完整藏文原文 · 德格版页 当前仅加载第 11 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞེད་པའི་ཚུལ་ཁྲིམས་དང་ལྡན་པས་ལུས་དང་བྲལ་ནས་འདིར་སྐྱེས་པ་ཡང་མཆིས་སོ། །དེ་ནས་ལྷའི་བུ་གཞན་ཞིག་གིས་བཅོམ་ལྡན་འདས་དང་། ཚེ་དང་ལྡན་པ་མཽད་གལ་ཡ་ན་ཆེན་པོ་དང་། བརྒྱ་བྱིན་ལྷའི་དབང་པོས་བཤད་པ་ལ་རྗེས་སུ་བསྔགས་ནས་ཚེ་
D6.011.0090a01.01དང་ལྡན་པ་མཽད་གལ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མཽད་གལ་ཡ་ན་ཆེན་པོ་དེ་ལྟར་དེ་བཞིན་ནོ། །དེ་ལྟར་དེ་བཞིན་ཏེ་རྣམ་པ་སྣ་ཚོགས་ཀྱི་ལྷའི་འཁོར་འདུས་ཤིང་འཁོད་དོ། །ལྷའི་འཁོར་འདི་དག་ལས་གང་སངས་རྒྱས་ཤེས་ཤིང་དད་པ་དང་ལྡན་པས་ལུས་དང་
D6.011.0090a02.01བྲལ་ནས་འདིར་སྐྱེས་པ་ཡང་མཆིས་སོ། །ཆོས་དང་། དགེ་འདུན་དང་། འཕགས་པ་བཞེད་པའི་ཚུལ་ཁྲིམས་དང་ལྡན་པས་ལུས་དང་བྲལ་ནས་འདིར་སྐྱེས་པ་ཡང་མཆིས་སོ། །དེ་ནས་དེའི་ཚེ་ལྷ་གཅིག་ཅིག་སྟན་ལས་ལངས་ཏེ་བླ་གོས་ཕྲག་པ་གཅིག་ལ་བྱས་ནས་བཅོམ་ལྡན་འདས་ག་
D6.011.0090a03.01ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་བཙུན་པ་བདག་ནི་སངས་རྒྱས་ལ་ཤེས་ཤིང་དད་པ་དང་ལྡན་པས་ལུས་དང་བྲལ་ཏེ་འདིར་སྐྱེས་སོ་ཞེས་གསོལ་པ་དང་གཞན་ཞིག་གིས་ཀྱང་འདི་སྐད་དུ་སྨྲས་སོ། །བདག་ནི་ཆོས་ལ། བདག་ནི་དགེ་འདུན་ལ།
D6.011.0090a04.01བདག་ནི་འཕགས་པ་བཞེད་པའི་ཚུལ་ཁྲིམས་དང་ལྡན་པས་ལུས་དང་བྲལ་ནས་འདིར་སྐྱེས་སོ། །དེར་ལྷ་བརྒྱ་སྟོང་དུ་མས་བཅོམ་ལྡན་འདས་ཀྱི་སྤྱན་སྔར་སོ་སོར་རྒྱུན་དུ་ཞུགས་པའི་ལུང་བསྟན་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་ཚེ་དང་ལྡན་པ་མཽད་གལ་ཡ་ན་ཆེན་པོས་ལྷའི་འཁོར་
D6.011.0090a05.01རྣམས་ལས་དབེན་པར་ཤེས་ནས་སྟན་ལས་ལངས་ཏེ་བླ་གོས་ཕྲག་པ་ལ་གཟར་ནས་བཅོམ་ལྡན་འདས་གང་ན་བ་དེར་སོང་ནས་ཐལ་མོ་སྦྱར་ཏེ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འཛམ་བུའི་གླིང་ནས་འཁོར་བཞི་པོ་རྣམས་བཅོམ་ལྡན་འདས་ཀྱི་ཞབས་
D6.011.0090a06.01ལ་མགོ་བོས་ཕྱག་འཚལ་ནས་གནོད་པ་ཆུང་ངམ། གནོད་པར་མ་གྱུར་ཏམ། མྱུར་དུ་བཞེངས་སམ། འཚོའམ། མཐུ་དང་ལྡན་ནམ། བདེའམ། སྙུན་ཆུང་ངམ། བདེ་བར་བཞུགས་སམ། བདེ་བར་གྱུར་ཏམ་ཞེས་སྙུན་གསོལ་ལོ། །མཽད་གལ་ཡ་ན་ཁྱོད་དང་། འཛམ་
D6.011.0090a07.01