完整藏文原文 · 德格版页 当前仅加载第 11 函德格 321a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བཅོམ་ལྡན་འདས་ཀྱི་རྗེས་སོང་སྲས་སུ་མངོན་འཁྲུངས་ནས། །དམ་པའི་ཆོས་ཀྱི་མཛོད་ནི་ཡོངས་བསྲུང་ངེས་པའི་བདག་ཉིད་ཅན། །སྲིད་པ་འགོག་པར་མཛད་པ་རྣམ་པར་དག་པའི་བློ་གྲོས་ནི། །གྲོང་ཁྱེར་ཡངས་པ་ཅན་དུ་མངོན་པར་རབ་ཏུ་གཤེགས་པར་
D6.011.0321a01.01གྱུར། །ཇི་ཙམ་ན་རྒྱལ་པོ་མ་སྐྱེས་དགྲས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཆུ་བོ་གང་གཱའི་འགྲམ་དུ་ཆས་ཏེ་སོང་བ་དང་། ཡངས་པ་ཅན་པ་དག་ལ་ལྷ་དག་གིས་སྨྲས་པ། འཕགས་པ་ཀུན་དགའ་འགྲོ་བའི་སྒྲོན་མ་ནི། །སྐྱེ་བོ་ཕལ་པོ་ཆེ་ལ་ཐུགས་རྗེ་མཛད། །ཐུབ་
D6.011.0321a02.01པ་འདི་ནི་མྱ་ངན་མུན་བསལ་ནས། །རང་ཞི་བརྟན་པར་ཡངས་པ་ཅན་དུ་གཤེགས། །ཇི་ཙམ་ན་ཡངས་པ་ཅན་གྱི་ལིཙྪ་བཱི་རྣམས་ཀྱིས་ཀྱང་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། ཆུ་བོ་གང་གཱའི་འགྲམ་དུ་འོངས་པ་དང་། གནས་བརྟན་ཀུན་དགའ་བོ་ཡང་གྲུར་ཞུགས་
D6.011.0321a03.01ནས་ཆུ་བོ་གང་གཱའི་དབུས་སུ་འདུག་གོ། །དེ་ནས་རྒྱལ་པོ་མ་སྐྱེས་དགྲས་གནས་བརྟན་ཀུན་དགའ་བོའི་རྐང་པ་ལ་མགོ་བོས་ཕྱག་འཚལ་ནས་སྨྲས་པ། འདབ་མ་བརྒྱ་པ་ལྟ་བུར་ཁ་བྱེ་སངས་རྒྱས་ཡངས་པའི་སྤྱན། །སྲིད་པ་གསུམ་གྱི་སྒྲོན་མར་གྱུར་པ་ཞི་བར་གཤེགས་གྱུར་པས། །
D6.011.0321a04.01བདག་ཅག་ཁྱོད་ལ་སྐྱབས་འོངས་གལ་ཏེ་ཞི་བར་གཤེགས་གྱུར་ན། །བདག་ཅག་དོན་དུ་ཚུར་གཤེགས་ཁྱོད་ཀྱི་སྐུ་ནི་འདིར་འོར་ཅིག །ཇི་ཙམ་ན་ཡངས་པ་ཅན་པ་དག་གིས་ཀྱང་དེ་སྐད་སྨྲས་པ་དང་། དེ་ནས་ཚེ་དང་ལྡན་པ་ཀུན་དགའ་བོས་ཀྱང་འདི་ལྟར་བསམ་པ་བསྐྱེད་དེ།
D6.011.0321a05.01གལ་ཏེ་མ་ག་དྷཱ་ཡི་གྲོང་དུ་བདག་གི་ལུས་བོར་ན། །ལིཙྪ་བཱི་རྣམས་གདོན་མི་ཟ་བར་སྡུག་བསྔལ་འགྱུར། །གལ་ཏེ་གྲོང་ཁྱེར་སྤོང་བྱེད་དག་ཏུ་བདག་གི་ལུས་བོར་ན། །མ་ག་དྷཱ་ཡི་བདག་པོ་ངེས་པར་མི་དགའ་བས། །དེ་བས་ལུས་ཕྱེད་མི་ཡི་དབང་པོ་ལ། །ལུས་ཀྱི་ཕྱེད་ནི་
D6.011.0321a06.01ཚོགས་ལ་བྱིན་བྱས་ནས། །འདི་ལྟར་དེ་དག་གཉི་གས་ཡང་དག་པར། །རྟག་པ་ཁོ་ནར་མཆོད་པ་ཉིད་དུ་འགྱུར། །ཇི་ཙམ་ན་གནས་བརྟན་ཀུན་དགའ་བོ་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་ས་ཆེན་པོ་འདི་རྣམ་པ་དྲུག་ཏུ་གཡོས་སོ། །དེའི་ཚེ་དྲང་སྲོང་གཞན་ཞིག་
D6.011.0321a07.01