完整藏文原文 · 德格版页 当前仅加载第 11 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །སྐྱེད་མོས་ཚལ་ལྡུམ་ར་དང་། བཟའ་ཤིང་དང་། རྫིང་བུ་བཅས་པ་ཞིག་སྐུར་ཅིག་ཅེས་བསྒོ་བ་དང་། གང་པོས་དེ་ཐོས་ནས་མི་དགའ་སྟེ། སྐྱེད་མོས་ཚལ་འདི་སྔོན་མ་མཐོང་ན་ཐབས་ཇི་ལྟ་བུར་བྱ་ཞེས་རབ་ཏུ་སེམས་པ་དང་། དེ་ནས་སྨན་ཆེན་པོ་
D6.011.0063a01.01གཞོན་ནུས་ཕ་སེམས་པ་མཐོང་ནས་སྨན་ཆེན་པོས་སྨྲས་པ། ཕ་ཅི་ཞིག་མི་དགའ་ཞེས་དྲིས་པ་དང་། གང་པོས་དེ་ལ་བུ་ཅིའི་ཕྱིར་མི་དགའ་བར་མི་འགྱུར། རྒྱལ་པོས་བདག་ལ་འདི་སྐད་དུ་བསྒོ་སྟེ། སྐྱེད་མོས་ཚལ་ལྡུམ་ར་དང་། བཟའ་ཤིང་དང་། རྫིང་བུར་ལྡན་པ་ཞིག་སྐུར་ཅིག་ཅེ་ན་
D6.011.0063a02.01ཇི་ལྟ་བུར་སྦྱར་ཞེས་སྨྲས་པ་དང་། སྨན་ཆེན་པོས་སྨྲས་པ། བསམ་པ་མ་མཛད་ཅིག །རྒྱལ་པོ་ཇི་ལྟར་མཉེས་པར་འགྱུར་བ་བདག་གིས་དེ་ལྟར་བགྱིའོ། །དེ་ནས་ཕོ་ཉ་བོས་ནས་སྨན་ཆེན་པོས་སྨྲས་པ། རྒྱལ་པོ་ལ་སླར་འདི་སྐད་ཅེས་གསོལ་ཅིག །རི་བྲགས་ཀྱི་སྐྱེད་མོས་ཚལ་འདི་
D6.011.0063a03.01དག་ནི་ལེགས་པར་ནི་ཅི་ཡང་མ་འཚལ་ན་ཇི་ལྟར་བགྱིས་ན་མཆི་བར་འགྱུར་བ་རྒྱལ་པོའི་ཕོ་བྲང་གི་སྐྱེད་མོས་ཚལ་ཞིག་རྒྱལ་པོས་བསྐུར་བར་གསོལ། ཕས་ཀྱི་སྐྱེད་མོས་ཚལ་དེ་ཇི་ལྟར་མཆི་བ་བལྟས་ཏེ་བསླབས་ནས། དེའི་རྗེས་བཞིན་དུ་གཏང་བར་འཚལ་ལོ་ཞེས་སྤྲིང་བ་དང་། དེ་ནས་
D6.011.0063a04.01ཕོ་ཉ་དེ་སླར་བཏང་སྟེ་རྒྱལ་པོ་ལ་དེས་ཇི་ལྟར་སྤྲིང་བ་བཞིན་གསོལ་ཏོ། །རྒྱལ་པོ་དགའ་སྟེ་ཅི་གང་པོ་རང་གི་བློས་སྨྲས་པ་ཡིན་ནམ། འོན་ཏེ་སྨན་ཆེན་པོས་སྨྲས་པ་ཡིན་ཞེས་དྲིས་པ་དང་། དེ་ནས་ཕོ་ཉས་སྨན་ཆེན་པོས་སྤྲིང་བ་ལགས་སོ་ཞེས་སྨྲས་པ་དང་། རྒྱལ་པོས་སྨྲས་པ། འདི་
D6.011.0063a05.01ལྟར་གཞོན་ནུ་དེ་ནི་ཤེས་རབ་དང་ལྡན་པ་ཞིག་གོ་ཞེས་བསམས་ནས། ཡང་དུས་ཕྱི་ཞིག་ན་ཕོ་ཉ་དེ་ལྟ་བུ་ཞིག་བཏང་ནས། རི་བྲགས་ཀྱི་གྲོང་རྡལ་དེར་ཤིང་སྐྱེད་ལ་ལོ་གཅིག་ལོན་པ་དེ་ལ་མེ་ཏོག་དང་ལྡན་པའི་འབྲས་བུར་ལྡན་པ་ཞིག་སྐུར་ཅིག་ཅེས་སྤྲིང་བ་དང་། ཕོ་ཉ་དེ་སོང་སྟེ་གང་པོ་ལ་
D6.011.0063a06.01བསྒོ་བ་དང་། གང་པོ་སྔ་མ་བཞིན་དུ་རབ་ཏུ་སེམས་ནས་མི་དགའ་བ་སྨན་ཆེན་པོས་མཐོང་ནས་སྨྲས་པ། ཕ་མི་དགའ་བར་མ་མཛད་ཅིག་དོན་དེ་མི་དཀའོ་ཞེས་སྨྲས་ནས། དེས་ཨེ་རཎྜའི་ཤིང་ཞིག་བསྐྱེད་ནས་བསྐུར་ཏེ་དེའི་ལོ་ལ་འབྲས་བུ་དང་། མེ་ཏོག་བྱུང་བ་རྒྱལ་པོས་མཐོང་ནས་
D6.011.0063a07.01