完整藏文原文 · 德格版页 当前仅加载第 11 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འོངས་སོ། །དེས་སྙིང་རྗེ་བའི་དབང་གིས་བླངས་ཏེ་ལོངས་སྤྱོད་ཀྱང་བྱིན་ནོ། །དེ་ནས་དུས་ཕྱི་ཞིག་ན་བྲམ་ཟེ་ཞིག་འོངས་ཏེ། དེ་ནས་བྲེ་གང་ཞིག་བསླངས་པ་དང་དེས་ཀྱང་ཁས་བླངས་ཏེ་བང་ཀ་བ་ལ་གཏད་ན་སང་སྦྱིན་གནངས་སྦྱིན་ལས་མ་བྱིན་ནོ། །དེ་ནས་དུས་ཕྱི་ཞིག་ན་རྒྱལ་པོ་ལ་བློན་པོ་རྣམས་
D6.011.0069b01.01དང་། གྲོང་ཁྱེར་པ་དང་། ལྗོངས་པ་དག་གིས་བསྐོར་ཏེ་མི་མང་པོ་ཕྱག་འཚལ་བའི་གནས་ན་འདུག་གོ། །དེས་བློན་པོ་རྣམས་ལ་ཀྱེ་བློན་པོ་རྣམས་གསང་བ་ནི་སུ་ལ་སྨྲ་བར་བྱ། གང་ལ་ཡིད་བརྟན་པར་བྱ་ཞེས་སྨྲས་པ་དང་། དེ་ནས་བློན་པོ་དག་སེམས་པ་ལ་ཞུགས་སོ། །དེ་དག་ལས་
D6.011.0069b02.01གཅིག་གིས་ནི་མཛའ་བོ་ལ་སྨྲ་བའི་རིགས་ཞེས་བྱས། ཁ་ཅིག་གིས་ནི་ལྷ་དེ་ཆུང་མ་ལ། ཁ་ཅིག་གིས་ནི་མ་ལ། ཁ་ཅིག་གིས་ནི་སྲིང་མོ་དང་ཕ་ལ། ཁ་ཅིག་གིས་ནི་ཕུ་ནུ་ལའོ་ཞེས་གཞན་དག་གིས་དེ་སྐད་སྨྲས་པ་དང་། རྒྱལ་པོས་སྨན་ཆེན་པོ་གཞན་གྱིས་ནི་ཇི་ལྟར་བསམས་པ་
D6.011.0069b03.01བཞིན་སྨྲས་ན་ཁྱོད་ཀྱིས་ཅིའི་ཕྱིར་མི་སྨྲ་ཞེས་དྲིས་པ་དང་། དེ་ནས་སྨན་ཆེན་པོས་རྒྱལ་པོ་ལ་ལྷ་བདག་གིས་ནི་འདི་སྙམ་དུ་བསམས་ཏེ། གསང་བ་དེ་ནི་སུ་ལ་ཡང་བགྱི་བར་མི་རིགས་ན་ཆུང་མ་ལྟ་ཅི་སྨོས་ཏེ། དེ་ནི་བདག་གིས་ལྷའི་སྤྱན་སྔར་མངོན་པར་བགྱིའོ་ཞེས་སྨྲས་སོ། །དེ་
D6.011.0069b04.01ནས་ཕྱི་ཞིག་ན་རྒྱལ་པོའི་རྨ་བྱ་སྟོར་བ་སྨན་ཆེན་པོས་བཙལ་ཏེ་ཕྱོགས་གཞན་ཞིག་ཏུ་སྦས་ནས་དེ་དང་འདྲ་བ་གཞན་ཞིག་བཟུང་སྟེ། ཆུང་མ་ཁྱོད་ཀྱིས་རྒྱལ་པོའི་ཕོ་བྲང་ནས་རྨ་བྱ་སྟོར་བ་ཐོས་སམ་ཞེས་དྲིས་པ་དང་། དེས་ཀྱང་བདག་གིས་ཐོས་སོ་ཞེས་སྨྲས་སོ། །སྨན་ཆེན་
D6.011.0069b05.01པོས་ཁྱོད་ཀྱིས་སུ་ལ་ཡང་མ་ཟེར་བར་འདི་མྱུར་དུ་ཚོས་ཤིག་དང་བཟའོ་ཞེས་བསྒོའོ། །དེས་རི་བྲགས་ཀྱི་གྲོང་མི་འདིས་རྒྱལ་པོའི་རྨ་བྱ་ཟ་བ་ལྟོས་ཤིག །བདག་གི་ཕ་ནི་འདི་ལ་ཤིན་ཏུ་ཡིད་བརྟན་པར་བྱེད་ན་འདི་ནི་རྒྱལ་པོ་ལ་གནོད་པའི་ལས་བྱེད་དོ་སྙམ་དུ་བསམས་སོ། །ཡང་རེ་ཞིག་
D6.011.0069b06.01ན་རྒྱལ་པོའི་བཙུན་མོ་འདྲ་བ་བུད་མེད་སྨད་འཚོང་མ་ཞིག་རྒྱན་ཐམས་ཅད་ཀྱིས་བཀླུབས་ཏེ་བདག་གི་བུད་མེད་ཀྱི་ནང་དུ་བཅུག་ནས་ཆུང་མ་ལ་འདི་ནི་རྒྱལ་པོའི་བཙུན་མོ་འདི་ཞེས་བྱ་བ་ཡིན་ཏེ། བདག་འདི་ལ་ཤིན་ཏུ་ཡིད་བརྟན་གྱིས་ཁྱོད་བདག་ལ་སྡུག་ན་སུ་ལ་ཡང་མ་ཟེར་ཅིག་ཅེས་བསྒོ་བ་དང་།
D6.011.0069b07.01