完整藏文原文 · 德格版页 当前仅加载第 10 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་གཞོན་ནུ་དག་དགེ་སློང་རྒན་པ་རྒན་པ་དག་ལ་མིང་ནས་སྨོས་པ་དང་། རུས་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཞོན་ནུས་དགེ་སློང་ཆེས་རྒན་པ་ལ་
D6.010.0249b01.01མིང་ནས་སྨོས་པ་དང་། རུས་ནས་སྨོས་པ་ཀུན་ཏུ་སྤྱད་པར་མི་བྱའོ། །འོན་ཀྱང་ཚེ་དང་ལྡན་པ་ཞེས་བོད་པའམ། བཙུན་པ་ཞེས་བོད་པ་གཉིས་ཀུན་ཏུ་སྤྱད་པར་བྱའོ། །དགེ་སློང་གཞོན་ནུས་དགེ་སློང་ཆེས་རྒན་པ་ལ་མིང་ནས་སྨོས་སམ། རུས་ནས་སྨོས་པ་ཀུན་ཏུ་སྤྱོད་ན་འགལ་ཚབས་ཅན་དུ་འགྱུར་
D6.010.0249b02.01རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་དགེ་སློང་འཕྲལ་ཐབས་ཅན་དང་། དགེ་སློང་མ་གསོད་མོ་ཇི་ལྟ་ཇི་ལྟར་སྐྱེ་བོའི་ཚོགས་མང་པོ་མི་དད་པར་འགྱུར་བ་དེ་ལྟ་དེ་ལྟར་ཁྱིམ་དག་ཏུ་རྒྱུ་བ་བྱེད་ཅེས་བྱ་བ་རྒྱས་པར་རྣམ་པར་འབྱེད་པ་ལས་ཇི་སྐད་འབྱུང་བ་བཞིན་ནོ། །སངས་རྒྱས་བཅོམ་
D6.010.0249b03.01ལྡན་འདས་ཀུ་ཤའི་གྲོང་ཁྱེར་ན་གྱད་ཀྱི་ཉེན་འཁོར་ཤིང་སཱ་ལ་ཟུང་གི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་དེ་ན་དགེ་སློང་རྣམས་ལ་བཀའ་སྩལ་པ། དགེ་སློང་དག་ངས་འདུལ་བ་རྒྱས་པར་བསྟན་ན། མདོར་བསྡུས་ཏེ་ཡང་མ་བསྟན་པས་
D6.010.0249b04.01ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་བཤད་དོ། །དགེ་སློང་དག་ཁྱེད་ཀྱིས་ངས་སྔོན་གནང་བ་ཡང་མེད། བཀག་པ་ཡང་མེད་པ་གང་ཡིན་པ་དེ་ཡང་གལ་ཏེ་མི་རུང་བ་སྟེན་ཅིང་རུང་བ་དང་མི་མཐུན་ན་རུང་བ་མ་ཡིན་པའི་ཕྱིར་སྤྱད་པར་མི་བྱའོ། །གལ་ཏེ་རུང་བ་སྟེན་ཅིང་མི་རུང་བ་དང་མི་མཐུན་ན་རུང་
D6.010.0249b05.01བ་ཡིན་པའི་ཕྱིར་སྤྱད་པར་བྱ་སྟེ་འདི་ལ་འགྱོད་པར་མི་བྱའོ།། །།སྡོམ་ནི། སྤངས་པ་དག་ནི་བགེད་པ་དང་། །སྦྲང་མ་རྣམས་ཀྱི་སྐྱབས་དང་ནི། །སྤྱད་ཚགས་དང་ནི་གྱོ་མོ་དང་། །སྲ་བརྐྱང་གདིང་དང་མང་པོའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་
D6.010.0249b06.01མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ལ་ཆོས་གོས་ཀྱི་སྤང་བ་བྱུང་ནས། དེས་དེ་རྒན་པའི་མཐའ་ལོགས་སུ་འདུག་སྟེ་དགེ་འདུན་ལ་སྤངས་སོ། །དགེ་སྐོས་ཀྱིས་བསམས་པ། འདི་ནི་དགེ་འདུན་གྱི་རྙེད་པ་གྲུབ་པ་ཡིན་ཏེ་སྤེལ་ནས་བགོ་བར་བྱའོ་སྙམ་ནས། དེས་
D6.010.0249b07.01