完整藏文原文 · 德格版页 当前仅加载第 11 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་གྱིས། དེའི་ཕྱིར་དགེ་སློང་དག་དེ་ལྟ་བུའི་ཁྱིམ་དུ་འགྲོ་བར་མི་བྱ་བར་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱིམ་བདག་གི་ཆུང་མ་འོད་བཟང་མ་དགེ་སློང་མཐོང་ནས་རྟོག་པ་སྐྱེས་ཏེ་སྲོག་དང་བྲལ་བར་གྱུར་གྱིས་དེ་ལྟ་བས་ན་དགེ་སློང་དག་དགེ་
D6.011.0035b01.01སློང་གིས་གང་འདི་ལྟ་བུའི་ཉེས་དམིགས་འབྱུང་བར་འགྱུར་བ་དེ་ལྟ་བུའི་ཁྱིམ་དུ་འགྲོ་བར་མི་བྱའོ། །དགེ་སློང་དེ་ལྟ་བུའི་ཁྱིམ་དུ་འགྲོ་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་རྒྱལ་པོའི་ཁབ་ནའོ། །དགེ་སློང་སྤོང་བ་པ་ཞིག་ཡོད་པ་ཡང་དང་ཡང་དགོན་པའི་གནས་སུ་
D6.011.0035b02.01སོང་ནས་བསམ་གཏན་བྱེད་དོ། །དེར་དེ་ལ་བདུད་ཀྱི་རིས་ཀྱི་ལྷ་མོ་ཞིག་གིས་ཚུལ་མ་ཡིན་པར་སྤྱད་པ་བསྒུགས་པ་ལས་དེ་མ་བཏུབ་པ་དང་། དེས་འཕགས་པ་ཁྱོད་མ་བཏུབ་དང་གནོད་པར་བྱའོ། །དེས་སྨྲས་པ། སྲིང་མོ་ང་ནི་དགེ་སློང་ཚུལ་ཁྲིམས་ཅན་ཡིན་ན་ཁྱོད་ཀྱིས་ང་ལ་
D6.011.0035b03.01གནོད་པ་བྱར་ཅི་ཡོད། དེས་འཇལ་ཞེས་བྱས་ནས་དེ་ལ་གླགས་ཚོལ་བ་ལྷུར་ལེན་ཅིང་འདུག་གོ། །དེས་དུས་གཞན་ཞིག་ན་སྣམ་སྦྱར་པུས་ཁྱུད་ལྟར་མདུད་པ་བོར་ནས་གཉིད་ལོག་པར་གྱུར་པ་དང་། ལྷ་མོ་དེས་བསམས་པ། འདི་ལ་ཤ་གླན་པའི་དུས་ནི་འདི་ཡིན་ནོ་སྙམ་ནས་
D6.011.0035b04.01དེས་དེ་བླངས་ཏེ། རྒྱལ་པོ་གཟུགས་ཅན་སྙིང་པོ་སྟེང་གི་ཁང་{བཟངས་ཀྱི་,བཟང་གི་}སྟེང་ན་གཉིད་ཀྱིས་ལོག་པའི་སྟེང་དུ་བོར་རོ། །དེ་སྔངས་ནས་གཉིད་སད་དེ་དེ་མཐོང་ནས་ཁྱོད་སུ་ཞེས་དྲིས་པ་དང་། དེས་སྨྲས་པ། དགེ་སྦྱོང་ངོ་། །དགེ་སྦྱོང་གི་ནང་ན་གང་ཞིག །ཤཱཀྱའི་བུའི་དགེ་
D6.011.0035b05.01སྦྱོང་ངོ་། །འཕགས་པ་ཁྱོད་ཇི་ལྟར་འདིར་འོང་། དེས་དེ་ལ་ཇི་ལྟར་གྱུར་པ་སྨྲས་པ་དང་། དེས་སྨྲས་པ། འཕགས་པ་ཁྱོད་ཅིའི་ཕྱིར་དེ་ལྟ་བུའི་གདུག་པ་མང་པོ་ཅན་གྱི་གནས་མལ་དུ་གནས། ཇི་སྟེ་བདག་བཅོམ་ལྡན་འདས་ལ་དད་པར་མ་གྱུར་ན་བདག་གིས་ཁྱོད་བསད་པར་
D6.011.0035b06.01འགྱུར་བའམ། བསྟན་པ་དང་བྲལ་བར་འགྱུར་རོ་ཞེས་བྱས་པ་དང་། དེ་ཅང་མི་ཟེར་བར་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་དེ་ལྟ་བུའི་གདུག་
D6.011.0035b07.01