完整藏文原文 · 德格版页 当前仅加载第 10 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
གདུང་ཕྱིར་ཕྱུང་ལ་བྱ་སྟེ། དེའི་འོག་ཏུ་ཤིང་ཚེར་མ་ཅན་བསྐྱེད་དོ། །ཆབ་ཁུང་སར་ཆབ་ཁུང་སའི་ཁུང་བུའི་སྟེང་དུ་ཆབ་ཁུང་སའི་རྐང་རྟེན་གཞག་པར་བྱ། རིལ་བ་སྤྱི་བླུགས་གཞག་པའི་གནས་བྱ་ཞིང་། སྒོ་བསྣོལ་མར་གཏོད་ལ་སྒོ་འཕར་དང་སྒོ་གཏན་དག་ཀྱང་གཞུག་པར་བྱའོ། །
D6.010.0108a01.01གལ་ཏེ་གཅིག་ནང་དུ་ཞུགས་པར་གྱུར་ན་ཅིག་ཤོས་ཀྱིས་སྒྲ་དབྱུང་བར་བྱ་ཞིང་། གལ་ཏེ་སྡོད་ན་ནང་དུ་འཇུག་པར་བྱའོ། །ནང་ན་གནས་པས་ཀྱང་སྒྲ་དབྱུང་བར་བྱའོ། །དྲི་མི་ཞིམ་པར་གྱུར་ན་ཁང་སྐྱོང་གིས་ཉིན་གཅིག་བཞིན་སྦྱང་བར་བྱ་ཞིང་། ས་དང་ལོ་མ་དག་ཀྱང་གཞག་པར་བྱ་སྟེ། དེ་ལྟ་
D6.010.0108a02.01བས་ན་ཆབ་ཁུང་ས་འཁོར་དང་བཅས་པ་རྗེས་སུ་གནང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་པ། སྡོམ་ནི། གཅི་བའི་ས་དང་སྣོད་སྤྱད་དང་། །སྟོན་པ་ལ་ནི་དགའ་ཉིད་དང་། །བཟའ་བ་ལྔ་དང་འོ་མ་དང་། །ཞོ་དང་ཟས་དང་གནང་བའོ། །སངས་རྒྱས་
D6.010.0108a03.01བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆབ་ཁུང་ས་འཁོར་དང་བཅས་པ་བྱའོ་ཞེས་བཀའ་སྩལ་པ་དང་། དགེ་སློང་དག་དེ་ཉིད་དུ་གཅི་བར་བྱེད་པ་ན། དགེ་སློང་གཞན་དག་བཤང་བ་བྲོ་བས་མི་
D6.010.0108a04.01བདེ་ཞིང་དེ་དག་བགགས་པས་ན་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཅི་བའི་གནས་ལོགས་ཤིག་ཏུ་བྱའོ། །དགེ་སློང་དག་ཕྱོགས་གང་དུ་ཇི་ལྟ་བུར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་དང་ཉེ་བར་བ་གམ་ལྟ་བུ་བྱ་སྟེ། ཝ་
D6.010.0108a05.01བཅུག་ལ་སྒོ་གདོད་ཅིང་སྒོ་འཕར་དང་སྒོ་གཏན་གཞུག་པར་བྱ་སྟེ། ཆབ་ཁུང་ཇི་ལྟ་བར་ཐམས་ཅད་སྔ་མ་བཞིན་དུ་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སོ་གའི་དུས་ཀྱི་ཚེ་བྲམ་ཟེ་ཞིག་སྐོམ་པས་
D6.010.0108a06.01ཉམ་ཐག་སྟེ། ཆུ་འདོད་ནས་གཙུག་ལག་ཁང་དུ་ཞུགས་ཏེ་དེ་དགེ་སློང་ཞིག་གི་གན་དུ་སོང་ནས། དེས་སྨྲས་པ། དགེ་སློང་དག་སྐོམ་ན་ཆབ་སྩལ་དུ་གསོལ། དེས་རིལ་བ་བླངས་ནས་སོང་སྟེ། དེས་སྨྲས་པ། བྲམ་ཟེ་འཐུང་ཤིག །དེས་སྨྲས་པ། འཕགས་པ་གཙང་སྦྲ་ནི་ཐ་དད་པ་ལགས་ན། ཀྱེ་
D6.010.0108a07.01