完整藏文原文 · 德格版页 当前仅加载第 11 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཇི་ཙམ་ན་དགྲ་བཅོམ་པ་ལྔ་བརྒྱའོ་སྙམ་དུ་གནས་བརྟན་གྱིས་བསམས་ནས་དགྲ་བཅོམ་པ་ལྔ་བརྒྱའོ་ཞེས་སྨྲས་པ་དང་། ཀླུ་རྣམས་ཀྱིས་དེ་བཞིན་དུ་གྱུར་ཅིག །གལ་ཏེ་དགྲ་བཅོམ་པ་གཅིག་ཅིག་གིས་མ་ཚང་ན་དེའི་ཚེ་ཁ་ཆེ་ཡུལ་བདག་ཅག་གིས་སླར་དབྲོག་པར་
D6.011.0323a01.01བགྱིའོ་ཞེས་སྨྲས་པ་དང་། གནས་བརྟན་ཉི་མའི་གུང་གིས་ཁ་ཆེ་ཡུལ་གྱི་ཀླུ་རྣམས་ལ་སྨྲས་པ། དེ་ཡིན་མོད་ཀྱི་འོན་ཀྱང་གང་ན་སྦྱིན་བདག་གནས་པ་དེ་ན་ལེན་པ་ཡོད་པས་ངས་ཁྱིམ་བདག་ཀྱང་འཇུག་པར་བྱའོ། །ཀླུ་རྣམས་ཀྱིས་དེ་བཞིན་དུ་གྱུར་ཅིག་ཅེས་སྨྲས་པ་དང་། ཇི་ཙམ་ན་གནས་
D6.011.0323a02.01བརྟན་གྱིས་སྐྱེ་བོ་རང་ཉིད་ཀྱིས་གྲོང་དང་། གྲོང་ཁྱེར་དང་། ཡུལ་འཁོར་དག་བྱས་ཏེ་སྐྱེ་བོའི་ཚོགས་དག་ཞུགས་པ་དང་། དེ་དག་གིས་གནས་བརྟན་ཇི་ལྟར་བདག་ཅག་འཕེལ་བར་འགྱུར་ཞེས་སྨྲས་པ་དང་། ཇི་ཙམ་ན་གནས་བརྟན་གྱིས་སྐྱེ་བོའི་ཚོགས་དག་ཁྲིད་ནས་རི་སྤོས་ཀྱི་ངད་ལྡང་དུ་
D6.011.0323a03.01ཕྱིན་ནས་གུར་གུམ་དག་ཐོན་ཅིག་ཅེས་སྨྲས་པ་དང་། ཇི་ཙམ་ན་རི་སྤོས་ཀྱི་ངད་ལྡང་གི་ཀླུ་རྣམས་འཁྲུགས་པ་དང་། དེ་དག་ཀྱང་གནས་བརྟན་གྱིས་བཏུལ་ནས་དེ་དག་གིས་སྨྲས་པ། བཅོམ་ལྡན་འདས་ཀྱི་བསྟན་པ་ཇི་སྲིད་ཅིག་གནས་པར་འགྱུར། གནས་བརྟན་གྱིས་སྨྲས་པ། ལོ་
D6.011.0323a04.01སྟོང་ངོ་། །དེ་དག་གིས་བཅོམ་ལྡན་འདས་ཀྱི་བསྟན་པ་ཇི་སྲིད་དུ་གནས་པ་དེ་སྲིད་དུ་གནང་བར་བྱའོ་ཞེས་དམ་ཚིག་བྱས་པ་དང་། གནས་བརྟན་གྱིས་དེ་བཞིན་དུ་གྱུར་ཅིག་ཅེས་སྨྲས་ནས། ཇི་ཙམ་ན་གནས་བརྟན་གྱིས་ཁ་ཆེ་ཡུལ་དུ་གུར་གུམ་གཞག་པར་བྱིན་གྱིས་བརླབས་སོ། །ཇི་
D6.011.0323a05.01ཙམ་ན་གནས་བརྟན་ཉི་མའི་གུང་གིས་བཅོམ་ལྡན་འདས་ཀྱི་བསྟན་པ་ཁ་ཆེ་ཡུལ་དུ་བཞག་ཅིང་རྒྱ་ཆེར་བྱས་ནས་ཆོ་འཕྲུལ་རྣམ་པ་སྣ་ཚོགས་ཀྱིས་སྦྱིན་པ་པོ་དང་། ཚངས་པ་མཚུངས་པར་སྤྱད་པའི་ཡིད་དགའ་བར་བྱས་ནས་མེ་ལ་ཆུས་བཏབ་པ་བཞིན་དུ་མྱ་ངན་ལས་འདས་པར་སོང་ནས་དེའི་
D6.011.0323a06.01ལུས་ཙན་དན་ས་མཆོག་དང་ཨ་ག་རུ་ལ་སོགས་པའི་ཤིང་གིས་བསྲེགས་ནས་མཆོད་རྟེན་བརྩིགས་ཏེ་བཞག་གོ། །དེ་ནས་ཚེ་དང་ལྡན་པ་ཤ་ནའི་གོས་ཅན་གྱིས་ཀྱང་ཚེ་དང་ལྡན་པ་ཉེ་སྦས་རབ་ཏུ་ཕྱུང་ནས་དེས་བསྟན་པ་རྒྱ་ཆེར་བྱས་ཏེ་ཚེ་དང་ལྡན་པ་ཉེ་སྦས་ལ་འདི་སྐད་ཅེས་སྨྲས་སོ། །ཚེ་དང་
D6.011.0323a07.01