完整藏文原文 · 德格版页 当前仅加载第 11 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། དགེ་སློང་མའི་ཁ་ན་མ་ཐོ་བ་དང་བཅབས་པ་དེ་འདྲ་བའི་གནས་ལ་བརྟུན་ཅིང་བྱས་ན། དེས་བརྟུན་ཏེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་པ་ནས་སྔ་མ་བཞིན་ཏེ་མི་སྤྱོད་དམ། མི་སྤྱོད་དོ། །སྐྱོ་བ་དང་། རབ་ཏུ་
D6.011.0118a01.01བསམ་པས་ཀུན་དུ་བསྲུངས་ཏེ་དྲན་པ་དང་། བག་ཡོད་པ་དང་། བརྩོན་པའི་བར་དུ་བྱའོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག །མིང་འདི་ཞེས་བྱ་བ་ཁྱོད་ཉོན་ཅིག །བཅོམ་ལྡན་འདས་ཀྱིས་ཀྱང་གསུངས་པ། གང་ཡང་དགེ་སློང་
D6.011.0118a02.01མས་འདི་ལྟར་དགེ་སློང་ཕ་དགེ་སློང་གི་དགེ་འདུན་འདུས་པས་སྤང་བར་འགྱུར་བའི་ལས་བྱས། དགེ་སློང་མའི་དགེ་འདུན་འདུས་པར་གྱུར་པས་ཀྱང་དེ་ལ་ཕྱག་མི་སྟེར་བར་སྡོམ་པ་བཅས་པར་གྱུར་ནས། དེ་སྐྲ་ལངས་པ་དང་། ཉལ་བཞིན་དུ་དགེ་འདུན་རྣམས་ལ་སྤུ་ཉལ་བར་
D6.011.0118a03.01བྱེད། །འབྱུང་བར་འཇུག །ཕྱག་བྱེད་པར་སྟོན། མཚམས་ཀྱི་ནང་ན་འདུག་ཅིང་བཟོད་པ་གསོལ་བར་ཤེས་བཞིན་དུ་དེ་ལ་འདི་སྐད་ཅེས་ཟེར་རོ། །འཕགས་པ་ཁྱོད་སྐྲ་ཉལ་བ་དང་། ལངས་བཞིན་དུ་དགེ་འདུན་རྣམས་ལ་སྤུ་ཉལ་བ་དང་། འབྱུང་བར་འཇུག་པ་ཡང་
D6.011.0118a04.01མ་བྱེད་ཅིག །ཕྱག་བྱེད་པར་སྟོན་པ་དང་། མཚམས་ཀྱི་ནང་ན་འདུག་ཅིང་བཟོད་པ་གསོལ་བ་ཡང་མ་བྱེད་ཅིག །བདག་གིས་འཕགས་པ་ཁྱོད་ཀྱི་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། ཀློག་པ་དང་། ཁ་ཏོན་དང་། རྣལ་
D6.011.0118a05.01འབྱོར་ཡིད་ལ་བྱ་བ་དང་། འཕགས་པ་ལ་ཅི་དང་ཅིས་བྲེལ་བར་གྱུར་པ་དེ་དང་དེ་དག་ཐམས་ཅད་ཀྱིས་མི་བྲེལ་བར་བྱེད་པའི་དགེ་སློང་མ་དེ་ལ་དགེ་སློང་མ་རྣམས་ཀྱིས་འདི་སྐད་དུ་བསྒོ་ཤིག །འཕགས་མ་ཁྱེད་དགེ་སློང་ཕ་དེ་ནི་འདུས་པའི་དགེ་འདུན་གྱིས་སྤངས་པའི་ལས་
D6.011.0118a06.01བྱས་པ་ཡིན། དགེ་སློང་མའི་དགེ་འདུན་གྱིས་ཀྱང་དེ་ལ་ཕྱག་མི་བྱ་བའི་སྡོམ་པ་བཅས་པ་ཡིན་ཏེ། དགེ་སློང་ཕ་དེ་སྐྲ་ལངས་པ་དང་ཉལ་བ་བཞིན་དུ་དགེ་འདུན་ལ་སྤུ་ཉལ་བར་བྱེད། འབྱུང་བར་འཇུག །ཕྱག་བྱེད་པར་སྟོན། མཚམས་ཀྱི་ནང་ན་འདུག་ཅིང་བཟོད་པ་གསོལ་
D6.011.0118a07.01