完整藏文原文 · 德格版页 当前仅加载第 11 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། ལྗོངས་དེ་དང་དེ་དག་ཏུ་གདུལ་བ་རྣམས་བཏུལ་ཏེ་གྲོང་ཁྱེར་རྩྭ་ཅན་དུ་གཤེགས་ནས་ཐ་མའི་གཟིམས་མལ་དུ་ཞུགས་པ་དེའི་ཚེ་ལྷའི་དབང་པོ་བརྒྱ་བྱིན་གྱིས་དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །དྲི་ཟའི་རྒྱལ་པོ་ཤེས་
D6.011.0278a01.01པར་གྱིས་ཤིག །བཅོམ་ལྡན་འདས་ཀྱིས་བདུད་འབྱུང་པོའི་འཁོར་བྱེ་བ་ཕྲག་སུམ་བཅུ་རྩ་དྲུག་བཏུལ་ཏེ་བླ་ན་མེད་པའི་ཡེ་ཤེས་ཐུགས་སུ་ཆུད་ནས་ཚངས་པས་གསོལ་ཏེ་ཡུལ་བཱ་རཱ་ཎ་སཱིར་གཤེགས་ནས་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ནས་དེའི་ཚེ་ཕྱོགས་གང་དང་གང་དག་ན་གྲོང་
D6.011.0278a02.01དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། ལྗོངས་དེ་དང་དེ་དག་ཏུ་གདུལ་བ་རྣམས་བཏུལ་ཏེ་གྲོང་ཁྱེར་རྩྭ་ཅན་དུ་གཤེགས་ནས་ཐ་མའི་གཟིམས་མལ་དུ་ཞུགས་ཀྱིས་དེ་ལ་ཆོས་མཉན་པའི་ཕྱིར་དེར་འདེང་བར་བྱའོ། །དེས་སྨྲས་པ། ཁོ་བོ་ནི་རེ་ཞིག་གླུ་དབྱངས་ལེན་གྱིས་ཀཽ་ཤི་
D6.011.0278a03.01ཀ་སོང་ཤིག །དེ་ནས་ཡང་ལྷའི་དབང་པོ་བརྒྱ་བྱིན་གྱིས་དྲི་ཟའི་རྒྱལ་པོ་རབ་དགའ་ལ་འདི་སྐད་ཅེས་སྨྲས་སོ། །རབ་དགའ་ཤེས་པར་གྱིས་ཤིག །བཅོམ་ལྡན་འདས་ཐ་མའི་གཟིམས་མལ་དུ་ཞུགས་ཏེ་ཡོངས་སུ་མྱ་ངན་ལས་འདའ་བར་འགྱུར་གྱིས་དེ་ལ་བདག་ཅག་བསྙེན་བཀུར་བྱ་བའི་ཕྱིར་འདེང་ངོ་། །དེས་སྨྲས་
D6.011.0278a04.01པ། ཁོ་བོ་ནི་རེ་ཞིག་གླུ་དབྱངས་ལེན་གྱིས་ཀཽ་ཤི་ཀ་སོང་ཤིག །བཅོམ་ལྡན་འདས་ཀྱིས་དགོངས་པ། ཀུན་དུ་རྒྱུ་རབ་བཟང་ནི་ངས་གདུལ་བར་རུང་ན་དྲི་ཟའི་རྒྱལ་པོ་རབ་དགའ་ནི་གདུལ་བར་དཀའ་སྟེ། ཉན་ཐོས་ཀྱིས་གདུལ་བ་ལ་ནི་དེ་བཞིན་གཤེགས་པས་འདུལ་བར་སྤྱོད་ཀྱི་སངས་རྒྱས་ཀྱིས་གདུལ་བ་
D6.011.0278a05.01ལ་ནི་ཉན་ཐོས་ཀྱིས་འདུལ་མི་ནུས་པས་དེ་ལྟ་བས་ན་དེ་བཞིན་གཤེགས་པས་གདུལ་བར་བྱ་བའི་མཁྱེན་པ་ནི་བླ་ན་མེད་དེ། མ་ལ་འདི་བདག་གིས་གདུལ་བར་བྱ་གོར་མ་ཆག་སྙམ་དུ་དགོངས་ནས་ཇི་ལྟར་ཐུགས་མཉམ་པར་སྙོམས་པར་ཞུགས་ན་ཐ་མའི་གཟིམས་མལ་དུ་སྤྲུལ་པ་བཞག་ནས་པི་བང་རྒྱུད་
D6.011.0278a06.01སྟོང་པ་ཁོག་པ་བཻ་ཌཱུརྱ་ལས་བྱས་པ་བསྣམས་ཏེ་ཐ་མའི་གཟིམས་མལ་ནས་བྱུང་ནས་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དྲི་ཟའི་རྒྱལ་པོ་རབ་དགའི་སྒོ་ན་བཞུགས་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དྲི་ཟའི་རྒྱལ་པོ་རབ་དགའ་ཡང་གང་ང་ལྟ་བུ་ནི་མེད་དོ་ཞེས་དྲི་ཟའི་རྒྱལ་པོ་
D6.011.0278a07.01