完整藏文原文 · 德格版页 当前仅加载第 10 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
སེར་སྐྱ་ན་གནས་པའི་ཤཱཀྱ་རྣམས་ཁ་གདག་གོ། །དེ་རྣམས་ཀྱིས་ཀྱང་ཁས་བླངས་སོ། །མ་ལ་གནོད་ཀྱིས་སྨྲས་པ། ལེགས་སོ་ལེགས་སོ། །ལྷ་ཁྱོད་ཀྱིས་ཀྱང་དེ་ནི་གདོན་མི་འཚལ་བར་བགྱི་འཚལ་ཏེ། དགེ་བ་རྣམས་ནི་དམ་བཅས་པ་ལ་བརྟན་པ་ལགས་སོ། །དེས་སྨྲས་
D6.010.0082a01.01པ། ང་དུས་ཇི་ཙམ་ཞིག་ན་རྒྱལ་པོར་འགྱུར་བ་དེ་མི་ཤེས་སོ། །མ་ལ་གནོད་ཀྱིས་སྨྲས་པ། དེ་ལྟར་མ་དགོངས་ཤིག །རྒྱལ་པོ་བགྲེས་པོ་ནི་རིང་པོར་མི་ཐོགས་པར་ལྷ་ཉིད་དུ་གཤེགས་པས་ཁྱོད་ཉིད་རྒྱལ་པོར་འགྱུར་རོ། །འདོད་པ་བསྟེན་པས་ནི་སྡིག་པའི་ལས་མི་བྱ་བ་ཅི་ཡང་མེད་པས་
D6.010.0082a02.01ཀོ་ས་ལའི་རྒྱལ་པོ་གསལ་རྒྱལ་ལ་བློན་པོ་ལྔ་བརྒྱ་ཡོད་པ་ལས་འཕགས་སྐྱེས་པོ་བློན་པོ་རྣམས་དང་དབྱེ་བར་བརྩམས་པ་དང་། སྤྱོད་པའི་བུ་རིང་པོ་མ་གཏོགས་པ་ཐམས་ཅད་ཁ་ཕྱིན་ཏོ། །བློན་པོའི་མཆོག་དེ་ནི་རྗེ་བོ་ལ་སྙིང་ཉེ་བ་ཡིན་པས་ཁ་མ་ཕྱིན་ཏོ། །ཇི་ཙམ་དུས་གཞན་ཞིག་ན་སྤྱོད་པའི་བུ་རིང་
D6.010.0082a03.01པོ་བྱ་བ་ཞིག་གི་ཕྱིར་འཕགས་སྐྱེས་པོའི་གན་དུ་སོང་བ་དང་། འཕགས་སྐྱེས་པོས་རྒྱལ་པོ་གསལ་རྒྱལ་གསད་པའི་སྦྱོར་བས་སྤྱོད་པའི་བུ་རིང་པོ་ལ་སེར་སྐྱ་ན་གནས་པའི་ཤཱཀྱ་རྣམས་ལ་ངས་ཤ་གླན་པར་བྱ་ན། ང་ནམ་རྒྱལ་པོར་འགྱུར་བ་སྨྲོས་ཤིག །དེས་སྨྲས་པ། ལྷ་ཅིའི་
D6.010.0082a04.01སླད་དུ་བསོད་ནམས་མ་ལགས་པ་སྐྱེད་པར་མཛད། རྒྱལ་པོ་བགྲེས་པོ་ནི་རིང་པོར་མི་ཐོགས་པར་ལྷ་ཉིད་དུ་གཤེགས་ཏེ་རྒྱལ་པོར་གཞན་མི་འགྱུར་གྱི་ཁྱོད་ཉིད་འགྱུར་རོ། །སྤྱོད་པའི་བུ་རིང་པོ་དེ་ནི་ངས་བགམ་པར་ཁྱོད་ཁོ་ན་ལ་སྨྲས་ཀྱི། ཁྱོད་ཀྱིས་སུ་ལ་ཡང་སྨྲ་བར་མི་བྱའོ། །ལྷ་བདག་གིས་
D6.010.0082a05.01མ་འཚལ་ཏམ་ཅི། སུ་ལ་ཡང་ཇི་ལྟར་བརྗོད་པར་བགྱི་ཞེས་སྨྲས་ཏེ་སོང་ངོ་། །དེའི་ཚེ་བཅོམ་ལྡན་འདས་ཤཱཀྱ་རྣམས་ཀྱི་ནང་ན་ཤཱཀྱ་རྣམས་ཀྱི་གྲོང་རྡལ་མེ་ཙུ་རུ་དི་ཞེས་བྱ་བ་ན་བཞུགས་ཏེ། དེ་ནས་ཀོ་ས་ལའི་རྒྱལ་པོ་གསལ་རྒྱལ་བཞོན་པ་བཟང་པོ་ལ་ཞོན་ཏེ་ཁ་ལོ་སྒྱུར་བ་སྤྱོད་པའི་བུ་རིང་པོ་དང་། །
D6.010.0082a06.01ལྗོངས་རྒྱུ་ཞིང་འགྲོ་བ་ན་གྲོང་ཁྱེར་ཞིག་ཏུ་ཕྱིན་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་དགོན་པའི་ནགས་འདབ་བས་མཐའི་གནས་མལ་དབེན་པ་སྐྱེ་བོ་སྡིག་ཅན་དང་བྲལ་བ་མི་ཆིག་རྐྱ་ཐུབ་པས་སོ་སོར་བསྟེན་པ་ནང་དུ་ཡང་དག་འཇོག་དང་མཐུན་པ་མཐོང་ངོ་། །མཐོང་ནས་ཡང་སྤྱོད་པའི་བུ་རིང་པོ་
D6.010.0082a07.01