完整藏文原文 · 德格版页 当前仅加载第 11 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཡུལ་བཱ་རཱ་ཎ་སཱི་དྲང་སྲོང་གི་གནས་{རི་དགས་,རི་དྭགས་}ཀྱི་ནགས་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་བསྣམས་ལྷུང་བཟེད་ཐོགས་ཏེ་བཱ་རཱ་ཎ་སཱིར་བསོད་སྙོམས་ལ་གཤེགས་པ་དང་། དེ་ནས་དགེ་སློང་གཞན་ཞིག་ཀྱང་སྔ་
D6.011.0221b01.01དྲོའི་དུས་ཀྱི་ཚེ་ཤམ་ཐབས་དང་ཆོས་གོས་བགོས་ལྷུང་བཟེད་ཐོགས་ཏེ་བཱ་རཱ་ཎ་སཱིར་བསོད་སྙོམས་ཀྱི་ཕྱིར་ཞུགས་སོ། །དེ་ནས་དགེ་སློང་དེ་ཤིང་ཐགས་ཀྱི་དྲུང་དུ་འདུག་སྟེ། མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང་སྡིག་པ་ལ་ཆགས་ཤིང་གནས་པ་དང་། བཅོམ་ལྡན་
D6.011.0221b02.01འདས་ཀྱིས་དགེ་སློང་དེ་ཤིང་ཐགས་ཀྱི་དྲུང་ན་མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང་སྡིག་པ་ལ་ཆགས་ཤིང་གནས་པ་དེ་གཟིགས་སོ། །གཟིགས་ནས་ཀྱང་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དགེ་སློང་བདག་ཉིད་ས་བོན་ཚ་བ་ལྟ་བུར་
D6.011.0221b03.01མ་བྱེད་ཅིག །དྲི་ང་བ་དང་། ཟག་པར་མ་བྱེད་ཅིག །དགེ་སློང་ཁྱོད་ཀྱིས་འདིར་བདག་ཉིད་ས་བོན་ཚ་བ་ལྟ་བུ་དང་། དྲི་ང་བ་དང་། ཟག་པར་བྱས་ན་སྦྲང་བུ་དག་གིས་མི་མྱངས་ཤིང་མི་ལྡགས་པའི་གནས་དེ་ལྟ་བུར་འགྱུར་བར་མཁྱེན་ཏོ། །དེ་ནས་དགེ་སློང་དེ་འདི་སྙམ་དུ་སེམས་ཏེ།
D6.011.0221b04.01བཅོམ་ལྡན་འདས་ཀྱིས་བདག་གི་སེམས་ཀྱི་རྟོག་པ་མཁྱེན་ཏོ་སྙམ་ནས་འཇིགས་སྐྲག་སྔངས་བྲེད་དེ། བ་སྤུ་ལང་ཞེས་བྱེད་ནས་ཤིང་ཐགས་ཀྱི་དྲུང་དེ་ནས་སོང་ངོ་། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཡིན་པ་ནི་དགེ་སློང་སྤྱོད་ཡུལ་མ་ཡིན་པ་ན་འདུག་པ་ལས་
D6.011.0221b05.01གྱུར་ཏོ། །དེ་ལྟ་བས་ན་དགེ་སློང་སྤྱོད་ཡུལ་མ་ཡིན་པ་ན་འདུག་པར་མི་བྱ་བར་མཁྱེན་ནས་བཱ་རཱ་ཎ་སཱིར་བསོད་སྙོམས་བརྒྱུས་ཏེ་ཟས་ཀྱི་བྱ་བ་མཛད་ནས། བསོད་སྙོམས་ཀྱི་ཟས་ཕྱི་མ་སྤངས་ཏེ། ལྷུང་བཟེད་དང་ཆོས་གོས་གཞག་ནས་ཞབས་གཉིས་བཀྲུས་ཏེ་གཙུག་ལག་ཁང་དུ་ནང་དུ་ཡང་
D6.011.0221b06.01དག་འཇོག་ལ་ཞུགས་སོ། །དེ་ནས་བཅོམ་ལྡན་འདས། དགོངས་ཀ་ནང་དུ་ཡང་དག་འཇོག་ལས་བཞེངས་ཏེ། དགེ་སློང་གི་དགེ་འདུན་གྱི་མདུན་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་
D6.011.0221b07.01