完整藏文原文 · 德格版页 当前仅加载第 11 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིམ་པར་བྱས། ཡང་དག་པར་བསྟབས་ནས། བཅོམ་ལྡན་འདས་བཤོས་གསོལ་ཏེ་ཕྱག་བཅབས་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བཏིང་ནས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་
D6.011.0028b01.01དྲག་ཤུལ་ཅན་ལ་ཆོས་དང་མཐུན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་མཐུན་པའི་གཏམ་གྱིས་
D6.011.0028b02.01ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་ནས་ཡོན་བསྔོ་བ་བརྗོད་ནས་གདན་ལས་བཞེངས་ཏེ་གཤེགས་སོ། །དེ་ནས་མུ་སྟེགས་ཅན་མ་དུལ་བའི་ཆ་བྱད་
D6.011.0028b03.01ཅན་དག་བབ་བབ་ཏུ་ཅ་ཅོ་ཟེར་ཞིང་འདུག་པ་དང་། ཁྱིམ་བདག་དྲག་ཤུལ་ཅན་གྱིས་སྒོ་བའི་མི་ལ། ཀྱེ་ནང་རྗེ་གལ་ཏེ་མུ་སྟེགས་ཅན་འགའ་ཞིག་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པའི་སྣོད་རྣམས་ཁྱེར་ཏེ་སྒོར་
D6.011.0028b04.01འགྲོ་ན་མ་སྦྱིན་ཅིག །ཇི་སྟེ་ངེད་ལ་ཁྱིམ་བདག་གིས་བྱིན་ནོ་ཞེས་ཟེར་དང་། ཀྱེ་ཁྱེད་ལ་ཁྱིམ་བདག་གིས་ཟན་གྱི་ཕྱིར་ཡིན་གྱི་གཏན་ནི་མ་བྱིན་ནོ་ཞེས་བྱོས་ཤིག །དེ་སྟེ་ཡང་མི་སྟེར་ན་རྒྱོབ་ལ་ཕྲོགས་ཤིག་ཅེས་བསྒོ་བ་དང་། ཁྱིམ་བདག་དེ་ལྟར་འཚལ་ལོ་ཞེས་མི་དེས་ཁྱིམ་
D6.011.0028b05.01བདག་དྲག་ཤུལ་ཅན་གྱི་ལྟར་མཉན་ནོ། །དེ་ནས་ཁྱིམ་བདག་དྲག་ཤུལ་ཅན་གྱིས་མུ་སྟེགས་ཅན་རྣམས་ལ་གསེར་དང་། དངུལ་དང་། བཻ་ཌཱུརྱ་ལས་བྱས་པའི་སྣོད་རྣམས་བྲིམ་པར་བརྩམས་པ་དང་། སྒྲ་མཐོན་པོ་དང་། སྒྲ་མང་པོ་བཏོན་ནས་ལ་ལ་ན་རེ་ཁྱིམ་བདག་
D6.011.0028b06.01བདག་ལ་གསེར་ལས་བྱས་པ་བྱིན་ཅིག་ཅེས་ཟེར། ལ་ལ་ནི་བདག་ལ་དངུལ་ལས་བྱས་པ་བྱིན་ཅིག་ཅེས་ཟེར་ཞིང་དེ་ལྟར་དེ་དག་ཀུ་ཅོ་འདོན་པ་དེའི་ཚེ་འཐབ་མོ་བྱུང་ནས་ཕན་ཚུན་དུ་ཁུ་ཚུར་དང་། ཐལ་ལྕག་དང་། དབྱུག་པ་དང་། ལྟག་དབྱུག་དང་། རྡོག་པས་བརྡེག་པར་
D6.011.0028b07.01