完整藏文原文 · 德格版页 当前仅加载第 11 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་དང་། དེ་དག་སྤོབས་པ་མེད་ནས་ཅང་མི་ཟེར་བར་འདུག་གོ། །དེ་ནས་བཅོམ་ལྡན་འདས་ཀྱིས་མངོན་པར་འདུ་བྱ་བ་དང་བཅས་པར་ཞབས་གཡས་པ་དྲི་གཙང་ཁང་གི་ནང་དུ་བསྣུན་པ་དང་ས་རྣམ་པ་དྲུག་ཏུ་གཡོས་པར་གྱུར་ནས་ས་ཆེན་པོ་འདི་གཡོས། ཀུན་
D6.011.0047b01.01དུ་གཡོས། ཀུན་དུ་རབ་ཏུ་གཡོས། འགུལ། ཀུན་ཏུ་འགུལ། ཀུན་དུ་རབ་ཏུ་འགུལ་བར་གྱུར་ཏེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། ལྷོ་ཕྱོགས་མཐོ་ན་བྱང་
D6.011.0047b02.01ཕྱོགས་དམའ། དབུས་མཐོ་ན་མཐའ་དམའ། མཐའ་མཐོ་ན་དབུས་དམའ་བར་གྱུར་ཏོ། །ས་གཡོས་པ་དེས་གངས་རིའི་ཁྲོད་ཀྱི་ཀུན་དགའ་ར་བ་ན་གནས་པའི་དྲང་སྲོང་རྣམས་བསྐུལ་བས་དེ་དག་ཕན་ཚུན་དུ་ཤེས་ལྡན་དག་བདག་ཅག་ལ་ཚངས་པ་མཚུངས་པར་
D6.011.0047b03.01སྤྱོད་པ་དེ་དག་གིས་མཚན་མ་དག་བསྟན་ཀྱིས་འདོང་ངོ་ཞེས་སྨྲས་ནས་དེ་དག་དོང་བ་དང་། བཅོམ་ལྡན་འདས་ཀྱིས་དེ་རྣམས་འདུལ་བ་ལ་གཟིགས་ཏེ་ཉི་མ་སྟོང་བས་ལྷག་པའི་འོད་གསེར་གྱི་ཁ་དོག་ལྟ་བུའི་འོད་ཟེར་བཀྱེ་བས་དེ་དག་གིས་བཅོམ་ལྡན་འདས་ཀྱི་དྲུང་ནས་
D6.011.0047b04.01དྲང་སྲོང་དེ་རྣམས་ཀྱི་བར་ཐག་ཇི་སྲིད་པ་དེ་གསེར་བཞུན་མ་ལྟ་བུར་གྱུར་ཏོ། །དྲང་སྲོང་དེ་རྣམས་ཀྱིས་སངས་རྒྱས་བཅོམ་ལྡན་འདས་ཉི་མ་དང་པོ་ཤར་བའི་དཀྱིལ་འཁོར་ལྟར་མཛེས་པ། གསེར་སྦྱངས་པའི་དུམ་བུའི་ཚོགས་སྤུངས་པ་ལྟ་བུ། མེ་ཏོག་ཀུ་རན་ད་ཀ་དང་།
D6.011.0047b05.01མྱ་ངན་འཚང་གི་ཕུང་པོ་ལྟ་བུའི་མདངས་ཅན། གསུང་དབྱངས་སྤྲིན་ཆུ་དང་བཅས་པ་དང་། རྒྱ་མཚོ་དང་། ཁྱུ་མཆོག་དང་། རྔ་སྒྲ་ལྟར་ཟབ་ཅིང་བརྟན་ལ་རྣམ་པར་གསལ་བ། མཉན་ན་བདེ་ཞིང་སྙན་པ། འཕྲལ་བའི་ཕྱོགས་འོ་མའི་རྒྱ་མཚོའི་དབུ་བ་དང་། མུ་ཏིག་
D6.011.0047b06.01གི་དོ་ཤལ་དང་། པདྨའི་རྩ་ལག་དང་། ངང་པ་དང་། མེ་ཏོག་ཀུན་ད་དང་། ཤེལ་སྤུངས་པ་ལྟ་བུར་དཀར་བའི་མཛོད་སྤུས་རྣམ་པར་བརྒྱན་པ། ཡོན་ཏན་རྨད་དུ་བྱུང་བ་བསམ་གྱིས་མི་ཁྱབ་པ་གྲངས་མེད་པའི་ཚོགས་ཀྱིས་གནས་པ། སྲིད་པའི་དགའ་བ་དང་བདེ་བ་
D6.011.0047b07.01