྲིད་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་གང་བ། འཐབ་པ་དང་། རྩོད་པ་དང་། འཁྲུག་པ་དང་། འཁྲུག་ལོང་ཞི་བ་ཆོམ་རྐུན་དང་། ནད་དང་
D6.010.0153b04.01བྲལ་བ། སཱ་ལུ་དང་། བུ་རམ་ཤིང་དང་། བ་ལང་དང་། མ་ཧེ་ཕུན་སུམ་ཚོགས་པ། ཆོས་ཀྱི་རྒྱལ་པོ་ཆོས་དང་མཐུན་པས་ཆོས་བཞིན་དུ་བྱེད་དུ་འཇུག་གོ། །དེའི་གཡས་ཁྱིམ་གྱི་ནུ་བོ་ནི་འདོད་པ་རྣམས་ལ་ཤིན་ཏུ་ཆགས་པར་གྱུར་ཏོ། །རྒྱལ་པོ་གཉེན་ལྡན་གྱིས་
D6.010.0153b05.01ཡང་དག་པར་རྫོགས་པའི་སངས་རྒྱས་རྣམ་པར་གཟིགས་འཁོར་དགེ་སློང་འབུམ་ཕྲག་དྲུག་བཅུ་རྩ་གཉིས་དང་འདིར་བྱོན་ནས་འདི་ཉིད་ན་གཉེན་ལྡན་གྱི་ཚལ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་བཙུན་མོའི་འཁོར་དང་། གཞོན་ནུ་དང་། བློན་པོ་དང་། གྲོང་
D6.010.0153b06.01ཁྱེར་གྱི་མི་དང་བཅས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་ངོ་། །དེ་ལ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་གང་ཞིག་ཐོས་ནས་རྒྱལ་པོ་གཉེན་ལྡན་བཙུན་མོའི་འཁོར་དང་། གཞོན་ནུ་དང་། བློན་
D6.010.0153b07.01