完整藏文原文 · 德格版页 当前仅加载第 11 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་འབྲེག་མཁན་གྱིས་སྐྲ་བྲེགས་པ་དང་། དེ་ནས་འབྲེག་མཁན་གཞོན་ནུར་གྱུར་པས་དྲན་པ་ཉེ་བར་མི་འཇོག་གོ། །དེས་དེ་དག་མཐོང་བ་དང་ཆགས་པར་གྱུར་ཏོ། །རྣམ་པ་དེ་ལྟ་བུར་གྱུར་པ་དགེ་སློང་
D6.011.0171a01.01དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སེམས་ནི་རྒོད་པ་སྟེ། དྲན་པ་ཉེ་བར་མ་གཞག་པས་ན་བསླུས་པར་འགྱུར། བུད་མེད་ནི་ཕལ་ཆེར་འདོད་ཆགས་རབ་ཏུ་ཆེ་སྟེ། དེ་ལྟ་བས་ན་དགེ་སློང་མ་དག་
D6.011.0171a02.01གཅིག་པུ་འབྲེག་མཁན་གྱི་དྲུང་དུ་སྐྲ་འབྲེག་པར་མ་བྱེད་པར་དེའི་དྲུང་དུ་དགེ་སློང་མ་གཞན་ཞིག་ཞོག་ལ་དེ་སྟེ་འབྲེག་མཁན་དེ་ཆགས་པར་གྱུར་ན་དེའི་དྲུང་ན་དགེ་སློང་མ་འདུག་པས་འདི་སྐད་སྨྲོས་ཤིག །བཞིན་{བཟངས་,བཟང་}དགེ་སློང་མ་འདིའི་ལུས་ནི་རུས་པའི་འཁྲུལ་འཁོར། འདི་ནི་རྒྱན་མེད་ལ་
D6.011.0171a03.01ལུས་དྲི་མ་ཅན། འདི་ནི་རབ་ཏུ་བྱུང་བ་ཡིན་གྱིས་དེ་ལྟ་བུའི་སེམས་ཟློག་ཤིག་སེམས་ཅན་དམྱལ་བར་ལྟུང་བར་གྱུར་ཏ་རེ། དེ་སྟེ་དགེ་སློང་མ་ཆགས་པར་གྱུར་ན་ཡང་འདི་སྐད་དུ་སྨྲོས་ཤིག །ཕུ་ནུ་མོ་ཁྱིམ་པའི་ལས་ནི་ཁྱོད་ཀྱིས་སྤངས་ན་ཅི་ཁྱོད་ཀྱིས་བསྙེན་པར་རྫོགས་པའི་ཚེ་དགེ་འདུན་
D6.011.0171a04.01སྡེ་གཉིས་ལ་ཁྱོད་ཀྱིས་ཁས་བླངས་པ་དེ་སོམས་ཤིག །འདོད་པ་ནི་བདེ་བ་ཆུང་ཞིང་སྡུག་བསྔལ་མང་ལ་ཉེས་པའི་དམིགས་མང་བར་ནི་བཅོམ་ལྡན་འདས་ཀྱིས་བཀའ་སྩལ་གྱིས། ཚུལ་བཞིན་མ་ཡིན་པའི་ཡིད་ལ་བྱེད་པ་སྤངས་ལ་རབ་ཏུ་བྱུང་བའི་སེམས་ཉེ་བར་ཞོག་ཤིག །དེས་དེ་ལ་
D6.011.0171a05.01དེ་སྐད་དུ་སྨྲས་ན་ནི་ལེགས། དེ་སྟེ་མ་སྨྲས་ན་དྲུང་ན་འདུག་པའི་དགེ་སློང་མ་ལ་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོ་ཁྱིམ་བདག་གཞན་ཞིག་དད་པར་བྱས་ཏེ་དབྱར་མོ་ཁང་རྩིག་ཏུ་བཅུག་ནས་དེ་ན་དགེ་སློང་མ་མང་ཞིག་
D6.011.0171a06.01གནས་པར་གྱུར་ཏོ། །ཇི་ཙམ་ཞིག་ན་ལྷོ་ཕྱོགས་ནས་ཚོང་པ་ལྔ་བརྒྱ་ཙམ་ཞིག་ཟོང་ཁྱེར་ཏེ་མཉན་དུ་ཡོད་པར་ལྷགས་སོ། །ཚོང་པ་དེ་དག་ནོར་གཞག་པའི་ཁང་པ་གླས་བཙལ་བ་དང་མ་རྙེད་དེ། དེ་ནས་དེ་དག་གིས་མཉན་དུ་ཡོད་པར་ཀུན་དུ་བཙལ་ཀྱང་མ་རྙེད་དེ། ཚོང་དུས་དང་སྲང་དང་
D6.011.0171a07.01