完整藏文原文 · 德格版页 当前仅加载第 11 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་ཏོ། །དེད་དཔོན་དེས་ཀྱང་ལག་པས་ཤིང་བུ་དེ་གཉིས་བླངས་ཏེ་ཁྱིམ་དུ་སོང་ངོ་། །དེ་ནས་ཀཱར་ཥཱ་པ་ཎ་ལྔ་བརྒྱ་ཁྱེར་ནས་སྨད་འཚོང་མ་དེའི་ཁྱིམ་དུ་སོང་སྟེ་བཟང་མོ་ཁྱོད་ཀྱིས་བདག་ལ་ཀཱར་ཥཱ་པ་ཎ་མེད་པའོ་ཞེས་བསྐྲད་ན། ད་ནི་ཀཱར་ཥཱ་པ་ཎ་འདི་རེ་ཡོངས་སུ་སྤྱད་ཀྱིས་ཚུར་ཤོག་ཅེས་སྨྲས་
D6.011.0126b01.01པ་དང་། དེ་ཡང་ཀཱར་ཥཱ་པ་ཎ་ལ་ཆགས་ནས་དེ་དང་ལྷན་ཅིག་ཏུ་ཡོངས་སུ་སྤྱད་དོ། །དེ་ནས་དེད་དཔོན་དེས་དེ་ལ་ཡོངས་སུ་སྤྱད་དེ། དེའི་སྣ་ཤིང་བུ་དེས་བདར་བ་དང་ཤིན་ཏུ་རིང་བར་གྱུར་ནས་དེས་སྨན་པ་ཐམས་ཅད་བཀུག་སྟེ་བསྟན་ན་ཡང་དེ་དག་གིས་སྨན་དཔྱད་བྱ་བར་མ་ནུས་ཏེ། དེ་ལྟར་དེ་
D6.011.0126b02.01སྨན་པ་ཐམས་ཅད་ཀྱིས་སྤངས་པ་དང་། དེས་དེད་དཔོན་ལ་ཇོ་བོ་བཟོད་པར་གསོལ། འདིའི་སྨན་དཔྱད་མཛོད་ཅིག་ཅེས་སྨྲས་པ་དང་། དེས་སྨྲས་པ། དེ་སྟེ་ཁྱེར་བ་དེ་ཀུན་སླར་སྦྱིན་པར་དམ་བཅའ་ན་གདོད་བྱའོ། །མོས་ཇོ་བོ་ཉི་རིམ་དུ་ཡང་སླར་འབུལ་གྱིས་མཛོད་ཅིག་ཅེས་སྨྲས་པ་
D6.011.0126b03.01དང་། དེས་ཤིང་བུ་གཉིས་པས་བདར་ན། ཇི་ལྟར་སྔ་མ་བཞིན་དུ་གྱུར་ཏེ་དེས་ཟོང་ཅི་ཁྱེར་བ་ཐམས་ཅད་དེ་ལ་སླར་བྱིན་ནོ། །དེ་ནས་དེད་དཔོན་དེས་བུ་མོ་སྐེམ་མོ་གཽ་ཏ་མཱི་དཔལ་ཆེན་པོ་དང་སྦྱར་ཏེ་བག་མར་བླངས་སོ། །ཁྱིམ་བདག་གཽ་ཏ་མ་རི་བྲགས་ཀྱི་གྲོང་གཞན་ཞིག་ན་ཞིང་རྨེད་དེ།
D6.011.0126b04.01དེས་མག་པ་དེ་ལ་སྨྲས་པ། བུ་ཁྱོད་ཀྱིས་ཆུང་མ་འདི་ཁྲིད་ལ་རི་བྲགས་ཀྱི་གྲོང་འདི་ཞེས་བྱ་བར་འདུག་ཤིག །དེས་དེ་ལ་རི་བྲགས་གྲོང་གི་ཞིང་ཐམས་ཅད་བྱིན་ནས་དེས་སྐེམ་མོ་གཽ་ཏ་མཱི་ཤིང་རྟ་ལ་ཞོན་ཏེ་དེར་སོང་ནས་འདུག་གོ། །དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་དེ་
D6.011.0126b05.01ལ་རྩེ་དགའ་ཡོངས་སུ་སྤྱོད་པ་ལས་དུས་ཕྱི་ཞིག་ན་སྐེམ་མོ་གཽ་ཏ་མཱི་སེམས་ཅན་དང་ལྡན་པར་གྱུར་ནས་དེ་བུ་འབྱུང་བའི་དུས་ལ་བབ་པ་དང་། ཇོ་བོ་བདག་བུ་བཙར་ཉེས་བདག་གཉེན་གྱི་ཁྱིམ་དུ་མཆིའོ། །དེར་བདག་ལ་བདག་གི་མ་གཡོག་བགྱིད་དོ་ཞེས་སྨྲས་པ་དང་། དེས་
D6.011.0126b06.01ཀྱང་ལེགས་སོ་ཞེས་སྨྲས་ནས་དེས་བུ་མོ་གཉེན་གྱི་ཁྱིམ་དུ་བསྐྱལ་བ་དང་། དེ་ལ་དེར་བཙས་ན་བུ་ཁྱེའུ་ཞིག་བྱུང་ནས་ཞག་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་ཆེན་པོ་རྒྱས་པར་བྱས་ཏེ་རིགས་དང་མཐུན་པའི་མིང་བཏགས་ནས། དེས་ཁྱེའུ་དེ་ཁྱེར་ཏེ་སླར་རི་བྲགས་
D6.011.0126b07.01