完整藏文原文 · 德格版页 当前仅加载第 11 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
རུང་ངོ་ཞེས་སྨྲས་པ་དང་། རྒྱལ་པོས་དེ་བཞིན་གྱིས་ཤིག་ཅེས་བསྒོ་ནས་དེ་མགོ་བཏུད་དེ་གར་བྱེད་པ་ལ་ཞུགས་པ་དང་སྤྲ་མོ་དེས་ཀྱང་མགོ་བཏུད་དེ་གར་བྱས་པ་དང་། དེའི་མགུལ་ནས་མུ་ཏིག་གི་སེ་མོ་དོ་དེ་ལྷུང་ངོ་། །དེ་ནས་རྒྱལ་པོ་དགའ་བས་སྨན་ཆེན་པོའི་མགུལ་
D6.011.0086b01.01ནས་འཁྱུད་དེ་མགུ་བར་བྱས་ནས་ལོངས་སྤྱོད་ཀྱང་བྱིན་ནོ། །དེ་ནས་བློན་པོ་དྲུག་པོ་དེ་དག་ལྷན་ཅིག་ཏུ་འདུས་ཏེ་སྔོན་གྱི་དུས་དང་དེའི་ཡང་སྔོན་ལོགས་ན་ནི་བདག་ཅག་ལ་རྒྱལ་པོས་རིམ་གྲོར་བྱས། བླ་མར་བྱས། བཙུན་པར་བྱས། མཆོད་པར་བྱས་ན་ད་ནི་རི་བྲགས་ཀྱི་གྲོང་
D6.011.0086b02.01མི་བློ་རྩིང་བ་ཅན་བཀྲེས་པའི་རིགས་ལས་བྱུང་བ་འདིས་བདག་ཅག་ཐམས་ཅད་གཟི་བརྗིད་ཀྱི་གནས་ནས་ཕྱུང་ན་དེ་ལ་ཇི་ལྟ་བུར་བྱ་ཞེས་བགྲོས་པ་དང་། དེ་ནས་བློན་པོ་གཞན་ཞིག་གིས་ཀྱེ་བདག་ཅག་སྔོན་གཅིག་ལ་གཅིག་སོ་སོར་བྱེ་བས་ན་བདག་ཅག་མཐུ་མེད་པར་བྱས་ཀྱིས་
D6.011.0086b03.01དེ་ལྟ་བས་ན་ད་ནི་སྐྱེད་མོས་ཚལ་དུ་འདོང་ངོ་། །དེར་དོང་ལ་མནའ་དང་། ཡིད་ཆེས་པ་དང་། གཉེན་དུ་ཡང་བྱའོ། །དེ་ལྟ་བུར་བྱས་ན་རྒྱལ་པོ་སྐྱེད་པ་དང་། སྨན་ཆེན་པོས་བདག་ཅག་ལ་ནི་སྤང་བ་མ་ཡིན་གྱི་སླར་སྟེན་པར་འགྱུར་རོ་ཞེས་སྨྲས་པ་དང་།
D6.011.0086b04.01དེ་དག་འདུས་ཏེ་སྐྱེད་མོས་ཚལ་དུ་དོང་ངོ་། །འདོང་བ་སྨན་ཆེན་པོས་མཐོང་སྟེ། དེ་ནས་སྨན་ཆེན་པོས་ནམས་ཀྱང་འདི་དག་གཅིག་ཏུ་འདུས་ཏེ་གར་ཡང་མ་དོང་ན། སྔོན་ལྟ་མ་ཡིན་པ་ཞིག་སྦྱར་རོ་སྙམ་བསམས་ནས། དེ་དོགས་པར་གྱུར་ཏེ་ནེ་ཙོ་མ་ཏ་ར་ལ་
D6.011.0086b05.01ཕྱི་བཞིན་སོང་ལ་འདི་དག་ཅི་དཔྱོད་ཅི་ཟེར་བ་དང་། །ཅི་བྱེད་པ་རྟོགས་ཤིག་ཅེས་བསྒོའོ། །དེ་ནས་བློན་པོ་དྲུག་པོ་དེ་དག་སྐྱེད་མོས་ཚལ་དུ་དོང་ནས་ཕན་ཚུན་གཉེན་དུ་བྱས་ནས་དེ་སྟེ་གཅིག་ལ་གཅིག་མཚང་འདྲུ། གསང་བརྟོལ་ན་ནི་གདོད་བདག་ཅག་
D6.011.0086b06.01ཡིད་ཆེས་པར་འགྱུར་རོ་ཞེས་སྨྲས་པ་དང་། གཞན་ཞིག་གིས་སྨྲས་པ་དེ་བཞིན་བྱའོ། །དེ་ནས་གཅིག་གིས་སྨྲས་པ། བདག་གིས་ནི་རྒྱལ་པོའི་རྨ་བྱ་ཟོས་སོ། །གཞན་ཞིག་གིས་སྨྲས་པ། བདག་གིས་ནི་རྒྱལ་པོའི་བཙུན་མོ་དང་ལྷན་ཅིག་ཉལ་བར་བྱས་
D6.011.0086b07.01