完整藏文原文 · 德格版页 当前仅加载第 11 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི་བར་བརྩམས་པ་དང་། བདག་གིས་དེ་ལས་བསམས་ནས། འདི་སྐད་དུ་གང་དག་སས་འཚོ་བ་དེ་དག་ནི་འདི་ལྟར་འགྱུར་རོ་ཞེས་བགྱིས་པར་བས་སོ། །ཕྱོགས་ཆེ་གེ་མོ་ཞིག་ཏུ་ཁྱོད་ཀྱིས་ང་ལ་གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་
D6.011.0009a01.01ཞེས་གསུང་བ་གང་ལགས་པ་ནི་ཕྱོགས་དེར་སྲོག་ཆགས་ཐིང་རིལ་གྱི་སྒོ་ང་དག་ཅིག་འདམ་བུའི་རིའི་རྐང་པས་བཅོམ་ནས་དེ་ཡང་མྱ་ངན་བྱེད་པར་བརྩམས་པ་དང་། བདག་གིས་དེ་ལས་བསམས་ནས་འདི་སྐད་དུ་གང་དག་སྤྱོད་ཡུལ་མ་ཡིན་པར་སྤྱོད་པ་དེ་དག་ནི་འདི་ལྟར་འགྱུར་རོ་ཞེས་བགྱིས་
D6.011.0009a02.01པར་བས་སོ། །ཕྱོགས་ཆེ་གེ་མོ་ཞིག་ཏུ་ཁྱོད་ཀྱིས་ང་ལ་གང་དག་དོན་དུ་གཉེར་བ་མ་ཡིན་པ་དོན་དུ་གཉེར་བ་དེ་དག་ནི་འདི་ལྟར་འགྱུར་རོ་ཞེས་ཟུར་བྱས་སོ་ཞེས་གསུང་བ་གང་ལགས་པ་ནི་ཕྱོགས་དེར་ཤིང་གི་ཡལ་ག་ལ་སྦྲུལ་ཞིག་གནས་པ་དེས་བསྙབས་ནས་ལྷ་བཟའ་བར་བརྩམས་པ་དང་།
D6.011.0009a03.01བདག་གིས་རལ་གྲི་ཤུབས་ནས་ཕྱུང་སྟེ་དུམ་བུ་དུམ་བུར་བཅད་ནས་དེ་ས་ལ་ལྷུང་བ་དང་། བདག་གིས་དེ་ལས་བསམས་ནས། འདི་སྐད་དུ་གང་དག་དོན་དུ་གཉེར་བར་བྱ་བ་མ་ཡིན་པ་དོན་དུ་གཉེར་བ་དེ་དག་ནི་འདི་ལྟར་འགྱུར་རོ་ཞེས་བགྱིས་པར་བས་སོ། །ངས་ཁྱོད་ལ་མ་ཚོར་བར་ཞི་
D6.011.0009a04.01བ་ལ་ལྷ་སྐྱེད་མོས་ཚལ་ན་བཞུགས་སོ་ཞེས་གྱིས་ཤིག་ཅེས་བྱས་ན་ཁྱོད་ཀྱིས་ཁྱིམ་ན་གནས་པ་རིལ་ལ་སྨྲས་སོ་ཞེས་གསུང་བ་གང་ལགས་པ་དེ་ཡང་བདག་གིས་མ་ཚོར་བ་ཁོ་ནར་ཞི་བ་ལ་བགྱིས་ན་བདག་ཇི་ལྟར་ལྷ་ལ་གནོད་པ་བགྱིད་པར་ཞུགས་པ་ལགས། རྒྱལ་པོས་སྨྲས་པ། གསོས་པ་ཁྱོད་
D6.011.0009a05.01ཀྱིས་ང་ལ་ལན་ཐམས་ཅད་ལེགས་པར་གླན་ན། ད་གཟོད་ང་སྟོར་ཁུང་ནས་འཛུལ་བ་ན་ང་བདག་ཉིད་ཀྱིས་བུད་མེད་གཉིས་ཤིག་ལས་གཅིག་གིས་གྲོགས་མོ་ལྷ་བྱོན་ཏོ་ཞེས་གྲག་གོ་ཞེས་བྱས་པ་དང་། ཅིག་ཤོས་ན་རེ་དེ་སྟོར་ཁུང་ནས་འཛུལ་ལོ་ཞེས་ཟེར་བ་ཐོས་ན་དེ་སུས་བྱས་ཞིག་གུ་ལྷ་དེ་དག་
D6.011.0009a06.01ནི་ཕྲ་མེན་མ་ལགས་ན་ལགས་ཀྱང་འཚལ་མོད། དེར་ཡང་བདག་གིས་ལྷ་ལ་གནོད་པ་མ་བགྱིས་སོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་ཇི་སྐད་སྨྲས་པ་དེ་དེ་ལྟ་ཡིན་མོད་ཀྱི་ངས་ཁྱོད་བགམས་པར་ཟད་ཀྱིས་མི་དགའ་བར་མ་བྱེད་ཅིག །འོན་ཀྱང་ང་རྡོ་འཇོག་ཏུ་སོང་བའི་ཚེ་བྲམ་ཟེ་གང་དག་
D6.011.0009a07.01