完整藏文原文 · 德格版页 当前仅加载第 11 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་གཏུན་གྱིས་བརྡེག་པའི་རྒྱུའོ། །དེས་སྨྲས་པ། ལྷ། ཤིང་མཁན་རྩང་རྩིང་འཇོག་པ་དང་། །བཟང་མཁན་སྐུད་པ་རིང་པོ་དང་། །ཁ་ལོ་སྒྱུར་བ་མིག་རྒྱང་ཐུང་། །དེ་གསུམ་གཏུན་གྱིས་བརྡེག་རྒྱུའོ། །ཞེས་
D6.011.0019a01.01བགྱི་བ་ཁྱོད་ཀྱིས་མ་གསན་ཏམ། ལྷ་དེ་དག་འབའ་ཞིག་ཏུ་མ་བས། གཞན་ཡང་གསུམ་སྟེ། ཕོ་ཉའི་ཕོ་ཉ་གང་ཡིན་དང་། །མངག་གཞུག་པ་ཡི་མངག་གཞུག་དང་། །བུད་མེད་འཕྱོན་མ་བྱེད་པ་གང་། །དེ་གསུམ་བཏུན་གྱིས་བརྡེག་རྒྱུའོ། །ལྷ་དེ་དག་འབའ་ཞིག་ཏུ་མ་བས་
D6.011.0019a02.01གཞན་ཡང་གསུམ་སྟེ། གནག་རྫི་གྲོང་ན་རྒྱུ་བ་དང་། །འབྲེག་མཁན་ནགས་ན་རྒྱུ་བ་དང་། །མག་པ་རྟག་ཏུ་འོང་བྱེད་པ། །དེ་གསུམ་གཏུན་གྱིས་བརྡེག་རྒྱུའོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ལན་གཅིག་གིས་བསད་དོ། །དེས་སྨྲས་པ། ལྷ།
D6.011.0019a03.01རྒྱལ་པོ་སྨྲ་བ་ལན་གཅིག་སྟེ། །བུ་མོ་སྦྱིན་པ་ལན་གཅིག་གོ། །འཕགས་པའི་གཟིགས་པ་ལན་གཅིག་སྟེ། །དེ་གསུམ་ལན་རེ་ལན་རེའོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་
D6.011.0019a04.01ཁྱོད་ནི་རང་གིས་ནད་བསླངས་སོ། །དེས་སྨྲས་པ། ལྷ། སྡར་མ་སྣ་ཚོགས་གོ་གྱོན་དང་། །རྩྭ་མཇིང་ཆུང་ངུ་ནོར་མང་དང་། །རྒན་པོ་ཆུང་མ་གཞོན་ལེན་པ། །དེ་དག་རང་གིས་ནད་བསླངས་སོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་
D6.011.0019a05.01ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་ནི་ཁྱོད་ལ་བག་ཚའོ། །དེས་སྨྲས་པ། ལྷ། དཀའ་ཐུབ་ཅན་ནི་བླུན་མཐོང་དང་། །དཔའ་བོ་རྨ་མཚན་མེད་པ་དང་། །བུ་མོ་ཆེན་མོ་མཐོང་ནས་ནི། །སྙིང་ལ་བག་ཚ་སྐྱེ་བར་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་
D6.011.0019a06.01པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་བརྙས་སོ། །དེས་སྨྲས་པ། ལྷ། ཅལ་ལེ་ཅོལ་ལེ་སྨྲ་བ་དང་། །གཉིས་པ་གོས་ངན་གྱོན་པ་དང་། །སྐྲུ་ཞིང་ཟ་བ་གང་ཡིན་པ། །དེ་གསུམ་བརྙས་པར་བྱ་བ་ཡིན། །ཞེས་བགྱི་བ་ཁྱོད་ཀྱིས་
D6.011.0019a07.01