完整藏文原文 · 德格版页 当前仅加载第 11 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པཱ་ལིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གང་བཅོམ་ལྡན་འདས་ཀྱིས་ནི་འདི་ན་དགེ་སློང་མས་དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པའོ་
D6.011.0138b01.01ཞེས་གླེང་བར་མི་བྱ། དྲན་པར་མི་བྱའོ་ཞེས་གསུངས་ན། བཙུན་པ་ཅི་དགེ་སློང་མས་དགེ་སློང་ཕ་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པའོ་ཞེས་གླེང་བར་བགྱི་བ་དང་། དྲན་པར་བགྱི་བའི་རྣམ་གྲངས་འགའ་ཙམ་མཆིས་སམ།
D6.011.0138b02.01བཅོམ་ལྡན་འདས་ཀྱིས་བཀའ་སྩལ་པ། ཨུ་པཱ་ལི་དགེ་སློང་མས་དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པའོ་ཞེས་གླེང་བར་བྱ་བ་དང་། དྲན་པར་བྱ་བའི་རྣམ་གྲངས་གང་ཡང་མེད་དོ།། །།མདོར་ན། ཚོང་དཔོན་གྱིས་ཀྱང་
D6.011.0138b03.01ཟས་ལྷག་མ། །བཞག་པ་དག་ནི་མི་སྤང་སྟེ། །བར་ཆད་ཆོས་ནི་མི་དྲི་བ། །གཞན་ཕྱིར་དག་དང་ཁྲག་འཛག་པའོ། །གླེང་གཞི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཚོང་དཔོན་གཞན་ཞིག་གནས་པ་ཕྱུག་ལ་ནོར་མང་ཞིང་ལོངས་སྤྱོད་ཆེ་བ་དེས་རིགས་མཉམ་པ་ལས་ཆུང་མ་ཞིག་
D6.011.0138b04.01བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་སྤྱོད་ཀྱང་བུ་ཕོ་ཡང་མ་བྱུང་། བུ་མོ་ཡང་མ་བྱུང་ངོ་། །དེ་དུས་ཕྱི་ཞིག་ན་ནོར་ཟད་པར་གྱུར། ལོངས་སྤྱོད་ཀྱང་ཟད་པར་གྱུར་ནས་དེས་ཆུང་མ་ལ་བཟང་མོ་ད་ནི་བདག་རྒས་པས་ནོར་བཙལ་བར་མི་ནུས་ཀྱིས་ཛེ་
D6.011.0138b05.01ཏའི་ཚལ་དུ་སོང་སྟེ་རབ་ཏུ་འབྱུང་ངོ་ཞེས་སྨས་པ་དང་། དེས་ཇོ་བོ་དེ་སྟེ་ཁྱོད་རབ་ཏུ་འབྱུང་ན། བདག་སུའི་དྲུང་ན་འདུག་གིས་བདག་ཀྱང་རབ་ཏུ་འབྱུང་ངོ་ཞེས་སྨྲས་པ་དང་། དེས་བཟང་མོ་ལེགས་ཀྱིས་འདོང་ཞེས་སྨྲས་ནས། དེ་ཁྲིད་དེ་གཽ་ཏ་མཱི་སྐྱེ་དགུའི་བདག་མོའི་དྲུང་དུ་འོངས་ནས་
D6.011.0138b06.01རྐང་པ་ལ་ཕྱག་བྱས་ཏེ། འཕགས་མ་རང་གི་སླས་འདི་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་གྱིས་རབ་ཏུ་ཕྱུང་ཤིག །བདག་ཛེ་ཏའི་ཚལ་དུ་མཆིས་ལ་རབ་ཏུ་འབྱུང་ངོ་ཞེས་སྨྲས་ནས་དེས་སྨྲས་པ། བུ་ཁྱོད་ཆུང་མ་དང་བཅས་ཏེ་སེམས་བསྐྱེད་པ་ནི་ལེགས་ཏེ་རབ་
D6.011.0138b07.01