完整藏文原文 · 德格版页 当前仅加载第 11 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
དག་འདི་ནི་བརྩོན་པ་ལ་གནས་པ་ཡིན་ནོ། །དགེ་སློང་དག་ཤེས་བཞིན་དུ་གྱུར་ཅིང་འགྲོ་བ་དང་འོང་བའི་ཚེ་ཤེས་བཞིན་དུ་གནས་པ་གང་ཞེ་ན། ལྟ་བ་དང་། རྣམ་པར་ལྟ་བ་དང་། བསྐུམ་པ་དང་། བརྐྱང་བ་དང་། ཆོས་གོས་སྣམ་སྦྱར་གྱོན་པ་དང་། ལྷུང་བཟེད་
D6.011.0242a01.01ཐོགས་པ་དང་། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དང་། ལངས་པ་དང་། སྨྲ་བ་དང་། མི་སྨྲ་བ་དང་། གཉིད་དང་། ངལ་བ་དང་། ངལ་བསོ་བའི་ཚེ་ཤེས་བཞིན་དུ་གྱུར་པ་སྟེ། དགེ་སློང་དག་འདི་ནི་ཤེས་བཞིན་དུ་གནས་པར་གྱུར་པ་ཡིན་ནོ། །དགེ་སློང་
D6.011.0242a02.01དག་ཇི་ལྟར་དྲན་པར་གྱུར་པ་ཡིན་ཞེ་ན། དགེ་སློང་དག་འདི་ལ་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་བརྩོན་འགྲུས་དང་། ཤེས་བཞིན་དང་། དྲན་པ་དང་ལྡན་པས་འཇིག་རྟེན་ལ་གནོད་སེམས་དང་། ཡིད་མི་བདེ་བ་སྤངས་ནས་གནས་སོ། །ཕྱིའི་ལུས་དང་། ནང་གི་དང་། ཕྱི་དང་
D6.011.0242a03.01ནང་གི་ལུས་དང་། ཕྱིའི་ཚོར་བ་དང་། ནང་གི་དང་། ཕྱི་དང་ནང་གི་ཚོར་བ་དང་ཕྱིའི་སེམས་དང་། ནང་གི་སེམས་དང་། ཕྱི་དང་ནང་གི་སེམས་དང་། ཕྱིའི་ཆོས་དང་། ནང་གི་ཆོས་དང་། ཕྱི་དང་ནང་གི་ཆོས་ལ་ཆོས་ཀྱི་རྗེས་སུ་ལྟ། བརྩོན་འགྲུས་དང་། ཤེས་བཞིན་དང་།
D6.011.0242a04.01དྲན་པ་དང་ལྡན་པས་འཇིག་རྟེན་ལ་གནོད་སེམས་དང་། ཡིད་མི་བདེ་བ་སྤངས་ནས་གནས་སོ། །དགེ་སློང་དག་འདི་ནི་དྲན་པ་ལ་གནས་པ་ཡིན་ནོ། །དགེ་སློང་དག་ཨ་མྲ་སྐྱོང་མ་འདིར་འོང་གིས་བརྩོན་པ་དང་། ཤེས་བཞིན་དང་། དྲན་པས་གནས་པར་གྱིས་ཤིག་ཅེས་
D6.011.0242a05.01ངས་གང་གསུངས་པ་ནི་དེ་ཡིན་ནོ། །དེ་ནས་ཨ་མྲ་སྐྱོང་མ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་བཅོམ་ལྡན་འདས་ཀྱིས་ཨ་མྲ་སྐྱོང་མ་
D6.011.0242a06.01ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་
D6.011.0242a07.01