完整藏文原文 · 德格版页 当前仅加载第 11 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་དང་པོར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མ་རྣམས་ཀྱིས་ཟླ་བ་ཕྱེད་ཕྱེད་ཅིང་དགེ་སློང་ཕ་རྣམས་ལས་སྟོན་
D6.011.0119a01.01པའི་ལུང་རྗེས་སུ་བསྟན་པ་བཙལ་བར་བྱའོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གཉིས་སུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་ཕ་མེད་པའི་
D6.011.0119a02.01གནས་སུ་དགེ་སློང་མ་དབྱར་ཚུལ་དུ་མ་འཇུག་ཤིག །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་གསུམ་དུ་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་
D6.011.0119a03.01དབྱར་ཚུལ་ནས་བྱུང་བའི་ཚེ་དགེ་འདུན་སྡེ་གཉིས་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་དུ་སྐབས་དབྱེ་བར་བྱའོ། །མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་བཞིར་བཅས་ཏེ། དེ་
D6.011.0119a04.01ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་དགེ་སློང་ལ་ཚུལ་ཁྲིམས་ཉམས་སམ། ལྟ་བ་ཉམས་སམ། སྤྱོད་པ་ཉམས་སམ། འཚོ་བ་ཉམས་ཀྱང་རུང་མ་གླེང་ཤིག །དྲན་པར་མ་བྱེད་ཅིག །དགེ་སློང་མས་དགེ་སློང་ཕ་ཚུལ་ཁྲིམས་ལས་
D6.011.0119a05.01ཉམས་སམ། ལྟ་བ་ལས་ཉམས་སམ། སྤྱོད་པ་ལས་ཉམས་སམ། འཚོ་བ་ལས་ཉམས་ཀྱང་རུང་གླེང་ཞིང་དྲན་པར་བྱེད་པ་མི་གནང་ངོ་། །དགེ་སློང་ཕས་ནི་དགེ་སློང་མས་ཚུལ་ཁྲིམས་ཉམས་སམ། ལྟ་བ་ཉམས་སམ། སྤྱོད་པ་ཉམས་སམ། འཚོ་བ་ཉམས་པ་ལ་གླེང་བ་དང་།
D6.011.0119a06.01དྲན་པར་བྱེད་པ་ལ་མི་གནང་བ་མེད་དེ། འདི་ནི་མིང་འདི་ཞེས་བྱ་བ་བཅོམ་ལྡན་འདས་ཀྱིས་འདི་ནི་བུད་མེད་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་ལྔར་བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །དགེ་སློང་མས་དགེ་སློང་ལ་ཁ་ངན་
D6.011.0119a07.01