完整藏文原文 · 德格版页 当前仅加载第 11 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ནི་བདེ་བ་བྱེད་དུ་འགྲོ། །ཉི་ཟེར་རབ་ཏུ་ཚ་བར་བྱེད་རྣམས་ཀྱིས། །ལུས་དང་སེམས་ཀུན་གདུངས་ཤིང་ངལ་གྱུར་གྱིས། །མི་སྲུན་ཐོང་ལ་རྫིང་རབ་བསིལ་བ་དེ། །ག་ལ་ཡོད་པ་བདག་ལ་མྱུར་དུ་སྨྲོས། །དེས་ཀྱང་ཚིགས་སུ་བཅད་དེ་སྨྲས་པ། ཕོ་ངན་སྡིག་ཅན་
D6.011.0053a01.01སྐྱེས་མཆོག་མ་ཡིན་པ། །མཚེའུ་ལྟར་པད་མ་ངང་པ་དང་ལྡན་ཞིང་། །གངས་ཀྱི་ཆུ་ལྟར་ཆུ་ཡོངས་གཙང་བ་ཡི། །རྫིང་བུ་ཤིན་དུ་བཟང་པོ་མ་མཐོང་ངམ། །དེས་ཀྱང་ཚིགས་སུ་བཅད་དེ་སྨྲས་པ། ཁྱོད་ཀྱང་ཕོ་མིན་མི་ཡི་ཆུང་མའང་མིན། །དེ་བརྡ་ཕྲད་ཀྱིས་ཟུང་ལ་ལམ་ཕྱེ་དང་། །རྫིང་
D6.011.0053a02.01བུ་ཆུ་བཟང་ཆུ་བསིལ་གང་བར་ནི། །གདུང་བ་བསིལ་བར་བྱ་ཕྱིར་བདག་འགྲོའོ། །དེ་ལམ་དེ་ནས་བཟུར་བ་དང་རྫོགས་བྱེད་ཀྱང་རྫིང་བུའི་དྲུང་དུ་སོང་སྟེ་མགུལ་དུ་བུམ་པ་བྱེ་མས་བཀང་བ་བཏགས་ནས་དེར་ནུབ་སྟེ། དེ་ཉིད་དུ་དུས་ལས་འདས་སོ། །དེ་ནས་དེའི་སློབ་མ་རྣམས་ཀྱིས་གཅིག་
D6.011.0053a03.01ལ་གཅིག་དྲིས་པ། མཁན་པོ་ཁྱེད་སུས་མཐོང་། དེ་རྣམས་ཀྱིས་སྨྲས་པ། མ་མཐོང་ངོ་། །ཁྱེད་ལས་མཁན་པོས་ལུང་བསྟན་པ་སུ་ཡོད། དེ་ན་ཁ་ཅིག་གིས་སྨྲས་པ། ཤེས་ལྡན་དག་ངེད་ལ་ནི་མཁན་པོས་འཇིག་རྟེན་རྟག་པ་འདི་ནི་བདེན་གྱི་གཞན་ནི་རྨོངས་པ་ཡིན་ནོ་ཞེས་ལུང་
D6.011.0053a04.01བསྟན་ཏོ། །ཁ་ཅིག་གིས་སྨྲས་པ། ངེད་ལ་ནི་མི་རྟག་གོ་ཞེས་བསྟན་ཏོ། །གཞན་དག་གིས་སྨྲས་པ། ངེད་ལ་ནི་རྟག་ཀྱང་རྟག་མི་རྟག་ཀྱང་མི་རྟག་གོ། །རྟག་པ་ཡང་མ་ཡིན་མི་རྟག་པ་ཡང་མ་ཡིན་ནོ། །མཐའ་མེད་དོ། །མཐའ་ཡོད་དོ། །མཐའ་ཡོད་ཀྱང་ཡོད་མཐའ་མེད་ཀྱང་
D6.011.0053a05.01མེད་དོ། །མཐའ་ཡོད་པ་ཡང་མ་ཡིན་མཐའ་མེད་པ་ཡང་མ་ཡིན་ནོ། །དེ་བཞིན་སོང་བ་ཤི་ཕན་ཆད་ཡོད་དོ། །མེད་དོ། །ཡོད་ཀྱང་ཡོད་ལ་མེད་ཀྱང་མེད་དོ། །དེ་བཞིན་སོང་བ་ཤི་ཕན་ཆད་ཡོད་པ་ཡང་མ་ཡིན་མེད་པ་ཡང་མ་ཡིན་པ་འདི་ནི་བདེན་གྱི་གཞན་ནི་རྨོངས་པ་ཡིན་ནོ་ཞེའོ། །
D6.011.0053a06.01དེ་རྣམས་ཀྱིས་སྨྲས་པ། ཤེས་ལྡན་དག་འདི་ལྟ་སྟེ། སྣ་ཚོགས་སུ་བཏགས་པས་བདག་ཅག་ཐམས་ཅད་མི་མཐུན་པར་གྱུར་གྱིས་མ་ལ་བདག་ཅག་གིས་མཁན་པོ་ཀུན་དུ་བཙལ་ལ་དེ་ཁོ་ན་ཉིད་ཇི་ལྟ་བུ་ཡིན་དྲིའོ་ཞེས་དེ་རྣམས་དོང་བ་དང་། དེ་རྣམས་ཀྱིས་ལམ་གྱི་དབུས་སུ་བུ་མོ་ཞིག་མཐོང་
D6.011.0053a07.01