完整藏文原文 · 德格版页 当前仅加载第 11 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
ཤར་བས་སྦྱོར་བ་འཆང་ལ་འབྲོས་པའི་ཐབས་སྨྲས་པ་དང་། དེས་གླང་པོ་ཆེའི་ལྕི་བ་དག་ཕྱིར་དབྱུང་བར་བརྩམས་སོ། །ཆབ་སྒོ་བ་དག་གིས་སྨྲས་པ། དཔྱིད་ལྡན་འདི་ཅི་ཡིན། དེས་སྨྲས་པ། ཤེས་ལྡན་དག་རྒྱལ་པོའི་བཤོས་སུ་བྱས་ཏེ་འདི་དག་དེར་ལ་དུར་འགྱུར་རོ་ཞེས་བྱས་པ་
D6.011.0002b01.01དང་། དེ་དག་གིས་བགད་ནས་འདི་ནི་སྨྱོན་པའོ་སྙམ་ནས་ཅང་མི་སྨྲ་བར་འདུག་གོ། །དེས་ཀྱང་དེ་དག་ཁྱེར་ཏེ་ཀཽ་ཤཱམྦཱིའི་ལམ་གྱི་བར་བར་དུ་ཤིང་གི་ཡལ་ག་ལ་དཔྱངས་སོ། །ཡང་གླང་པོ་ཆེའི་གཅིན་དག་གིས་བུམ་པ་བཀང་སྟེ་བཀུར་བར་བརྩམས་པ་དང་། སྒོ་བ་དག་གིས་དེ་
D6.011.0002b02.01བཞིན་དུ་དྲིས་པ་དང་། དེས་སྨྲས་པ། ཤེས་ལྡན་དག་རྒྱལ་པོའི་བཤོས་སུ་བྱས་ཏེ་འདི་ནི་དེར་སྐྱེམས་སུ་འགྱུར་རོ་ཞེས་བྱས་པ་དང་། དེ་དག་དེ་བཞིན་དུ་འདི་ནི་སྨྱོན་པ་ཡིན་ནོ་སྙམ་ནས་བགད་དེ་འཁོད་དོ། །དེས་ཀྱང་དེ་ཁྱེར་ཏེ་ཀཽའུ་ཤཱམྦཱིའི་ལམ་གྱི་བར་བར་དུ་ཤིང་གི་ཡལ་ག་ལ་
D6.011.0002b03.01དཔྱངས་སོ། །རྒྱལ་པོ་ཤར་བ་དང་། སྦྱོར་བ་འཆང་དང་། གསེར་ཕྲེང་ཅན་གྱིས་ཉི་མ་ཆེ་གེ་མོ་ཞིག་ལ་ཕྱོགས་ཆེ་གེ་མོ་ཞིག་ཏུ་ཐམས་ཅད་འདུ་བར་བྱའོ་ཞེས་དུས་བཏབ་ནས་རྒྱལ་པོ་ཤར་བའི་བུ་དང་། ནོར་ལྷས་བྱིན་གླང་པོ་ཆེ་མོ་བཟང་ལྡན་ལ་ཞོན་ནས་ཕྱོགས་དེར་སོང་སྟེ།
D6.011.0002b04.01སྦྱོར་བ་འཆང་དང་། གསེར་ཕྲེང་ཅན་ཡང་དེ་ཉིད་ལ་ཞོན་ཏེ། དེ་རྣམས་པི་བང་སྙན་པ་ལེན་ཞིང་དོང་བ་ན། རྒྱལ་པོ་ཤར་བའི་བུས་པི་བང་སྙན་པ་བླངས་པ་དང་། སྦྱོར་བ་འཆང་དགའ་བ་སྐྱེས་ཏེ་གླུ་བླངས་པ། བཟང་ལྡན་མ་དང་དབྱངས་སྙན་དང་། །ནོར་ལྷས་བྱིན་དང་ཤར་བ་
D6.011.0002b05.01དང་། །གསེར་ཕྲེང་ཅན་དང་དཔྱིད་ལྡན་དང་། །འདི་དག་དོན་མཐུན་འདོང་བ་ཡིན། །དུས་གང་དུ་དེ་དག་སླར་འོང་བའི་དུས་དེ་ཡང་མྱུར་དུ་ཐལ། དུས་ཐ་མ་གང་ཡིན་པ་དེ་ཡང་ཐལ་ནས་རྒྱལ་པོ་གཏུམ་པོ་རབ་སྣང་གིས་གསོས་པ་ལ་སྨྲས་པ། གསོས་པ་ནོར་ལྷས་བྱིན་
D6.011.0002b06.01དེང་ཐོགས་ན་འདི་ཅི་ལས་གྱུར་ཅེས་བྱས་པ་དང་། གསོས་པས་བཙལ་བར་བརྩམས་པ་ལས་མ་རྙེད་ནས། དེས་རྒྱལ་པོ་ལ་སྨྲས་པ། རྒྱལ་པོ་ཤར་བའི་བུས་གླང་པོ་ཆེ་མོ་བཟང་ལྡན་ལ་འཚལ་ཏེ། ནོར་ལྷས་བྱིན་ཁྲིད་ནས་བྲོས་ལགས་སོ། །རྒྱལ་པོ་སྔངས་ནས་སྨྲས་པ། གསོས་
D6.011.0002b07.01