完整藏文原文 · 德格版页 当前仅加载第 11 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་དང་། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་དང་། མི་ཆེ་བ་དང་། མི་གདུང་བ་དང་། ཤིན་ཏུ་མཐོང་དང་། གྱ་ནོམ་སྣང་དག་གིས་སྐད་
D6.011.0316b01.01ཅིག་དེ་དང་། ཐང་ཅིག་དེ་དང་། ཡུད་ཙམ་དེ་དང་། སྐད་ཅིག་དང་། ཐང་ཅིག་དང་། ཡུད་ཙམ་དེ་ལ་འོག་མིན་གྱི་གནས་ཀྱི་བར་དུ་སྒྲ་གྲགས་ཏེ། འོག་མིན་གྱི་ལྷ་རྣམས་ཀྱིས་ཀྱང་སྒྲ་བསྒྲགས་པ་ནས། ལྷ་མ་ཡིན་གྱི་ལུས་ཡོངས་སུ་འགྲིབས་པར་གྱུར་ཏོ་ཞེས་བྱ་བའི་བར་སྔ་མ་བཞིན་ཏེ།
D6.011.0316b02.01དགྲ་བཅོམ་པ་ལྔ་བརྒྱས་ཡང་དག་པར་བསྡུས་པས། ལྔ་བརྒྱས་ཡང་དག་པར་བསྡུས་པ་ལྔ་བརྒྱས་ཡང་དག་པར་བསྡུས་པ་ཞེས་བྱ་བའི་མིང་དུ་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཡང་དག་པར་བསྡུ་བ་བྱས་ནས་སྨྲས་པ། ཀྱེ་མ་སྟོབས་བཅུ་མངའ་བའི་གསུང་ནི་ཚད་
D6.011.0316b03.01མེད་པ། །འགྲོ་ལ་ཕན་ཕྱིར་ཆོས་ཀྱི་བསྟན་བཅོས་འདི་བསྡུས་པས། །གང་ན་འཇིག་རྟེན་བློ་ངན་མུན་བྱེད་ཆུད་ཟོས་པ། །བློ་གྲོས་རབ་རིབ་བསལ་བས་སྒྲོན་མར་ཡང་དག་ལྡན། །དེ་ནས་ཚེ་དང་ལྡན་པ་འོད་སྲུང་ཆེན་པོས་འདི་སྙམ་དུ་སྡེ་སྣོད་གསུམ་ཡང་དག་པར་བསྡུས་ཏེ་སྨོན་པའི་ཤེས་
D6.011.0316b04.01པས་བརྟགས་ནས་ཇི་ཙམ་བཞག་པས། བཅོམ་ལྡན་འདས་ཀྱི་བསྟན་པ་གནས་པར་འགྱུར་རོ་ཞེས་ཇི་སྐད་གསུངས་པ་དག་ཀྱང་བདག་གིས་རྣམ་པ་ཐམས་ཅད་དུ་བྱས། བཅོམ་ལྡན་འདས་དེས་བཀའ་སྩལ་ཅིང་ལུང་བསྟན་པ་ཅི་ནུས་སུ་བྱས། བཅོམ་ལྡན་འདས་ཆོས་ཉིད་
D6.011.0316b05.01ཆོས་ཀྱི་རྗེ་ལ་བདག་གིས་མཛའ་བོ་བཞིན་དུ་བྱས་ཤིང་བལྟས་ཏེ། བྱས་པ་གཟོ་བར་བྱས་ཤིང་ཕྱིར་ཕན་གདགས་པ་ཡང་ཅུང་ཟད་ཙམ་བྱས་པས་འཇིག་རྟེན་གྱི་མགོན་པོ་དེ་ལ་མ་ལུས་པར་ལན་དུ་ཕན་འདོགས་པར་ནི་གང་ཞིག་གིས་ནུས་ཏེ། ཆོས་དང་ལྡན་པ་ལ་ཚངས་པར་
D6.011.0316b06.01སྤྱོད་པ་ནི་ཀུན་ཏུ་སྤྱད། འཇིག་རྟེན་རྣམས་ལ་ནི་ཕན་བཏགས་ཏེ་ཡུན་རིང་པོ་ནས་བླ་མས་བསྐོས་པས་ཕུང་པོའི་ཁུར་དང་ལུས་རྣག་ཅན་འདིས་ཡང་སྐྱོ་བས། བདག་ནི་ཡོངས་སུ་མྱ་ངན་ལས་འདའ་བའི་དུས་ལ་བབ་སྟེ་འགྲོ་བར་བྱའོ་སྙམ་དུ་བསམས་ནས་སྨྲས་པ། བདག་
D6.011.0316b07.01