完整藏文原文 · 德格版页 当前仅加载第 11 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པ་དང་། ཡོངས་སུ་བྱང་བ་འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང་། དགེ་བ་དང་ལྷན་ཅིག་གནས་པ་དང་། དགེ་བ་ལ་བསྟེན་ནས་སྡིག་པའི་གྲོགས་པོ་ལ་མི་བསྟེན། སྡིག་པ་དང་ལྷན་ཅིག་མི་གནས། སྡིག་པ་ལ་བསྟེན་པར་མི་བྱ་བ་སྟེ། ཀུན་དགའ་བོ་ཁྱོད་
D6.011.0287b01.01ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་དེ་ལྟ་བས་ན་དེང་ཕན་ཆད་ཉེ་དུ་ཤཱཀྱ་དང་། མེ་བ་རལ་པ་ཅན་མ་གཏོགས་པ་མུ་སྟེགས་ཀུན་དུ་རྒྱུ་གཞན་རྣམས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་
D6.011.0287b02.01བྱའོ། །ཉེ་དུ་ཤཱཀྱ་དག་མུ་སྟེགས་ཀྱི་རྒྱལ་མཚན་ཐོགས་ཏེ་འོངས་ནས། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་ཏེ་དགེ་སློང་གི་དངོས་པོ་ཐོབ་པར་འདོད་ན་དགེ་སློང་རྣམས་ཀྱིས་དེ་རབ་ཏུ་དབྱུང་བར་བྱའོ། །བསྙེན་པར་རྫོགས་པར་བྱའོ། །དེ་ཅིའི་ཕྱིར་ཞེ་
D6.011.0287b03.01ན། དགེ་སློང་དག་དེ་ནི་བདག་ཅག་གི་ཉེ་དུ་རྣམས་ལ་ཉེ་དུའི་གནང་བ་ཡིན་པའི་ཕྱིར་རོ། །མུ་སྟེགས་ཀུན་དུ་རྒྱུ་གཞན་དག་འོངས་ནས། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་ཏེ་དགེ་སློང་གི་དངོས་པོ་ཐོབ་པར་འདོད་ན། དེ་ལ་དགེ་སློང་རྣམས་ཀྱིས་
D6.011.0287b04.01མཁན་པོས་གོས་སྦྱིན་ཞིང་ཟླ་བ་བཞིའི་བར་དུ་གཞག་པར་བྱའོ། །དེ་བསྙེན་བཀུར་བྱེད་ཅིང་དགེ་སློང་རྣམས་ཀྱི་སེམས་མགུ་བར་བྱེད་ནུས་ན། དགེ་སློང་རྣམས་ཀྱིས་རབ་ཏུ་དབྱུང་ཞིང་བསྙེན་པར་རྫོགས་པར་བྱའོ། །དགེ་སློང་དག་མེ་བ་རལ་པ་ཅན་ཡང་རབ་ཏུ་དབྱུང་ཞིང་བསྙེན་པར་རྫོགས་པར་བྱའོ། །དགེ་
D6.011.0287b05.01སློང་དག་དེ་ཅིའི་ཕྱིར་ཞེ་ན། མེ་བ་རལ་པ་ཅན་ནི་ལས་སུ་སྨྲ་བ་ཡིན་ནོ། །དགེ་སློང་དག་མེ་བ་རལ་པ་ཅན་ནི་བྱེད་པར་སྨྲ་བ། རྒྱུར་སྨྲ་བ། བརྩོན་འགྲུས་སུ་སྨྲ་བ་ཡིན་ནོ། །དེ་ལྟ་བས་ན་དགེ་སློང་དག་གིས་འདི་ལྟར་བསླབ་པར་བྱ་སྟེ། གང་ལས་སུ་སྨྲ་བ་དང་། བྱེད་པར་སྨྲ་བ་དང་། རྒྱུར་སྨྲ་བ་དང་།
D6.011.0287b06.01བརྩོན་འགྲུས་སུ་སྨྲ་བར་འགྱུར་བ་དེ་ལྟ་བུར་དགེ་སློང་ཁྱོད་ཀྱིས་ཀྱང་བསླབ་པར་བྱའོ། །དེ་ལྟ་བས་ན་དགེ་སློང་ཁྱེད་ཀྱིས་ཆོས་གང་ཞིག་མཐོང་བའི་ཆོས་འདི་ལ་ཕན་པ་དང་། བདེ་བར་འགྱུར་བ་དང་། ཚེ་རབས་གཞན་དུ་ཕན་པ་དང་། བདེ་བར་འགྱུར་བ་དེ་དགེ་སློང་རྣམས་ཀྱིས་གཟུང་བར་བྱ། ཀུན་
D6.011.0287b07.01