完整藏文原文 · 德格版页 当前仅加载第 11 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་གྱིས་ཅི་ནས་ངས་ཇི་ལྟར་སྐྱེས་པས་ལྷའི་བུ་མཐོང་ཞིང་བུད་མེད་ཀྱིས་ལྷའི་བུ་མོ་མཐོང་བར་འགྱུར་བ་དེ་ལྟ་བུར་རྫུ་འཕྲུལ་མངོན་དུ་འདུ་བྱ་བ་མངོན་དུ་བྱའོ། །དེ་ནས་བཅོམ་ལྡན་འདས་ཇི་ལྟར་སྐྱེས་པས་ནི་ལྷའི་བུ་མཐོང་ཞིང་བུད་མེད་ཀྱིས་ནི་ལྷའི་བུ་མོ་མཐོང་བར་འགྱུར་
D6.011.0092a01.01བ་དེ་ལྟ་བུ་རྫུ་འཕྲུལ་འདུས་བྱས་པ་མངོན་དུ་འདུས་བྱས་སོ། །དེའི་དུས་ན་ཚེ་དང་ལྡན་པ་རབ་འབྱོར་ཤིང་གཞན་ཞིག་གི་དྲུང་ན་ཉིན་བར་སྤྱོད་པའི་ཕྱིར་འདུག་སྟེ། ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ལོངས་སྤྱོད་མཆོག་དང་སུམ་བཅུ་རྩ་གསུམ་གྱི་ལྷའི་གནས་ནས་འཛམ་བུའི་གླིང་དུ་བབས་
D6.011.0092a02.01པ་མཐོང་ངོ་། །མཐོང་ནས་འདི་སྙམ་དུ་གྱུར་ཏོ། །ལྷ་འདི་དག་ནི་འདི་བཞིན་དུ་རྫུ་འཕྲུལ་ཆེ་བ་མཐུ་ཆེ་བ་ཡང་བཅོམ་ལྡན་འདས་བོར་ཏེ་རང་གི་གནས་སུ་དོང་ངོ་། །མི་འདི་དག་ཀྱང་ལོ་བརྒྱ་འདས་པ་དང་དུས་བྱེད། བཅོམ་ལྡན་འདས་ཀྱང་ཡོངས་སུ་མྱ་ངན་ལས་འདས་ཏེ་འདི་ལྟ་བུའི་
D6.011.0092a03.01ལོངས་སྤྱོད་ཆེན་པོ་ཡང་ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ། །དེ་ལ་བཅོམ་ལྡན་འདས་ཀྱིས་ལེགས་པར་གསུངས་པ་དེ་ནི་འདུས་བྱས་ཐམས་ཅད་མི་རྟག །མི་བརྟན། ཡིད་བརྟན་དུ་མི་རུང་། འགྱུར་བའི་ཆོས་ཅན་ཏེ་འདུས་བྱས་ཐམས་ཅད་ཀྱིས་ཆོག་གོ། །སྐྱོ་བར་རིགས་སོ། །མི་འདོད་
D6.011.0092a04.01པའི་རིགས་སོ། །རྣམ་པར་གྲོལ་བར་བྱ་བ་ཤེས་ནས་ཉེ་བར་ལེན་པའི་ཕུང་པོ་ལྔ་ལ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་ཉིད་དུ་ཡིད་ལ་བྱེད་པ་ལ་ཞུགས་ཏེ། དེས་ཉེ་བར་ལེན་པའི་ཕུང་པོ་རྣམས་ལ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་
D6.011.0092a05.01མེད་པར་ཡིད་ལ་བྱས་པས་ན་མི་རྟག་པའི་རྣམ་པས་འདི་བཞིན་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་གྱེན་དུ་བྱུང་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེ་ནས་བདེན་པ་མཐོང་ཞིང་ཤེས་ཏེ་དད་པ་དང་ལྡན་པས་མྱུར་དུ་སྐྱིལ་མོ་ཀྲུང་བཤིག་ནས་པུས་
D6.011.0092a06.01མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ལ་ཕྱག་བྱས་སོ། །དེ་ནས་དགེ་སློང་མ་ཨུཏྤ་ལའི་ཁ་དོག་མས་འདི་ལྟར་བཅོམ་ལྡན་འདས་སུམ་བཅུ་རྩ་གསུམ་ལྷའི་གནས་ནས་འཛམ་བུའི་གླིང་དུ་བབས་ན་དེ་ལ་ཐབས་ཅི་ཞིག་གིས་བདག་གིས་བཅོམ་ལྡན་འདས་ལ་ཐོག་མར་ཕྱག་བྱ། དེ་སྟེ་
D6.011.0092a07.01