完整藏文原文 · 德格版页 当前仅加载第 11 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེ་ལས་བྲམ་ཟེ་བརྒྱད་ཁྲི་རྒྱལ་པོ་རབ་སྣང་གིས་བསད་དོ། །དེས་དེ་དག་བསད་ནས་ནུབ་མོ་མལ་ཆེན་པོར་ཉལ་བ་ན་རྨི་ལམ་དུ་ས་བླའི་སྒྲ་དྲུག་དང་། བར་སྣང་གི་སྒྲ་དྲུག་ནི་ཐོས། རྨི་ལམ་རྣམ་པ་བརྒྱད་ནི་མཐོང་ངོ་། །ས་བླའི་སྒྲ་དྲུག་གང་ཞེ་ན། འདི་ལྟ་སྟེ། དྲུག །མེད། བདག །
D6.011.0010b01.01ངན། སེམས། བདག་ཅག་འདི་རྣམས་ཞེས་བྱ་བ་སྟེ། འདི་དག་ནི་འདིར་ཚིགས་སུ་བཅད་པ་དྲུག་གི་ཡི་གེ་དང་པོ་ཡིན་ནོ། །དེ་ལ་དྲུག་ཅེས་བྱ་བ་ལས་ཚིགས་སུ་བཅད་པ་ནི། ལོ་ནི་སྟོང་ཕྲག་དྲུག་བཅུ་དང་། །ལོ་ནི་བརྒྱ་ཕྲག་དྲུག་བཅུ་རུ། །སེམས་ཅན་དམྱལ་བར་འཚེད་རྣམས་
D6.011.0010b02.01ཀྱི། །ནམ་ཞིག་མཐར་ནི་ཕྱིན་པར་འགྱུར། །མེད་ཅེས་བྱ་བ་ལས་ཚིགས་སུ་བཅད་པ་ནི། མཐའ་མེད་མཐའ་ལྟ་ག་ལ་ཡོད། །ང་དང་ཁྱེད་ཅག་ཉིད་ཀྱིས་ནི། །མཐའ་ཉིད་དམིགས་པར་མི་འགྱུར་བ། །དེ་ལྟར་སྡིག་པའི་ལས་བྱས་སོ། །བདག་ཅེས་བྱ་བ་ལས་ཚིགས་སུ་བཅད་པ་ནི།
D6.011.0010b03.01བདག་ཅག་གིས་ནི་ལོངས་སྤྱོད་དག །མཐུན་དང་མི་མཐུན་པས་བསྒྲུབས་པ། །གཞན་དག་བདེ་བས་དགའ་བྱེད་ཀྱི། །བདག་ཅག་སྡུག་བསྔལ་སྐལ་ཅན་གྱུར། །ངན་ཞེས་བྱ་བ་ལས་ཚིགས་སུ་བཅད་པ་ནི། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང་། །
D6.011.0010b04.01ལོངས་སྤྱོད་དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །སེམས་ཞེས་བྱ་བ་ལས་ཚིགས་སུ་བཅད་པ་ནི། སེམས་ཀྱིས་སུ་ནི་བསླུས་གྱུར་ཅིང་། །མི་ཤེས་པས་ནི་བདས་གྱུར་པ། །སེམས་ཅན་དམྱལ་བར་སྐྱེས་རྣམས་ཀྱིས། །གཉའ་ནི་སུ་ཞིག་བྱེད་པར་གྱུར། །བདག་
D6.011.0010b05.01ཅག་འདི་རྣམས་ཞེས་བྱ་བ་ལས་ཚིགས་སུ་བཅད་པ་ནི། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང་། །ཤིས་པས་བྱས་རྣམས་མཐོ་རིས་འདོང་། །བར་སྣང་གི་སྒྲ་དྲུག་གང་ཞེ་ན། འདི་ལྟ་སྟེ། ཐམས་ཅད། སུ། གང་།
D6.011.0010b06.01ད་ནི། དེ་རྣམས། འདི་དག་ཅེས་བྱ་བ་སྟེ། འདི་དག་ནི་ཚིགས་སུ་བཅད་པ་དྲུག་གི་ཡི་གེ་དང་པོ་ཡིན་ནོ། །དེ་ལ་ཐམས་ཅད་ཅེས་བྱ་བ་ལས་ཚིགས་སུ་བཅད་པ་ནི། ཐམས་ཅད་གསོག་ཏུ་ཕྱུང་ཟིན་ཏེ། །འདི་ལ་སྙིང་པོ་ཙམ་ཞིག་ལུས། །རྒྱལ་པོ་སྲིན་ཏེ་སྙིང་པོ་ལ། །དགའ་བ་མེད་པས་
D6.011.0010b07.01