完整藏文原文 · 德格版页 当前仅加载第 11 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བོ་འདི་དག་བྱང་ཆུབ་ཡན་ལག་ལགས། །བྱང་ཆུབ་ཡན་ལག་རྣམས་ཀྱི་གཏམ་གསན་ཅིང་། །བྱང་ཆུབ་ཡན་ལག་རོ་ནི་རྣམ་མཁྱེན་པས། །བཅོམ་ལྡན་ཐུགས་ནི་ཤིན་ཏུ་མི་བདེ་བའི། །སྙུན་ཚབས་ཆེན་པོ་དག་ལས་བཞེངས་པར་གྱུར། །དེ་ལྟ་བས་ན་ཆོས་རྗེ་དེ་ཡིས་
D6.011.0262b01.01ཀྱང་། །རིན་པོ་ཆེ་ཡི་ཆོས་འདི་འཆད་པ་ལ། །ཆོས་ནི་གསན་པར་བཞེད་གྱུར་གཞན་དག་ལྟ། །ཅི་ཕྱིར་དེས་ནི་འདི་ལ་མཉན་མི་བྱ། །དགེ་སློང་གང་ཞིག་ཤེས་རབ་མཆོག་ཡིན་པར། །ཤེས་རབ་སྟོབས་བཅུ་ལྡན་པས་བསྟན་པ་སྟེ། །ཉེ་རྒྱལ་དེ་ཡང་ན་བར་གྱུར་མོད་ཀྱི། །དམ་
D6.011.0262b02.01ཆོས་མཉན་པའི་དོན་དུ་འགྲོ་བར་བྱེད། །མདོ་སྡེ་འཛིན་དང་འདུལ་འཛིན་མ་མོ་འཛིན། །མཁས་པ་ཆོས་ལུགས་མཁྱེན་པ་དེ་དག་ཀྱང་། །ཆོས་རྣམས་ཉན་པར་བྱེད་ན་གཞན་དག་ལྟ། །ཅི་ཕྱིར་དེས་ནི་འདི་ལ་མཉན་མི་བྱ། །ཐོས་ནས་ཇི་ལྟར་ཆོས་ཀྱི་བཀའ་ལ་ནི། །སེམས་
D6.011.0262b03.01ཀྱིས་རྟོགས་ཤིང་ཉེ་བར་བཞག་གྱུར་ན། །ཟང་ཟིང་མེད་པའི་སངས་རྒྱས་གསུང་འདི་ནི། །དགའ་བས་དེ་བཞིན་ཉིད་ནི་འཐོབ་པར་འགྱུར། །དགའ་བའི་ཡིད་ཀྱིས་ཤིན་ཏུ་སྦྱངས་པའི་ལུས། །བདེ་བ་དག་ཀྱང་དེ་བཞིན་སྐྱེ་བར་འགྱུར། །བདེ་བར་གྱུར་པའི་སེམས་ནི་རྩེ་
D6.011.0262b04.01གཅིག་སྟེ། །དེ་ཡི་ལོག་ཏུ་ཏིང་འཛིན་རེག་པར་འགྱུར། །མཉམ་པར་གྱུར་པའི་སེམས་ནི་འདི་དག་ཏུ། །འདུ་བྱེད་རྣམས་ལ་སྐྱབས་སུ་མི་བྱེད་ཅིང་། །སྐྱོ་བར་གྱུར་པས་འདོད་ཆགས་རྣམས་བྲལ་ཏེ། །སེམས་ནི་རྣམ་པར་གྲོལ་བ་དག་ཏུ་འགྱུར། །སྲིད་པར་འགྲོ་བ་
D6.011.0262b05.01དག་ལ་སྐྱོ་གྱུར་ཏེ། །ལྷ་དང་མི་རྣམས་ལ་ཡང་མི་ཆགས་པ། །ཇི་ལྟར་མེ་ནི་བུད་ཤིང་མེད་གྱུར་བཞིན། །དགྲ་བཅོམ་གྱུར་ནས་ཡོངས་སུ་མྱ་ངན་འདས། །ཆོས་ཐོས་པ་ཡི་ཕན་ཡོན་མང་བར་ནི། །རྒྱལ་བ་རྣམས་ཀྱིས་དེ་དག་ཀུན་དུ་བཤད། །དེ་ལྟ་བས་ན་སྟོན་པའི་གསུང་
D6.011.0262b06.01འདི་ལ། །ནན་ཏན་འབད་དེ་རབ་ཏུ་མཉན་པར་བྱ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་རྩྭ་ཅན་ག་ལ་བར་འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་
D6.011.0262b07.01