完整藏文原文 · 德格版页 当前仅加载第 11 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
དང་སློབ་དཔོན་ལ་ཁམས་མཉམ་མམ་ཞེས་དྲི་བར་བྱའོ། །གལ་ཏེ་མཁན་པོ་ཁམས་མི་མཉམ་མོ་ཞེས་ཟེར་ན་དེའི་ནད་དྲིས་ཏེ་སྨན་པ་ལ་བཞིན་{བཟངས་,བཟང་}བདག་གི་མཁན་པོ་འདི་འདྲ་བ་ན་བར་གྱུར་ན་སྨན་སྟོན་ཅིག་ཅེས་དྲིས་ལ་ཇི་ལྟར་བསྒོ་བ་དེ་ལྟར་བྱའོ། །དེ་ལྟར་འབྱོར་ན་ལེགས།
D6.011.0226a01.01གལ་ཏེ་མ་འབྱོར་ན་དེའི་ཉེ་དུ་དག་ལ་བསླང་བར་བྱའོ། །གལ་ཏེ་ཉེ་དུ་མང་པོར་གྱུར་ན་དེས་མཁན་པོའི་ཉེ་དུ་གང་ལས་སྨན་བསླང་བར་བགྱི་ཞེས་དྲི་ཞིང་གང་ལ་བསྟན་པ་དེའི་དྲུང་ནས་བསླང་བར་བྱའོ། །ཉེ་དུ་དག་མེད་ན་བྲམ་ཟེ་དང་ཁྱིམ་བདག་གང་ལ་བསྟན་པ་དེ་ལས་བསླང་བར་བྱའོ། །གལ་ཏེ་དེ་
D6.011.0226a02.01ལྟ་བུ་ཡང་མེད་ན་སྨན་ཁང་ནས་བསླང་བར་བྱའོ། །གལ་ཏེ་དེ་ནས་ཀྱང་མ་རྙེད་ན་རང་གི་ལས་ལ་བལྟ་ཞིང་བཟའ་བ་དང་། བཏུང་བ་དང་། མྱང་བ་ཙམ་ལ་གནས་པར་བྱའོ། །ཇི་སྟེ་མིན་པར་གྱུར་པ་ཞིག་ན་སོ་ཤིང་བཟའ་བར་བྱ་ཞིང་ཕྱོགས་གང་དུ་མཁན་པོས་སོ་ཤིང་བོར་བའི་ཕྱོགས་སུ་ཕྱག་དར་
D6.011.0226a03.01དང་། དཀྱིལ་འཁོར་བྱས་ནས་སྟན་གདིང་ཞིང་། ཆུ་སྣོད་དང་། ཆོལ་ཟངས་དང་། འདག་ཆལ་དང་། སོ་ཤིང་བོར་ནས་ཆོལ་ཟངས་བླང་བར་བྱའོ། །གལ་ཏེ་མིག་ནད་ཅན་ཞིག་ན་སྨན་པས་བསྒོ་བའི་མིག་སྨན་སྦྱར་བར་བྱ་སྟེ། མིག་སྨན་སྦྱར་ནས་སྦྱིན་པར་བྱ་ཞིང་དེ་སླར་ཡང་བླང་བར་བྱའོ། །
D6.011.0226a04.01ཆོས་གོས་དག་ཀྱང་སྦྱིན་པར་བྱ་ཞིང་ནམ་ཆོས་གོས་བགོས་ནས་མཆོད་རྟེན་དག་ལ་ཕྱག་བྱེད་ན། དེ་ནས་གནས་ཁང་ཆག་ཆག་གིས་གདབ་ཅིང་ཕྱག་དར་བྱའོ། །གལ་ཏེ་རྡུལ་ཡོད་པར་གྱུར་ན་བ་ལང་གི་ལྕི་བའམ། ལོ་མ་སྔོན་པོས་ཇི་ཙམ་པ་དེ་བྱུག་པར་བྱའོ། །དེ་ནས་མཆོད་རྟེན་ལ་ཕྱག་
D6.011.0226a05.01བྱ་ཞིང་ཚངས་པ་མཚུངས་པར་སྤྱོད་པ་ལ་ཡང་ཅི་ནུས་ཀྱིས་ཕྱག་བྱའོ། །དེ་ནས་བསམ་གཏན་དང་བཀླག་པའི་སྦྱོར་བས་གནས་པར་བྱའོ། །དུས་ཚོད་ཤེས་ནས་ལྷུང་བཟེད་གཉིས་བཀྲུས་ཏེ། གལ་ཏེ་བསོད་སྙོམས་པ་ཞིག་ཡིན་ན་ལྷུང་བཟེད་ལྕི་བ་དེ་བདག་གིས་བཀུར་བར་བྱ་ཞིང་། གང་
D6.011.0226a06.01ཡང་བ་དེ་མཁན་པོ་ལ་སྦྱིན་པར་བྱའོ། །གལ་ཏེ་གྲང་བའི་དུས་སུ་གྱུར་ན་སྣམ་སྦྱར་གང་ལྕི་བ་དེ་མཁན་པོ་ལ་སྦྱིན་པར་བྱ་ཞིང་། གང་ཡང་བ་དེ་བདག་གིས་བགོ་བར་བྱའོ། །ཇི་སྟེ་དྲོ་བ་ཞིག་ཏུ་གྱུར་ན་གང་ཡང་བ་དེ་མཁན་པོ་ལ་སྦྱིན་པར་བྱ་ཞིང་། གང་ལྕི་བ་དེ་བདག་གིས་བཀུར་
D6.011.0226a07.01