完整藏文原文 · 德格版页 当前仅加载第 11 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ། གཡུལ་ངོར་དཔའ་བོ་བལྟ་བྱ་སྟེ། །མི་བཟད་དུག་ལ་གསང་སྔགས་བལྟ། །བཟའ་བཏུང་ཚེ་ན་ཉེ་དུ་སྟེ། །དོན་རྟོགས་བྱ་ལ་མཁས་པ་བལྟ། །ཞེས་བགྱི་བ་ཁྱོད་ཀྱིས་མ་གསན་ཏམ། །རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་
D6.011.0021a01.01ཀྱིས་བ་ལང་སྐྱོང་གི་མ་ཞི་བ་བསད་པས་མ་ལེགས་པ་བྱས་སོ། །དེས་སྨྲས་པ། ལྷ། ཁྱིམ་པ་ལེ་ལོ་མ་ལེགས་ཆགས་མ་ལེགས། །རབ་བྱུང་ཡང་དག་སྡོམ་པ་མིན་མ་ལེགས། །རྒྱལ་པོ་གཟུ་ལུམས་སྤྱོད་པའང་མ་ལེགས་ཏེ། །མཁས་གང་འཁྲུག་བྱེད་དེ་
D6.011.0021a02.01ཡང་མ་ལེགས་སོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་བསྐྲད་པར་བྱ་བ་ཡིན་ནོ། །དེས་སྨྲས་པ། ལྷ། མི་མཁས་ཤིང་རྟ་གཅོག་པ་དང་། །ཁལ་ཆེན་འགེལ་
D6.011.0021a03.01བས་གླང་གསོད་དང་། །ཧ་ཅང་བཞོས་པས་བེའུ་གསོད་དང་། །ཉེ་དུའི་ཁྱིམ་འདུག་ཆུང་མ་བསྐྲད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་མཐོང་ན་ང་འཇིགས་སོ། །
D6.011.0021a04.01དེས་སྨྲས་པ། ལྷ། འུར་པ་དང་ནི་ཆུ་སྐྱར་དང་། །གསུམ་པ་ཕྱག་དར་སྲིན་བུ་དང་། །བཞི་པ་ལྷམ་བུ་ཆུ་གཤེར་ནི། །འཇིགས་བྱ་མིན་ལ་འཇིགས་པར་བྱེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་བ་ལང་སྐྱོང་གི་མ་ཞི་བ་མེད་པས་
D6.011.0021a05.01མི་དགའོ། །དེས་སྨྲས་པ། ལྷ། སྤྲེའུ་ནི་གྲོང་ན་མི་དགའ་སྟེ། །ཆུ་སྲིན་བྱིས་པ་གསོད་རི་ལ། །ཆོམ་རྐུན་དགེ་སྦྱོང་ཁྱིམ་དུ་སྟེ། །བྱི་པོ་རང་གི་ཁྱིམ་མི་དགའ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་
D6.011.0021a06.01བ་ལང་སྐྱོང་གི་མ་ཞི་བ་བསད་པས་ཁྱོད་ནི་གཏང་བར་བྱ་བ་ཡིན་ནོ། །དེས་སྨྲས་པ། ལྷ། རིགས་ཀྱི་ཕྱིར་ནི་གཅིག་གཏང་སྟེ། །གྲོང་གི་ཕྱིར་ནི་རིགས་གཏང་ངོ་། །ཡུལ་གྱི་ཕྱིར་ནི་གྲོང་གཏང་སྟེ། །བདག་གི་ཕྱིར་ནི་ཡུལ་གཏང་ངོ་། །ཞེས་བགྱི་བ་ཁྱོད་ཀྱིས་མ་གསན་
D6.011.0021a07.01