完整藏文原文 · 德格版页 当前仅加载第 11 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་ཡང་དང་ཡང་དུ་འདུ་ཞིང་ཡང་དང་ཡང་དུ་འདུ་བ་ལས་རིང་དུ་གནས་ན། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་ཇི་སྲིད་དུ་
D6.011.0231b01.01མཐུན་པར་འདུ་ཤིང་མཐུན་པར་འགྲོ་བ་དང་། དགེ་འདུན་གྱི་དོན་དང་དགེ་འདུན་གྱི་བྱ་བ་མཐུན་པར་བྱེད་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་སྨོན་པ་མ་ཡིན་པ་ལ་ནི་སྨོན་པར་མི་བྱེད།
D6.011.0231b02.01སྨོན་པ་ན་ཀུན་དུ་འདོར་བར་མི་བྱེད་ཅིང་ཇི་ལྟར་བསླབ་པ་བཅས་པ་གཞན་ཡང་དག་པར་བླངས་ཏེ་སྤྱོད་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡང་འབྱུང་བའི་སྲེད་པ་དགའ་བའི་འདོད་ཆགས་ཀྱིས་མོད་
D6.011.0231b03.01ལས་སྐྱེས་ཤིང་འབྱུང་བར་འགྱུར་བ་དེ་དང་དེ་དག་ལ་མངོན་པར་དགའ་བའི་དབང་དུ་མ་གྱུར་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གནས་བརྟན་རྒྱལ་པོ་ལྟ་བུ་རབ་ཏུ་བྱུང་ནས་ཡུན་རིང་དུ་ལོན་པ། ཚངས་པར་
D6.011.0231b04.01སྤྱོད་པ་གོམས་པར་བྱས་པ་སྟོན་པས་བསྔགས་པ་ཀུན་དུ་བསྒོམས་པས་རྣམ་པར་རིག་པའི་ཚངས་པ་མཚུངས་པར་སྤྱོད་པ་དེ་ལྟ་བུ་དེ་དག་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་། དེ་དག་གི་ཚིག་ལ་དད་པས་ཉན་པར་བྱེད། སེམས་པར་བྱེད་ན་དགེ་སློང་དག་
D6.011.0231b05.01དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་དགོན་པ་དང་། ནགས་ཁྲོད་དང་། བས་མཐར་གནས་མལ་འཆའ་བར་བྱེད་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་
D6.011.0231b06.01པར་བྱའོ། །དགེ་སློང་དག་ཇི་སྲིད་དུ་ཚངས་པ་མཚུངས་པར་སྤྱོད་པ་རྣམས་ལ་དད་པའི་སེམས་དྲག་པོས་ཀུན་དུ་བསྲུངས་པ་དྲན་པ་ཉེ་བར་གནས་པར་གྱུར་ཅིང་གང་ཚངས་པ་མཚུངས་པར་སྤྱོད་པ་མ་འོངས་པ་དེ་དག་ནི་འབོད་པར་བྱེད་ཅིང་། འོངས་པ་དག་ལ་ནི་མངོན་པར་དགའ་
D6.011.0231b07.01