完整藏文原文 · 德格版页 当前仅加载第 11 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་གཤེགས་སོ། །དེ་ནས་བརྒྱ་བྱིན་ལྷའི་དབང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་འཛམ་བུའི་གླིང་དུ་གཤེགས་སམ། ཀཽ་ཤི་ཀ་འབབ་པོ། །ཅི་རྫུ་འཕྲུལ་གྱིས་འབབ་བམ། འོན་ཏེ་ཞབས་ཀྱིས་གཤེགས། ཀཽ་ཤི་ཀ་རྐང་གིས་སོ། །དེ་ནས་བརྒྱ་བྱིན་
D6.011.0091b01.01ལྷའི་དབང་པོས་ལྷའི་བུ་ལས་ཐམས་ཅད་དང་ལྡན་པ་ལ་བསྒོ་བ། ལས་ཐམས་ཅད་དང་ལྡན་པ་གསེར་དང་། བཻ་ཌཱུརྱ་དང་། ཤེལ་གྱི་སྐས་གསུམ་སྤྲུལ་ཅེས་སྨྲས་པ་དང་། ཀཽ་ཤི་ཀ་ཁྱེད་མཆོག་ཏུ་བཟང་ངོ་ཞེས་སྨྲས་ནས་ལྷའི་བུ་ལས་ཐམས་ཅད་དང་ལྡན་པས་བརྒྱ་བྱིན་ལྷའི་དབང་པོ་ལས་མཉན་ཏེ་གསེར་
D6.011.0091b02.01དང་། བཻ་ཌཱུརྱ་དང་། ཤེལ་གྱི་སྐས་གསུམ་སྤྲུལ་ཏོ། །དེ་ནས་བཅོམ་ལྡན་འདས་ནི་བཻ་ཌཱུརྱའི་སྐས་ལ་གཤེགས། ཚངས་པ་འཁོར་གྱི་དབང་པོ་ནི་གཡས་ཕྱོགས་ནས་ནོར་བུའི་རྔ་ཡབ་བརྒྱ་སྟོང་ཐོགས་ཏེ་གཟུགས་ཡོད་པ་ན་སྤྱོད་པའི་ལྷ་དག་དང་ལྷན་ཅིག་ཏུ་གསེར་གྱི་སྐས་ལས་འབབ་བོ། །བརྒྱ་
D6.011.0091b03.01བྱིན་ལྷའི་དབང་པོས་ནི་བཅོམ་ལྡན་འདས་ཀྱི་གཡོན་ཕྱོགས་ནས་རྩིབས་མ་བརྒྱ་པའི་གདུགས་ཐོགས་ཏེ་འདོད་པ་ན་སྤྱོད་པའི་ལྷ་དག་དང་ལྷན་ཅིག་ཏུ་ཤེལ་གྱི་སྐས་ལས་འབབ་བོ། །དེ་ནས་བཅོམ་ལྡན་འདས་ཀྱིས་འདི་ལྟར་གལ་ཏེ་རྐང་པས་འབབ་ན་ནི་མུ་སྟེགས་ཅན་དག་དགེ་སྦྱོང་གོའུ་ཏ་མས་སུམ་
D6.011.0091b04.01བཅུ་རྩ་གསུམ་གྱི་ལྷའི་གནས་སུ་རྫུ་འཕྲུལ་གྱིས་སོང་ན་ཡིད་འཕྲོག་པའི་གཟུགས་སུ་མཐོང་བས་དེའི་རྫུ་འཕྲུལ་ཉམས་པར་གྱུར་ཏེ། འཛམ་བུའི་གླིང་དུ་རྐང་པས་བབས་སོ། །ཞེས་ཟེར་རོ། །དེ་སྟེ་རྫུ་འཕྲུལ་གྱིས་བབས་ན་ནི་ཐམས་ཅད་དང་ལྡན་པའི་སྐྱེས་བུའི་བྱེད་པའི་འབྲས་བུ་མེད་པར་འགྱུར་
D6.011.0091b05.01ན། ཇི་ལྟ་ནས་ད་ཕྱེད་ནི་རྐང་པས་འབབ་བོ། །ཕྱེད་ནི་རྫུ་འཕྲུལ་གྱིས་འབབ་བོ་སྙམ་དུ་དགོངས་སོ། །དེ་ནས་བཅོམ་ལྡན་འདས་བར་བར་ནི་ཞབས་ཀྱིས། བར་བར་ནི་རྫུ་འཕྲུལ་གྱིས་སོ། །དཔག་ཚད་བཅུ་གཉིས་མན་ཆད་མིའི་དྲི་མ་མནམ་སྟེ་ལྷ་རྣམས་སྣོམ་པར་མི་བཟོད་དོ། །དེ་
D6.011.0091b06.01ནས་བཅོམ་ལྡན་འདས་ཀྱིས་ཙན་དན་གོར་ཤིར་ཥའི་དྲིར་མངོན་དུ་སྤྲུལ་ཏེ་དྲི་དེ་མི་མནམ་པར་བྱས་སོ། །དེ་ནས་བཅོམ་ལྡན་འདས་ཀྱིས་དགོངས་པ། གལ་ཏེ་སྐྱེས་པས་ལྷའི་བུ་མོའམ་བུད་མེད་ཀྱིས་ལྷའི་བུ་མཐོང་ན། འདི་ལྟར་དེ་དག་གང་ཁྲག་དྲོན་པོར་སྐྱུགས་ཏེ་དུས་བྱེད་པར་ནི་གདོན་མི་ཟ་
D6.011.0091b07.01