完整藏文原文 · 德格版页 当前仅加载第 10 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཙང་བ་ནུར་ནུར་པོའི་ལུས་དེ་ལ་སའི་ཁམས་དང་། ཆུའི་ཁམས་དང་། མེའི་ཁམས་ཡོད་ཀྱི། རླུང་གི་ཁམས་མེད་ན་གཡོ་བར་ཡང་མི་འགྱུར། འཕེལ་ཞིང་རྒྱས་པ་དང་། ཡངས་པར་ཡང་འགྱུར་དུ་མི་བཏུབ་པ་ཞིག་ན་དགའ་བོ་འོན་ཀྱང་འབྱུང་བ་ཆེན་པོ་ནང་གིས་ཀུན་
D6.010.0128b01.01ནས་བསླང་བ་སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བ་ཉེ་བར་གྱུར་པ། ཟིན་པ་ཕན་ཚུན་གྱི་རྒྱུ་ཅན་འདི་དག་ཉིད་སའི་ཁམས་ཀྱིས་བརྟེན། ཆུའི་ཁམས་ཀྱིས་བསྡུས། མེའི་ཁམས་ཀྱིས་ཡོངས་སུ་སྨིན་པར་བྱས། རླུང་གི་ཁམས་ཀྱིས་གཡོ་བར་བྱས་པས་འཕེལ་ཞིང་ཡངས་པ་དང་།
D6.010.0128b02.01རྒྱས་པར་འགྱུར་རོ། །དགའ་བོ་དཔེར་ན་སྣུམ་ཁུར་མཁན་ནམ། སྣུམ་ཁུར་མཁན་གྱི་སློབ་མས་བུ་རམ་བྱི་དོར་བྱས་པ་མེར་བསྐོལ་བ་དང་། དབུགས་ཀྱིས་པད་མའི་རྩ་བའི་སྦུབས་སུ་བསྒྲུབས་ན་དེ་དག་ཉིད་འཕེལ་ཞིང་རྒྱས་པ་དང་། ཡངས་པར་འགྱུར་རོ། །དགའ་བོ་དེ་བཞིན་
D6.010.0128b03.01དུ་འབྱུང་བ་ཆེན་པོ་ནང་གིས་ཀུན་ནས་བསླང་བ་སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བ་ཉེ་བར་གྱུར་པ་ཟིན་པ་ཕན་ཚུན་གྱི་རྒྱུ་ཅན་འདི་དག་ཉིད་སའི་ཁམས་ཀྱིས་བརྟེན། ཆུའི་ཁམས་ཀྱིས་བསྡུས། མེའི་ཁམས་ཀྱིས་ཡོངས་སུ་སྨིན་པར་བྱས། རླུང་གི་ཁམས་ཀྱིས་གཡོ་བར་བྱས་ན་
D6.010.0128b04.01འཕེལ་ཞིང་ཡངས་པ་དང་རྒྱས་པར་འགྱུར་རོ། །དགའ་བོ་དེ་ལ་ནུར་ནུར་པོའི་ལུས་ཕ་མའི་མི་གཙང་བ་ཡིན་པར་བལྟ་བར་མི་བྱ་སྟེ། ཕའི་རྐེད་ལས་མ་ཡིན། མའི་མངལ་ནས་མ་ཡིན། ལས་དེ་ལས་མ་ཡིན། རྒྱུ་དེ་ལས་མ་ཡིན། རྐྱེན་དེ་ལས་མ་ཡིན་མོད་ཀྱི། དགའ་བོ་འོན་
D6.010.0128b05.01ཀྱང་ཕ་མའི་མི་གཙང་བ་དེ་དག་ཉིད་ལ་བརྟེན་ཅིང་རྒྱུ་རྣམས་ཚོགས་པ་དང་། འདུས་པ་དང་། འབྱོར་པ་དང་། མངོན་དུ་གྱུར་པ་ལས་མངལ་ན་གནས་པ་འགྲུབ་པར་འགྱུར་རོ། །དགའ་བོ་དཔེར་ན་ས་བོན་སར་པ་གྲུང་པོ་མ་གྲུགས་པ། མ་ཕུག་པ། མ་གས་པ། མ་རུལ་བ། རླུང་དང་ཉི་
D6.010.0128b06.01མས་མ་ཉམས་པ་དག་རླན་དང་བཅས་པའི་ས་ཕྱོགས་སྙི་བའམ། ཞིང་བཟང་པོ་གཤིན་པ་ཞིག་ལ་བཏབ་པར་གྱུར་ཅིང་ལེགས་པར་ཚས་བྱས་པ་ནི་ས་བོན་དེ་དག་ལས་རྒྱུ་རྐྱེན་གྱི་དབང་གིས་མྱུ་གུ་དང་། འདབ་མ་དང་། སྡོང་བུ་དང་། སྙིང་པོ་དང་། མེ་ཏོག་དང་། འབྲས་བུ་དག་རིམ་གྱིས་མངོན་
D6.010.0128b07.01