完整藏文原文 · 德格版页 当前仅加载第 11 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་། ད་ནི་དམ་པའི་ཆོས་ཀྱི་གྲུ་ཡང་རབ་ཏུ་གཡོས། ད་ནི་དམ་པའི་ཆོས་ཀྱི་སྣང་བ་ཡང་ནུབ། ད་ནི་དམ་པའི་ཆོས་ཀྱི་རྒྱ་མཚོ་ཡང་འཁྲུགས། ད་ནི་སྟོན་པ་ཕན་འདོགས་པ་མི་སྣང་བར་གྱུར་པས་བདུད་དག་ཀྱང་དགའ་བར་གྱུར་ཏོ་ཞེས་བྱ་བ་ལ་སོགས་པ་སྨྲེ་སྔགས་རྣམ་པ་མང་པོ་བཏོན་
D6.011.0318b01.01ནས་ཕྱག་བྱས་ཏེ་མི་སྣང་བར་གྱུར་ཏོ། །ཇི་ཙམ་ན་རྒྱལ་པོ་མ་སྐྱེས་དགྲའི་རྨི་ལམ་དུ་རྒྱལ་རིགས་ཀྱི་ཞང་པོའི་རྒྱུད་ཆད་པར་མཐོང་ངོ་། །མཐོང་ནས་ཀྱང་སྐྲག་ནས་སད་པ་དང་། སྒོ་སྲུང་གིས་གནས་བརྟན་འོད་སྲུང་ཆེན་པོ་ནི་ཡོངས་སུ་མྱ་ངན་ལས་འདའ་བར་སྦྲོན་ཏོ་ཞེས་སྨྲས་པ་ཐོས་
D6.011.0318b02.01སོ། །ཐོས་ནས་རྒྱལ་པོ་བརྒྱལ་ཏེ་ས་ལ་འགྱེལ་བ་དང་། ཇི་ཙམ་ན་ཆུས་གཏོར་ནས་བསླང་སྟེ་འོད་མའི་ཚལ་དུ་སོང་ནས། ཚེ་དང་ལྡན་པ་ཀུན་དགའ་བོའི་རྐང་པ་ལ་ལུས་ཐམས་ཅད་ཀྱིས་གཏུགས་ནས་ངུས་ཏེ། བདག་གིས་དེ་རིང་གནས་བརྟན་འོད་སྲུང་ཆེན་པོ་ཡོངས་སུ་
D6.011.0318b03.01མྱ་ངན་ལས་འདས་པར་ཐོས་སོ་ཞེས་སྨྲས་པ་དང་། ཇི་ཙམ་ན་ཚེ་དང་ལྡན་པ་ཀུན་དགའ་བོས་རྒྱལ་པོ་མ་སྐྱེས་དགྲ་ཁྲིད་ནས་རི་བྱ་གག་རྐང་ལ་འཛེགས་པ་དང་། ཇི་ཙམ་ན་གནོད་སྦྱིན་དག་གིས་རི་ཕྱེ་བ་དང་། རྒྱལ་པོ་མ་སྐྱེས་དགྲས་དེའི་སྐུ་མེ་ཏོག་མན་དཱ་ར་བ་དང་། ཀུ་ཤེ་
D6.011.0318b04.01ཤ་ཡ་དང་། ཙན་དན་ས་མཆོག་གི་ཕྱེ་མས་གཡོགས་པ་མཐོང་ངོ་། །མཐོང་ནས་ལག་པ་བསྒྲེང་སྟེ། ཤིང་དྲུང་རྩ་བ་ནས་བཅད་པ་བཞིན་དུ་དེའི་རྐང་པ་ལ་ལུས་ཐམས་ཅད་ཀྱིས་གཏུགས་ནས་ལངས་ཏེ་བསྲེག་ཤིང་བསག་པར་བརྩམས་པ་དང་། གནས་བརྟན་ཀུན་
D6.011.0318b05.01དགའ་བོས་སྨྲས་པ། རྒྱལ་པོ་ཆེན་པོ་ཅི་ཞིག་རྩོམ། རྒྱལ་པོས་སྨྲས་པ། གནས་བརྟན་གྱི་སྐུ་ཞུགས་ལ་བཞེན་པར་བགྱིའོ། །གནས་བརྟན་གྱིས་སྨྲས་པ། རྒྱལ་པོ་ཆེན་པོ་འདི་ནི་བྱམས་པའི་གསུང་རབ་བྱུང་གི་བར་དུ་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་
D6.011.0318b06.01དཔའ་བྱམས་པ་ཉན་ཐོས་བྱེ་བ་ཕྲག་དྲུག་བཅུ་རྩ་དགུས་བསྐོར་བ་ཕྱོགས་འདིར་བྱོན་ནས་གནས་བརྟན་འོད་སྲུང་ཆེན་པོའི་ལུས་འདི་བཟུང་སྟེ་འདི་ནི་འོད་སྲུང་ཞེས་བྱ་བ་བཅོམ་ལྡན་འདས་ཤཱཀྱ་ཐུབ་པའི་ཉན་ཐོས་འདོད་པ་ཆུང་བ། ཆོག་ཤེས་པ། སྦྱངས་པའི་ཡོན་ཏན་འཆང་
D6.011.0318b07.01