完整藏文原文 · 德格版页 当前仅加载第 10 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
རྨས་པ་དང་། དེ་དག་གིས་སྨྲས་པ། གསོས་པ་ལགས་སོ། །རྒྱལ་པོས་སྨྲས་པ། འདི་སུས་ཀྱང་རྐང་པ་མ་བཀྲུས་སམ། ཆུ་ཁྱེར་ཏེ་ཤོག་ཤིག་རྐང་པ་བཀྲུའོ་ཞེས་རྒྱལ་པོས་དེའི་རྐང་པ་བཀྲུས་པ་དང་། དེ་དག་དོགས་ཤིང་མི་དགའ་བཞིན་དེ་ལ་
D6.010.0296a01.01རིམ་གྲོ་བྱ་བར་བརྩམས་སོ། །རྒྱལ་པོ་གཏུམ་པོ་རབ་སྣང་བུད་མེད་ལ་བརྐམ་ཆགས་ཅན་ཞིག་པས་དེ་དུས་གཞན་ཞིག་ན་བློན་པོའི་བུ་ནེའུ་ལྡངས་དག་དང་ལྷན་ཅིག་ཁང་{བཟངས་ཀྱི་,བཟང་གི་}སྟེང་དུ་སོང་ནས་དེ་དག་དང་། གཏམ་བཟང་པོ་མ་ཡིན་པ་ཟེར་ཞིང་འདུག་སྟེ། ཤེས་
D6.010.0296a02.01ལྡན་དག་གྲོང་དང་། གྲོང་རྡལ་དང་། ཡུལ་འཁོར་གང་ན་བུད་མེད་བཟང་། དེ་ན་ཁ་ཅིག་གིས་སྨྲས་པ། ལྷ་ཀ་ནྱཱ་ཀུབ་ཛ་ན་བུད་མེད་བཟང་ལགས་སོ། །གཞན་དག་གིས་སྨྲས་པ། ལྷ་ཀམ་པོ་ཛི་ཀ་པའི་བུད་མེད་བཟང་ལགས་སོ། །གཞན་དག་གིས་སྨྲས་
D6.010.0296a03.01པ། ལྷ་སྦྲུལ་གདུག་པ་དག་བཟང་ལགས། གཞན་དག་གིས་སྨྲས་པ། གྲོང་ཁྱེར་གཞན་ན་གནས་པའི་བུད་མེད་དག་ལྟ་ཞོག་འཕགས་རྒྱལ་འདི་ཉིད་ན་གཟུགས་ཀྱིས་འཚོ་བ་བཟང་མོ་ཞེས་བགྱི་བ་གང་ཞིག་མཐོང་ན་སུམ་བཅུ་རྩ་གསུམ་པས་བཀུར་བའི་ལྷ་མོ་
D6.010.0296a04.01གཟུགས་དང་། ཁ་དོག་དང་། ན་ཚོད་དང་། དབྱིབས་དང་ལྡན་པ་ཡང་ཉི་མའི་འོད་ཟེར་གྱི་སྣང་བས་ལྷའི་གཞལ་མེད་ཁང་ན་གནས་པའི་སྐར་མ་རྣམས་ཀྱི་འོད་ཀྱི་སྣང་བ་ཟིལ་གྱིས་གནོན་པ་དེ་ལྟ་བུ་ཞིག་གནས་ལགས་སོ། །རྒྱལ་པོས་དེའི་གཟུགས་དང་ན་ཚོད་
D6.010.0296a05.01ཀྱི་ཡོན་ཏན་བརྗོད་པ་ཐོས་ནས་ལྷག་པར་གཞན་གྱི་བུད་མེད་ཀྱི་གན་དུ་འགྲོ་འདོད་པར་གྱུར་ཏེ་ཆ་ལུགས་མི་མངོན་པར་བྱས་ནས་དེ་ཉིད་ཀྱི་ནུབ་མོ་ཀཱར་ཥཱ་པ་ཎ་ལྔ་བརྒྱ་ཁྱེར་ཏེ་དེའི་ཁྱིམ་དུ་སོང་བ་དང་། དེས་དེ་ལ་བྱོན་པ་ལེགས་སོ་ཞེས་བྱ་བའི་ཀུན་དུ་སྤྱོད་པ་ཀུན་དུ་སྤྱད་ནས་
D6.010.0296a06.01མངག་གཞུག་མའི་བུ་མོ་ལ་གཏད་དོ། །བུ་མོ་སོང་ལ་རིགས་ཀྱི་བུ་འདི་དྲིལ་ཕྱི་དང་ཁྲུས་གྱིས་ཤིག །ཇོ་མོ་དེ་ལྟར་འཚལ་ལོ་ཞེས་བུ་མོ་དེས་གཟུགས་ཀྱིས་འཚོ་བ་བཟང་མོའི་ལྟར་མཉན་ཏེ་རྒྱལ་པོ་གཏུམ་པོ་རབ་སྣང་ལ་དྲིལ་ཕྱི་བྱ་བར་བརྩམས་སོ། །དེ་དེ་ལ་
D6.010.0296a07.01