完整藏文原文 · 德格版页 当前仅加载第 11 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སེམས་ལ་རྣམ་པར་རྟོག་པ་དང་། འཚེ་བ་ལ་རྣམ་པར་རྟོག་པའོ། །དྲི་ང་བ་ཞེས་བྱ་བ་ནི་འདོད་པའི་ཡོན་ཏན་ལྔ་པོ་དག་གི་ཚིག་{བླ་དགས་,བླ་དྭགས་}ཡིན་ཏེ། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཞེས་བྱ་མོད་ཀྱི། དགེ་སློང་འདི་ནི་འདོད་པའི་ཡོན་ཏན་མ་ཡིན་གྱི་གང་འདུན་པ་དང་
D6.011.0222b01.01ཆགས་པ་དེ་ནི་འདོད་པ་ཞེས་བྱའོ། །ཟག་པ་ཞེས་བྱ་བ་ནི་ཁ་ཅིག་ཇི་ལྟར་སྐྱེ་མཆེད་དྲུག་ལ་རེག་ཅིང་ཟག་པར་གནས་པ་སྟེ། མིག་གི་འདུས་ཏེ་རེག་པའི་སྐྱེ་མཆེད་དང་། རྣ་བ་དང་། སྣ་དང་། ལྕེ་དང་། ལུས་ཀྱི་འདུས་ཏེ་རེག་པའི་སྐྱེ་མཆེད་རྣམས་སོ། །ཟག་པའི་སྦྲང་བུ་ཞེས་བྱ་བ་ནི་
D6.011.0222b02.01ཁ་ཅིག་ཇི་ལྟར་སྐྱེ་མཆེད་དྲུག་ལ་སྡོམ་པས་མི་སྡོམ་པར་གནས་པ་སྟེ། ཆགས་པ་དང་ཡིད་མི་བདེ་བས་འཇིག་རྟེན་གྱི་སྡིག་པ་མི་དགེ་བའི་ཆོས་ལ་སེམས་རྗེས་སུ་ཟག་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། སྟོན་པ་བདེ་བར་གཤེགས་པས་གཞན་ཡང་འདི་སྐད་ཅེས་
D6.011.0222b03.01བཀའ་སྩལ་ཏོ། །གང་གིས་འདོད་པ་འདོད་ཆགས་བསྐྱོད། །མིག་དང་རྣ་བ་མ་བསྲུངས་ཤིང་། །རྣམ་པར་རྟོག་པས་མྱངས་པས་ན། །དགེ་སློང་ས་བོན་ཚ་བར་བྱེད། །དྲི་ང་བ་དང་ཟག་པ་དང་། །སྡིག་ལ་ཆགས་ཤིང་གནས་པ་ཡིན། །གྲོང་ངམ་གལ་ཏེ་དགོན་པའམ། །མཚན་མོའམ་
D6.011.0222b04.01འོན་ཏེ་ཉིན་མོའང་རུང་། །བདེ་བ་དག་ལས་རིང་དུ་གནས། །ཉམ་ཐག་པ་ཉིད་ཉེ་བར་འགྱུར། །གང་གིས་ནང་གི་ཞི་གནས་དང་། །རང་གིས་མངོན་རིག་བརྩོན་བྱས་ན། །སྦྲང་བུ་དེ་དག་མེད་བྱས་ཤིང་། །དེ་ནི་འཇིག་རྟེན་འདིར་བདེར་གནས། །དགེ་བའི་སྐྱེས་བུར་བསྟེན་པ་ནི། །འཕགས་
D6.011.0222b05.01པས་ཚིག་བཟང་བཤད་པ་སྟེ། །དེ་ཚིག་ཡང་དག་ཤེས་གྱུར་ན། །ཡང་སྲིད་པར་ནི་མི་འགྲོའོ། །བཅོམ་ལྡན་འདས་ཀྱིས་དགེ་སློང་དག་སྤྱོད་ཡུལ་མ་ཡིན་པར་གནས་པར་མི་བྱའོ་ཞེས་གསུངས་པ་དང་། དགེ་སློང་དག་གིས་སྤྱོད་ཡུལ་མ་ཡིན་པ་རྣམ་པ་དུ་ཡོད་མ་ཤེས་ནས། དེའི་སྐབས་དགེ་སློང་
D6.011.0222b06.01རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། སྤྱོད་ཡུལ་མ་ཡིན་པ་རྣམ་པ་ལྔ་སྟེ། རོལ་མོའི་གནས་དང་། སྨད་འཚོང་མའི་གནས་དང་། ཆང་འཚོང་མའི་གནས་དང་། རྒྱལ་པོའི་ཕོ་བྲང་འཁོར་གྱི་སྒོ་དང་། རིགས་ངན་གྱི་གནས་སོ།། །།སྡོམ་ནི།
D6.011.0222b07.01