完整藏文原文 · 德格版页 当前仅加载第 10 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
གཞོན་ནུ་གཏང་བར་བྱའོ་སྙམ་ནས་དེས་གཞོན་ནུ་བ་ལང་སྐྱོང་ལ་སྨྲས་པ། བུ་མནའ་མ་མི་དགའ་བར་འགྱུར་གྱིས་རིང་པོ་མ་འདུག་པར་སོང་ཤིག །དེ་ཁྱིམ་དུ་སོང་བ་དང་རེ་ཞིག་ན་ཆུང་མ་གཞན་གྱི་སྐྱེས་བུ་ཞིག་དང་ལྷན་ཅིག་ཏུ་འདུག་ཅིང་ས་འཛིན་པ་དེའི་ལག་
D6.010.0305a01.01པ་འཕྱང་བ་མཐོང་ནས། དེས་དེའི་ལག་པ་བསྐུམས་ནས་འདི་དག་འགའ་ཞིག་གིས་མཐོང་བར་འགྱུར་དུ་འོང་ངོ་སྙམ་ནས་གོས་ཀྱིས་གཡོགས་སོ། །ས་འཛིན་པ་མཚན་རངས་པར་ཉལ་ནས་ནམ་ནངས་ཏེ་ཉི་མ་ཤར་བ་དང་སད་ནས་དེས་བདག་མཐོང་ངམ་མ་མཐོང་སྙམ་ནས་
D6.010.0305a02.01རྒྱུགས་ཏེ་སོང་ངོ་བ་ལང་སྐྱོང་ལ་རྒྱལ་པོས་བུ་མདང་སུམ་ངའི་རྨི་ལམ་ན་ཁྱོད་ཀྱི་ཆུང་མ་སྐྱེས་པ་གཞན་ཞིག་དང་ལྷན་ཅིག་དགའ་མགུར་སྤྱོད་པ་མཐོང་ངོ་ཞེས་སྨྲས་པ་དང་། ལྷ་ཁྱོད་ཀྱིས་ནི་རྨང་ལམ་དུ་གཟིགས། བདག་གིས་ནི་མངོན་སུམ་ཁོ་ནར་མཐོང་ངོ་། །ཇི་ལྟ་ཞིག་ཏུ། དེས་ཇི་
D6.010.0305a03.01ལྟར་གྱུར་པའི་གཏམ་རྒྱས་པར་བརྗོད་དོ། །རྒྱལ་པོས་སྨྲས་པ། བུ་ཁྱོད་ལ་ཕྲག་དོག་མེད་དམ། ལྷ་མ་མཆིས་སོ། །བུ་དེ་ཅིའི་ཕྱིར། ལྷ་བདག་རང་བཞིན་གྱིས་ཚེ་རབས་དྲན་ཏེ། བདག་སྔོན་གྱི་ཚེ་རབས་གཞན་ཞིག་ན་དེད་དཔོན་ཞིག་གི་ཆུང་མར་གྱུར་པ་ལས། དེད་དཔོན་དེ་ཟོང་
D6.010.0305a04.01འཚལ་ནས་ཡུལ་གཞན་དུ་ཆས་པ་དང་། དེ་ལ་བདག་གིས་རྗེའི་སྲས་བདག་ཀྱང་མཆིའོ། །ཞེས་སྨྲས་སོ། །དེས་དེ་ན་ཁྱོད་ཀྱི་རིམ་གྲོ་སུ་བྱེད་ཅེས་སྨྲས་ཏེ། དེ་བདག་མི་བཀྲི་བར་བགྱིས་པ་དང་ངུས་སོ། །དེ་ལ་ཞོ་ཤས་འཚོ་བ་རྣམས་ཀྱིས་སྨྲས་པ། དེད་དཔོན་གྱི་ཆུང་མ་ཅིའི་ཕྱིར་ངུ་།
D6.010.0305a05.01དེས་དེ་དག་ལ་ཇི་ལྟར་གྱུར་པ་བརྗོད་པ་དང་། དེ་དག་གིས་དེད་དཔོན་ཁྲིད་ཅིག་དང་བདག་ཅག་གིས་རིམ་གྲོ་བྱའོ་ཞེས་སྨྲས་ནས་དེས་བདག་ཁྲིད་དོ། །ཇི་ཙམ་ན་ལམ་ཀར་མི་རྒོད་ལྔ་བརྒྱ་ཙམ་བྱུང་ནས་དེ་དག་གིས་འགྲོན་པ་དེ་རྣམས་ཀྱང་བཅོམ། དེད་དཔོན་ཡང་བསད་ནས་
D6.010.0305a06.01བདག་ནི་མི་རྒོད་ལྔ་བརྒྱ་པོ་དེ་རྣམས་ཀྱིས་དགའ་མགུར་སྤྱད་དོ། །དེ་རྣམས་ཀྱིས་འགྲོན་པ་གཞན་བསད་པའི་བུད་མེད་གཞན་ཞིག་རྙེད་པ་དང་། དེ་བདག་གིས་འདི་ནི་བདག་གི་ཆུན་མར་འགྱུར་རོ་སྙམ་ནས་ཁྲོན་པ་རྙིང་པར་བོར་བ་དང་དེ་ཉིད་དུ་གུམ་པར་གྱུར་ཏོ། །ལྷ་བདག་གི་མི་རྒོད་
D6.010.0305a07.01